2 Abhakorinto 8:21 - Eriiraghano Eriihë

²¹ Amënda ghiito n‑ghuköra ghano ghaanyi amachömu, taanyi ambërë e Mutëmi okwene, amare na ambërë e bhaato.

2 Abhakorinto 8:21 ပူးပေါင်းရင်းမြစ်များ

Mataayo 23:5

Ibho mbahaaköra ghoose ghayo kubha bhiyëërëkani mo‑bhaato. Mbahaabha bharabheeka mo‑bhesho na mo‑mabhökö ebheteneka bhekoro bhe mashëërö bhino bhyandëkiri emeghiro na kwëngërëerëri mo‑chambasani che changibho cheebho che masabhi chibhe indë ghokera abhande.

Mataayo 5:16

Hangʼu hangʼu ne emirëngaari gheenyu ngekwëndëru ghirëngaari kwo bhaato, kubha bhabhönë korighi amaköri ghaanyu amachömu, bhamoghongi Iso waanyu uno anyi Mwishaaro.

Mataayo 6:1

“Mbe, mumööhërëri! Motaköra ghano Eryobha rekwënda ambërë e bhaato kubha bhabharighi. Aribha moraköra hangʼu, motaakubhöna atuho koru o‑Taata waanyu uno anyi Mwishaaro.

Mataayo 6:4

kubha obhotoorereri bhoocho bhubhe ne ekebhisere. Taata waanyu uno akorighi ghano ghaghuköru mo‑kebhisere, naghoghoghongi.

Abharuumi 12:17

Hano abhaato bhakobhakörëra amabhe, motarehani amabhe kwo mabhe. Amare eriibhagha ryose hano mookubha mokeere ghuköra ghyokyose kwo bhande, mwihëëbhë singa na mukörë ghaare ghakorighibhu kubha m‑machömu kwo bhaato bhoose.

Abharuumi 14:18

Omooto wowoose uno akomukörëra amangʼana ghayo Kirisito, nakorichömëri Eryobha, wiiki na abhaato mbaghuchömëru nawe.

2 Abhakorinto 2:17

Itu totaanyi kinya abhaato abhaaru bhano bhaghukörëra angʼana e Ryobha obhosorocha kubha bhabhönë obhwëra. Amare kwo bhotoro bho Kirisito, ntokuraghani angʼana e Ryobha mo‑bhughöröröku bhoose ambërë e Ryobha, gho kubha niryo ꞉reetotomiri.

2 Abhakorinto 8:20

Totaakwënda tutëmu amasörö no omooto wowoose ighoro e bhwimeerereri bho kohira ebheghiro bhino abhaato bharuusiri kwo bhwaru.

2 Abhakorinto 8:22

Ntomotomiri omohiiri wiito owonde abhe haghirohamu na bha Tiito. Omohiiri uyo ntomorooche mara kaaru gho chanchëra haghare haghare kubha naanyi na amiigha gha ghuköra emeremo, ni ibheere naanyi na amiigha makoro ghokera ekimbërë, gho kubha naanyi ne eriitëngʼërö ikoro chwee ghokoonyu.

Abhabhiribhi 4:8

Antenero, bhahiiri bhaane, motoore amiihëëbhö ghaanyu ghoose ighoro e mangʼana ghano ghaanyi gha hëënë, na amangʼana gha sooko, na amangʼana ghano ghataamara ghusangerani no obhobhe, na amangʼana gha ghotegheri, ghoose ghano ghaanyi no obhuchömu. Bhorabha-ho obhuhöriicho bhobhoose, bhorabha-ho obhokumi obhuchömu bhobhoose, moghiihëëbhërë amangʼana ghayo.

1 Abhatesaronike 5:22

na mwibhareke amabhe ghoose.

1 Timotewo 3:7

Wiiki, nakwëndëru abhe omooto uno aghughambu bhoheene koru mo‑bhaato bhano bhataanyi Abhakirisito, ataacha ghutëmu amasörö na ghwighööti mo‑muhëtö o Rishambu.

1 Timotewo 5:14

Ibheere, nekwënda abhasino bhano bhakeere abhasubhaati, bhabhe bharakwiru, bhiibhore abhaana na kumööhi chaaka cheebho, kubha abhabhisa bhiito bhatighe ghotughamba kobhe.

1 Bheetero 2:12

Mobhakörërë amachömu abhaato bhano bhataryeche Eryobha, kubha eriibhagha bhaakubha bharabhabhiihera amangʼana amabhe, bharighi amaköri ghaanyu amachömu. Niho bhaghotora koreghongi Eryobha gho ghiri yaanyu, mo‑rosiko ro kuucha kooche.