2 Abhakorinto 8:10 - Eriiraghano Eriihë

¹⁰ Ibheere, ighoro e musörörö uno, nekobhabhoorera rino reenyi re bhwëra ghokoonyu. Nekwëndëru mumare ghano musëëmiri mo‑mooka uno ohetiri. Eriibhagha riyo, moore a bhambërë kwërëki amiigha gha ghusöröra na a bhambërë ghusëëma ghuköra hangʼu.

2 Abhakorinto 8:10 ပူးပေါင်းရင်းမြစ်များ

Mataayo 10:42

Mahëënë ˆnekabhabhoorera kubha wowoose uno akomuha eghisënchö ke manche amamititu umu o bhano bhaanyi abhasuuhu gho kubha na abhaanabheegha bhaane, Eryobha ndekomoreha atuho yaache.”

Yohana 11:50

Kana, moteeche kubha ngʼoni omooto umu aku gho ghiri e bhaato bhoose, ghokera eritöngö riito ryose ghosireekereru?”

Yohana 16:7

“Nekobhabhoorera inyu obhuhëënë kubha, ngʼoni ghokoonyu eni neghi o‑Taata, neraanga ghuye, Omotoorereri wuure taaghotora kuucha ghokoonyu. Amare aribha neraghe, nekomotoma ghokoonyu.

Yohana 18:14

Ekeenyuma hayo, Kayabha niwe are abharwachiri Abhayahuuti kubha ngʼoni omooto umu aku gho ghiri e bhaato bhoose.

1 Abhakorinto 10:23

Abhaato abhande ghate yaanyu mbakobhugha kubha, “Ntwishereriiru ghuköra ebheghiro bhyose bhino tookwënda.” Amare eni nebhugha kubha, taanyi bhyose bhino bheenyi no obhwëra ghokwito. Nangabha mokobhugha kubha, “Ntwishereriiru ghuköra ebheghiro bhyose bhino tookwënda.” Amare eni nekobhugha kubha, taanyi ebheghiro bhyose bhino bheghusakeri obhokumi bhwito bhuköngʼëri.

1 Abhakorinto 16:2

Chaasiko choose che Chumabhiiri, omooto woose ghate yaanyu abhe aratoora amamba kurëngʼaana na kebhuno akubhöna, kubha eriibhagha rino nekuucha bhowaanyu, mubhe mumariri ghokoma emisörörö.

1 Abhakorinto 6:12

Abhaato abhande ghate yaanyu mbakobhugha kubha, “Ntwishereriiru ghuköra ebheghiro bhyose bhino tookwënda.” Amare eni nebhugha kubha, taanyi bhyose bhino bheenyi no obhwëra ghokwito. Wiiki mokobhugha kubha, “Ntwishereriiru ghuköra ebheghiro bhyose bhino tookwënda.” Amare eni nteekubha omusësë o ghyokyose.

1 Abhakorinto 7:25

Ibheere, kwo bhaakë bhano bhakeere ghokwiru, ntighöötë amëërëkërëri koru kwo Mutëmi Yesu. Amare nëköbhëërëkërëri kwo miihëëbhö ghaane, eni uno neenyi omuhëënë gho changori che Ryobha.

1 Abhakorinto 7:40

Amare ngʼoni omukari uyo asaaghe anyi omosino, ghokera ghokwiru. Ghayo n‑amiihëëbhö ghaane, wiiki neghwituuri kubha eni neenyi na Akörö e Ryobha ino eghunkangata ghosiikëra amangʼana ghayo.

2 Abhakorinto 12:1

Nekwëndëru kwihacha nangabha etaaghunsakeri ghyokyose. Ibheere nekwënda kwihacha ighoro e amarighi na amangʼana aghande ghano anyëërëkiri Omutëmi Yesu.

2 Abhakorinto 8:6

Gho ghayo, tokamusasaama Tiito kubha ache abhatoori koru inyu kumara emeremo ghiyo ghe ghareeya, gho kubha niwe asëëmiri emeremo ghiyo ghokoonyu.

2 Abhakorinto 8:8

Nteeghosiikëra ghano gho ghiri e kobhahatëka, amare nekwënda korighi aribha obhosiighi bhoonyu m‑bho hëënë. Neghuköra hangʼu gho nchëra e köbhëërëki kinya bhuno abhande bhaghwiköngʼi ghusakeri.

2 Abhakorinto 9:2

gho kubha nyeeche omukörö waanyu o kobhatoori abhande. Wiiki, eni nekwihacha ighoro yaanyu kwo bhaato bha Maketoniya, neghosiikëra kubha, inyu abhaato bha riikanisa re mo‑mukööwa o Akaaya ꞉mwisëëmiri koruusi korwera omooka uno ohetiri. Ghwiköngʼi koonyu kuyo, ngughëriri abhaato bhaaru ghate yaabho kubha no omukörö o koruusi.

Abhabhiribhi 4:17

Nteekobhugha hangʼu gho kubha nekwënda kubhöna ebheghiro koru ghokoonyu, tiyaanyi. Amare nesiighiri nerighi orubhango runo Eryobha rekobhaha kurëngʼaana no obhwero bho chaakörö cheenyu.

Abheebhuraaniya 13:16

Mwëndërërë kobhatoori abhaghëndi na ghusanga nabho ebheghiro bhino moonyi nabhyo, gho kubha ghuköra hangʼu, nigho amaruusi ghano ghaghuchömëri Eryobha.