6 Amare Eryobha rino rekobhaghambisani bhano bhaanyi na nyaako mo‑metema gheebho, ꞉reeghatughambisani hano Tiito ichiri.
Ngʼoni bhano bhaanyi na amacheeche, gho kubha Eryobha ndekobhaghambisani.
Mbe, na neeni nekomusabha Taata kubha abhahë Omotoorereri owonde, kubha ikare na niinyu emiishe ghyose.
Eryobha niryo reghotusakeri ghoghumereri na ghotughambisani. Ibheere, neghusabha kubha, rebhatoori mubhe no obhumu ghate yaanyu, gho kubha moghutambana eghetuubhaani ghe Kirisito Yesu.
Mo‑riyo motughambisiini chwee. Haghirohamu na riyo, ꞉ntuuchömiiru chwee hano tomorooche Tiito kebhuno are achömiiru, gho kubha ꞉muusambaarokiri omotema waache.
Eni ꞉neebhaghongiri chwee ambërë yaache, na niinyu motanköriire chaasoni. Ghoose ghano toore torabhabhoorera ngaare gha hëënë. Hangʼu hangʼu, na ghano ꞉toobhaghongiiri inyu gho Tiito, ghoose ꞉ngaarighiibhu kubha n‑gha mahëënë.
Nteekobhugha kubha ꞉ntuughambisiinu gho kuucha gho Tiito okwene, amare na kinya bhuno momughambisiini iwe omwene. ꞉Naatobhooriire kinya bhuno moonyi na amiigha gha kondighi, na kebhuno ꞉mwitumatiri na kunyaaka gho ghiri yaane. Ghayo ngaghëriri nichömëru chwee.
Mbe, erabha motooruru omukörö kubha inyu na abhaato bha Kirisito moonyi, erabha wiiki moghughambisanu no obhosiighi bhooche, wiiki erabha moonyi no obhughöötani na Akörö Ahörëëru, ne erabha wiiki mosiighiru na korigheru changori na Kirisito,
tomotome Timotewo mohiiri wiito, kubha ache abhaköngʼi na kobhatoora omukörö mo‑bhokumi bhoonyu. Iwe n‑omutamishi mughëndi wiito o Ryobha gho kuraghani Angʼana Anchömu ighoro e Kirisito.