2 Abhakorinto 8:12 - Eriiraghano Eriihë

¹² Aribha omooto naanyi na akörö e ghusakeri, Eryobha ndeghosongʼaana kino akoruusi, kurëngʼaana na kino anyi nakyo, taanyi kurëngʼaana na kino otaghöötë.

2 Abhakorinto 8:12 ပူးပေါင်းရင်းမြစ်များ

Mataayo 25:17

Hangʼu hangʼu, omusësë uno ahaabhuru chataranta ibhere, aghaye nacho mo‑bhosorocha na kubhöna obhwëra bho chende ibhere.

Mataayo 25:22

“Omusësë uno ahaabhuru chataranta ibhere, woose akaacha na chataranta echende ibhere na komobhoorera omutëmi waache arabhugha, ‘Oo omutëmi, ꞉nooheere chataranta ibhere kubha nechikörërë emeremo. Mööhi, nebhwine obhwëra bho chataranta echende ibhere ghachino hano.’

Ruuka 16:10

“Omooto woose uno anyi muhëënë kwo mangʼana masuuhu, niwe akubha omuhëënë koru kwo mangʼana amakoro. Hangʼu hangʼu, omooto woose uno ataanyi muhëënë kwo mangʼana masuuhu, wiiki taakubha muhëënë koru kwo mangʼana amakoro.

2 Abhakorinto 8:11

Ibheere, kinya bhuno moore moriighomba ghuköra riyo eriibhagha musëëmiri, mumareereri emeremo ghiyo, mwiruusi kurëngʼaana na kinya moonyi nabhyo.

2 Abhakorinto 8:13

Ekebhune keene, taanyi kubha inyu munyaake no omorigho o kobhatoori abhande, kubha ibho bhabhe no obhohoho,

2 Abhakorinto 8:19

Ghokera ghayo, amakanisa ngamwahwire omohiiri wiito uyo, kubha abhe haghirohamu na niitu eriibhagha tokohira obhotoorereri mo‑bhaato. Emeremo ghiyo ghe ghareeya ngekomoghongi Omutëmi, wiiki ngekwërëki kebhuno toghwiköngʼi kobhasakeri abhande.

2 Abhakorinto 9:7

Omooto woose aruusi kinya bhuno ꞉ëndiri mo‑körö yaache, atighe koruusi kwo macheeche hamu gho kuhaamereru, gho kubha Eryobha ndemosiighiri omooto uno akoruusi kwo mukörö mwero.

1 Bheetero 4:10

Omooto woose nahaabhuru ekihaano keeche koru kwo Waryobha. Nekwëndëru ghokihökëri bhoheene gho ghiri e ghusakerani, kinya omwimeerereri omuhöriicho o ghareeya e Ryobha ino enyi e manga maaru.