2 Abhakorinto 7:5 - Eriiraghano Eriihë

⁵ Hano tohikiri Maketoniya, totaabhwine omweya o koweera, gho kubha ntoore na anyaako chambaara choose. Anche ꞉haare ne eriihë, moose mo‑metema ghiito ꞉haare na ahaho.

2 Abhakorinto 7:5 ပူးပေါင်းရင်းမြစ်များ

Amaköri gha Bhatomu 20:1

Mbe, anyööri e hayo Ebheeso yiiche ghosira, Bhawuro akabhabherekera Abhakirisito bha hayo, akabhatoora omukörö, akabharagha, aghaye mo‑mukööwa o Maketoniya.

Abharuumi 15:26

Abhakumi bhano bhaanyi Maketoniya na Akaaya, mbarooche n‑ghuchömu koruusi omusörörö, bhabhatoori abhahabhe mo‑bhakumi bhano bhaanyi iyo Yerusareemu.

1 Abhakorinto 15:31

Abhahiiri bhaane, chaasiko choose eni neenyi mo‑bhobhe bho roko. Na rino n‑de hëënë, kinya bhuno nekwihacha gho ghiri yaanyu gho kubha mughöötiine na Kirisito Yesu Omutëmi wiito.

1 Abhakorinto 16:5

Nekuucha iyo bhowaanyu, hano neekoru mo‑mukööwa o Maketoniya, gho kubha nekwënda singa nehetere Maketoniya.

2 Abhakorinto 2:13

Amare nteere no omurëmbë mo‑körö yaane, gho kubha ntemorooche omohiiri waane Tiito. Gho ghayo nekabharagha neghatanura ghuye Maketoniya.

2 Abhakorinto 2:3

Kiyo nikyo ꞉ghiighëriri nekaandëka mo‑nyaarubha yiire kubha nteekuucha bhowaanyu, motaacha ghunkörëra amacheeche, inyu niinyu mokwëndëru ghunköra eni nichömëru. Neenyi no obhuhëënë kubha eni nerachömëru, na niinyu bhoose moghuchömëru.

2 Abhakorinto 2:9

Ekebhune ekende kino ꞉ghiighëriri nekaandëka anyaarubha yiire n‑kubha, neere nërëënda korighi aribha mongansookiri mo‑mangʼana ghoose.

Abhagharatiya 4:11

Neenyi na ahaho ighoro yaanyu kubha, hamwabhe emeremo ghino ꞉niiköriri gho ghiri yaanyu, ngehetiri bhoowa.

1 Abhatesaronike 3:5

Hano nekeyuru ghoghumereri, nekamotoma Timotewo bhowaanyu, kubha nimënyë amangʼana gha bhokumi bhoonyu. ꞉Niiköriri hangʼu, gho kubha ꞉niituuriri kubha hande abhe Omoseeghereri wuure nabhasakiri na kobharumeeri. Ne emeremo ghiito ghyose ghino ꞉tuuköriri bhowaanyu, ghibhe ghe bhoowa.