2 Abhakorinto 7:15 - Eriiraghano Eriihë

¹⁵ Obhosiighi bho Tiito ghokoonyu mbokwëndërëra kwëngëra, hano akohiita obhosooku bhoonyu bhoose na kinya bhuno momosongʼaaniri gho sooko na gho ghosingisa.

2 Abhakorinto 7:15 ပူးပေါင်းရင်းမြစ်များ

Yohana 16:21

Kinya omukari anda eramure, nahaabha na macheeche gho kubha, eriibhagha re nyaako yaache ˆrekahika. Amare aramara kwibhora, tahahiita wiiki anyaako yiire, gho kubha nahaachömëru kubha omooto niibhwiru mo‑se.

Amaköri gha Bhatomu 16:29

Hayo hayo omochongi uyo aghatomani ebhemore bhirëëtu. Ebhemore hano bhirëëturu, aghasöha mo‑nyumba iyo, akabhuna ebheru ambërë e maghoro gha Bhawuro na Siira ino arasingisa kwo bhotiini.

1 Abhakorinto 2:3

Eriibhagha riyo neere nenyuutiri, neere na ahaho, wiiki neere ndasingisa chwee.

2 Abhakorinto 2:9

Ekebhune ekende kino ꞉ghiighëriri nekaandëka anyaarubha yiire n‑kubha, neere nërëënda korighi aribha mongansookiri mo‑mangʼana ghoose.

2 Abhakorinto 6:12

Itu totaamara totigha kobhasiigha inyu, amare inyu, motighiri ghotosiigha itu.

Abhaebheeso 6:5

Inyu abhasësë, mubhe morabhasooka abhatëmi bhaanyu hano mo‑se, gho körö imu na gho ghosingisa. Mobhasooke kinya bhuno mokomosooka Kirisito.

Abhabhiribhi 1:8

Eryobha ndyeche kubha neghosiikëra obhuhëënë hano neghokumereri kubha neghwighomba korighani na niinyu wiiki. Nebhasiighiri inyu kwo bhosiighi bhuure bhuure kinya Kirisito Yesu abhasiighiri inyu.

Abhabhiribhi 2:12

Mbe, abhasiighani bhaane, hano neere bhowaanyu, moore moraresooka Eryobha chaasiko choose. Hangʼu hangʼu, koru ibheere hano neenyi kurë na niinyu mwiköngʼi ghuköra ghano gharëngʼaaniire mo‑bhaato bhano bhatooriibhu ne Eryobha. Mukörë ghayo gho ghosingisa kuno ghokorwera gho koretiina Eryobha.

Abhakorosaayi 3:12

Ibheere gho kubha inyu n‑abhaahöru bha Ryobha moonyi, na abhatööbhiyu bhano mosiighuru, mubhe no omotema o bheghongi, na atëëmö e bhuhöriicho, no obhunyööhu, no obhuhörëëru, no obhoghumereri.

2 Abhatesaronike 3:14

Aribha omooto wowoose ataakwënda ghoghaghööta amaraghereri ghiito ghano ghaanyi mo‑nyaarubha ino, mubhe miisho no omooto uyo. Motaghöötana nawe kubha arighi chaasoni.

1 Yohana 3:17

Omooto wowoose uno anyi no obhwame bho mo‑se ino, aramara amorighi mughëndi waache uno anyi na amënda, amare ange komorigheri changori komotoori, nibhu aghotora kobhugha kubha naanyi no obhosiighi bho Ryobha moose yaache?