2 Abhakorinto 8:1 - Eriiraghano Eriihë

¹ Ibheere, abhahiiri bhiito, ntokwënda mumënyë aghareeya e Ryobha ino abhaato bha makanisa gha mukööwa o Maketoniya ꞉bhaabhwine.

2 Abhakorinto 8:1 ပူးပေါင်းရင်းမြစ်များ

Mataayo 25:22

“Omusësë uno ahaabhuru chataranta ibhere, woose akaacha na chataranta echende ibhere na komobhoorera omutëmi waache arabhugha, ‘Oo omutëmi, ꞉nooheere chataranta ibhere kubha nechikörërë emeremo. Mööhi, nebhwine obhwëra bho chataranta echende ibhere ghachino hano.’

Amaköri gha Bhatomu 11:23

Hano ahikiri iyo, akarighi kebhuno aghareeya e Ryobha ebhiitabhiiri abhaato bhayo. Aghachömëru chwee, akabhatoora omukörö bhaköngʼëri komosooka Omutëmi kwo metema gheebho ghyose.

Amaköri gha Bhatomu 16:9

Obhotiko Bhawuro akarighi amarighi. Mo‑marighi ghaache ghayo, akarighi omooto umu imeeriire mo‑mukööwa o Maketoniya aramusasaama chwee arabhugha, “Tëënya uche ino, otusakeri.”

Amaköri gha Bhatomu 24:17

“Mbe, ghiiche koheta emeeka myaru neghagharuka Yerusareemu, gho ghiri nebharëëtërë abhahabhe bha ritöngö reene ebheghiro bhe kobhatoori, na koruusi amaruusi kwo Waryobha.

Abharuumi 15:26

Abhakumi bhano bhaanyi Maketoniya na Akaaya, mbarooche n‑ghuchömu koruusi omusörörö, bhabhatoori abhahabhe mo‑bhakumi bhano bhaanyi iyo Yerusareemu.

1 Abhakorinto 15:10

Amare aghareeya e Ryobha niyo inköriri eni kubha omotomu. Na aghareeya yaache ghokoone teere bhoowa, gho kubha kohetera aghareeya iyo niköriri emeremo ghokera abhatomu bhoose. Ntiköriri ghayo gho changuru cheene omwene, amare na aghareeya e Ryobha niyo iköriri emeremo haghirohamu na neeni.

2 Abhakorinto 11:9

Eriibhagha neere haghirohamu na niinyu, nteere omorigho kwo mooto wowoose hano neere nerasuuheru, gho kubha abhakumi bhano ꞉bhaaruure Maketoniya mbaheere bhino neere nërëënda. Neere neriichonga netaacha kubha omorigho ghokoonyu koru hasuuhu, wiiki nekwëndërëra ghwichonga.

2 Abhakorinto 9:12

Neekubha hangʼu, gho kubha emeremo ghino moghuköra, ghetaaghusakeri abhakumi bha Yerusareemu bhano bhasuuhiiru abheene, amare ngeghuköra abhaato bhaaru bhariitabheri Eryobha chwee.

2 Abhakorinto 9:2

gho kubha nyeeche omukörö waanyu o kobhatoori abhande. Wiiki, eni nekwihacha ighoro yaanyu kwo bhaato bha Maketoniya, neghosiikëra kubha, inyu abhaato bha riikanisa re mo‑mukööwa o Akaaya ꞉mwisëëmiri koruusi korwera omooka uno ohetiri. Ghwiköngʼi koonyu kuyo, ngughëriri abhaato bhaaru ghate yaabho kubha no omukörö o koruusi.

2 Abhakorinto 9:4

Aribha neraacha iyo haghirohamu na Abhamaketoniya na kubhöna motaamara mwisëëmi, hayo mookubha motuköriire chaasoni ighoro e miitëngʼërö ghiito ghokoonyu. Wiiki na niinyu mookubha na chaasoni chino chetaaghughambu.

Abhaebheeso 3:8

Eni m‑mosuuhu neenyi ghokera abhatööbhiyu bhoose bha Ryobha, amare Eryobha ndinsakiiri aghareeya kubha nebharaghaneri abhaato bha matöngö obhwame bho rubhango ro Kirisito runo rotaanyi ne ekirëngërë.

Abhakorosaayi 1:29

Kwo riyo neghwiköngʼi na ghuköra emeremo gho kuhökëri changuru inkoro chino Kirisito aheere.

1 Abhatesaronike 4:10

Mahëënë mubheere morabhakörëra hangʼu bhaghëndi bhaanyu bhoose bha mo‑mukööwa o Maketoniya. Ibheere bhahiiri bhiito ntokobhasabha mosiighane hangʼu hangʼu na ghokera hayo.