2 Abhakorinto 8:4 - Eriiraghano Eriihë

⁴ na ꞉mbaatusasaamiri chwee kubha, tobhahë omweya o ghusanga kobhatoori abhakumi bha Yerusareemu.

2 Abhakorinto 8:4 ပူးပေါင်းရင်းမြစ်များ

Mataayo 10:42

Mahëënë ˆnekabhabhoorera kubha wowoose uno akomuha eghisënchö ke manche amamititu umu o bhano bhaanyi abhasuuhu gho kubha na abhaanabheegha bhaane, Eryobha ndekomoreha atuho yaache.”

Mataayo 12:50

Gho kubha omooto wowoose uno aghuköra ghano ghaanyi amiigha gha Taata waane uno anyi Mwishaaro, uyo niwe omwito, na niwe yiima.”

Mataayo 25:40

Niho eni uno neenyi Omutëmi nekobhagharokeri nebhughe, ‘Mahëënë ˆnekabhabhoorera, ghyokyose kino muköriire umu mo‑bhakumi bhano bhakorighibhu bhataanyi no obhwëra, mbe, neeni muköriire.’

Maariko 14:7

Inyu moonyi haghirohamu na bhahabhe chaasiko choose. Moghotora kobhakörëra amachömu eriibhagha ryoryose rino mosiighiri. Amare, motaakubha haghirohamu na neeni chaasiko choose.

Amaköri gha Bhatomu 11:29

Kurëngʼaana no obhurööti bhuyo, abhaghëndi bhaghiishererani omooto woose, kurëngʼaana no obhotoro bhooche, aruusi ghyokyose gho ghiri e Bhakirisito abhaghëndi bhaabho bhano bhamanyiri mo‑mukööwa o Yuteya.

Amaköri gha Bhatomu 16:15

Niho akabhatiisu haghirohamu na abhaato bha mo‑ka yaache, aghatusasaama akabhugha, “Aribha mokarighi kubha eni woose hëënë nemokumiri Omutëmi, ˆnekabhaghënëhi awaane, mwikare.” Aghatuhënërëra chwee tooghaye.

Amaköri gha Bhatomu 24:17

“Mbe, ghiiche koheta emeeka myaru neghagharuka Yerusareemu, gho ghiri nebharëëtërë abhahabhe bha ritöngö reene ebheghiro bhe kobhatoori, na koruusi amaruusi kwo Waryobha.

Abharuumi 15:31

Munsabhere kubha, abhaato bha mukööwa o Yuteya bhano bhakwanga komokumi Yesu Kirisito, bhataacha ghunkörëra amabhe. Wiiki munsabhere kubha abhakumi bha iyo Yerusareemu, bhiishereri ghosongʼaana obhotoorereri bhuno nekobhahirera koru kwo bhaato bha matöngö.

1 Abhakorinto 16:1

Ibheere neghosiikëra ighoro e musörörö o kobhatoori abhakumi bha mo‑moghya o Yerusareemu. Inyu wiiki mukörë kinya bhuno nebhabhooriire abhaato bha makanisa gha mo‑mukööwa o Gharatiya.

1 Abhakorinto 16:15

Abhahiiri bhaane, mweche kubha Siteebhana haghirohamu na abhaato bha mo‑ka yaache, nibho ꞉bhaare a bhambërë komokumi Yesu Kirisito mo‑mukööwa o Akaaya, nabho mbiiruusiri kobhatoori abhakumi. Mbe, nekobhasasaama,

2 Abhakorinto 9:1

Nteekwënda kobhaandëkëra maaru ighoro e bhotoorereri bhoonyu kwo bhakumi bha Yerusareemu,

Abhagharatiya 2:10

Abhakangati bhayo mbatusabhiri angʼana imu hangʼu kubha, tubhe torahiita abhahabhe bhano bhaanyi ghate e bhakumi bha iyo Yerusareemu. Na neeni neghwiköngʼi chwee ghuköra angʼana iyo.

Abhagharatiya 6:10

Mbe, eriibhagha ryoryose torabha no omweya, tobhakörërë abhaato bhoose amachömu, amare ahanene abhakumi bhaghëndi bhiito.

1 Timotewo 5:10

Abhe omooto uno aghoghongibhu gho ghiri e maköri kinya ghano, abhe omooto uno arëriri abhaana bhoheene, na uno aghënëhiri abhaghëni, na uno abhahökiiri abhakumi gho kobheeghi amaghoro ghaabho, na uno abhasakiiri bhano bhakunyaakibhu. Gho ghayo, abhe omooto uno iruusiri ghuköra amaköri ghoose amachömu.

Abheebhuraaniya 6:10

Mbe, gho kubha Eryobha n‑ihëënë, retaaghotora ghogheebhu amaköri amachömu ghano muköriri. Wiiki retaaghotora kwebhu obhosiighi bhuure mwërëkiri ghokooche gho nchëra e kobhatoori abhakumi abhaghëndi bhaanyu korwera hano musëëmiri mbagha ibheere.