2 Abhakorinto 8:23 - Eriiraghano Eriihë

²³ Ibheere aribha omooto akwënda kumënya amangʼana gha Tiito, iwe m‑mughëndi waane, uno aghuköra emeremo haghirohamu na neeni gho ghiri e kobhasakeri inyu. Na aribha omooto akwënda kumënya amangʼana gha bhande bhano bhiichiri haghirohamu nawe, bhayo n‑abhahiiri bhiito, mbatomuru na amakanisa, bhoose mbakomoghongi Kirisito.

2 Abhakorinto 8:23 ပူးပေါင်းရင်းမြစ်များ

Ruuka 5:10

Yakobho na Yohana, bhërëëti bha Sebhetaayo, mbaare bharaweesana haghirohamu na Simiyooni. Bhoose ghakabharoghoori chwee. Ibheere Yesu akabhugha, “Oo Simiyooni, otatiina gho kubha korwera reero ino, nookubha omoweesani o bhaato, kinya bhuure ore omoweesani o chaasu.”

Ruuka 5:7

Gho ghayo, ekabhaköra bhahonge amabhökö ghaabho ighoro kobherekera abhaghëndi bhano ꞉bhaare mo‑bhwato obhonde kubha bhaache kobhatoori. Hano bhiichiri, bhaghiichori amaryato abhere chaasu, koru ghakëënda komeru.

Yohana 13:16

Mahëënë ˆnekabhabhoorera, omusësë taanyi omokoro ghokera omutëmi waache, wiiki uno atomuru taanyi omokoro ghokera uno amotomiri.

1 Abhakorinto 11:7

Teekubha omosubhe akundekeri omutu waache, gho kubha iwe n‑eghetuubhaani ke Ryobha, wiiki nakwërëki obhokumi obhokoro bho Ryobha. Amare omukari nakwërëki obhokumi obhokoro bho mosubhe waache.

2 Abhakorinto 12:18

꞉Neemusasaamiri Tiito nekamughöötani no omohiiri wiito owonde kubha ache bhowaanyu haghirohamu nawe. Ibheere, Tiito ꞉niimokiri ghyokyose koru ghokoonyu? Motaakorighi kubha eni na we ntoonyi egheghiro kimu mo‑moremo ghino? Wiiki motaakorighi kubha koru atëëmö yiito yoose n‑imu?

2 Abhakorinto 7:6

Amare Eryobha rino rekobhaghambisani bhano bhaanyi na nyaako mo‑metema gheebho, ꞉reeghatughambisani hano Tiito ichiri.

2 Abhakorinto 8:16

Nekoriitabheri Eryobha gho kubha ndemoheere Tiito omukörö uno neenyi nawe eni o kobhasakeri inyu.

2 Abhakorinto 8:18

Tiito uyo, ntomotomiri no omohiiri wiito owonde uno abhaato bha makanisa ghoose bhakomoghongi gho ghiri e meremo gheeche ghe kuraghani Angʼana Anchömu.

2 Abhakorinto 8:19

Ghokera ghayo, amakanisa ngamwahwire omohiiri wiito uyo, kubha abhe haghirohamu na niitu eriibhagha tokohira obhotoorereri mo‑bhaato. Emeremo ghiyo ghe ghareeya ngekomoghongi Omutëmi, wiiki ngekwërëki kebhuno toghwiköngʼi kobhasakeri abhande.

2 Abhakorinto 8:22

Ntomotomiri omohiiri wiito owonde abhe haghirohamu na bha Tiito. Omohiiri uyo ntomorooche mara kaaru gho chanchëra haghare haghare kubha naanyi na amiigha gha ghuköra emeremo, ni ibheere naanyi na amiigha makoro ghokera ekimbërë, gho kubha naanyi ne eriitëngʼërö ikoro chwee ghokoonyu.

2 Abhakorinto 8:6

Gho ghayo, tokamusasaama Tiito kubha ache abhatoori koru inyu kumara emeremo ghiyo ghe ghareeya, gho kubha niwe asëëmiri emeremo ghiyo ghokoonyu.

Abhabhiribhi 2:25

Ibheere nerighi m‑bhoheene komotoma bhowaanyu omokumi mughëndi waane Ebhabhurotiito, omuhöki o meremo ghe Ryobha haghirohamu na neeni, no omoshirikare mughëndi waane gho kuröönëra Angʼana Anchömu. Wiiki niwe ꞉mootomiri ghokoone ghontoori na kunyaakera mo‑bheghiro bhino ꞉neesuuhiiru.

Abhabhiribhi 4:3

Koru iye uno onyi omutamishi omughëndi waane omuhëënë, neghusabha obhasakeri abhakari bhayo bhabhere bhabhe no obhoghwani. Bhayo bhoose bhabhere ꞉mbiiköngʼiri chwee haghirohamu na neeni kuraghani Angʼana Anchömu e Yesu Kirisito mo‑bhaato. Wiiki abhakari bhayo mbaare bharaköra emeremo haghirohamu na Kireementi na abhahöki bhaghëndi bhaane abhande. Amariina gha bhaato bhayo bhoose ngaandëkuru mo‑Ghitabhu ke Bhuhöru.

Abhakorosaayi 1:7

꞉Mweeghiri Angʼana Anchömu iyo koru o‑Ebhaabhura. Iwe naghuköra emeremo kinya omutamishi mughëndi wiito omosiighani, no omuhëënë o Kirisito gho ghiri yaanyu.

1 Abhatesaronike 2:2

Wiiki mweche kubha hano toore tokeere kohika bhowaanyu, ntunyaakibhuru na ghotoku mo‑moghya o Bhiribhi. Nangabha bhowaanyu ꞉haare haköngʼu chwee, Eryobha reghatuha changuru che kobharaghaneri Angʼana Anchömu ighoro e Yesu kwo bhosubhesubhe.

2 Timotewo 4:10

gho kubha Tema nantighiri. Iwe nasiighiri amangʼana gha se ino, naghiire mo‑moghya o Tesaronike. Kiresike iwe naghiire korihökëri Eryobha mo‑mukööwa o Gharatiya, na Tiito woose naghiire mo‑mukööwa o Tarimatiya.

Tiito 1:4

ˆNeghakwandëkëra iye Tiito, omoona waane o muhëënë mo‑bhokumi bhuno tusangiri haghirohamu. Neghokwëndëra aghareeya no omurëmbë koru kwo Waryobha Taata na gho Kirisito Yesu Omotoori wiito, ghibhe haghirohamu na niiye.

Bhiremooni 1:17

Ibheere mbe, aribha onyeche eni kubha neenyi no obhughöötani na niiye, omwishereri uyo kinya bhuure onganyiisheriiri eni omwene.

Bhiremooni 1:24

Wiiki abhatamishi bhaghëndi bhaane Maariko, na Arisitaariko, na Tema, na Ruuka, mbaghoghukëëri.

3 Yohana 1:8

Gho ghayo, itu ntokwëndëru kobhatoori abhaato kinya bhayo. Gho ghuköra hangʼu, ntookubha tughöötiine haghirohamu nabho mo‑meremo ghe kuraghani obhuhëënë.