2 Abhakorinto 7:11 - Eriiraghano Eriihë

¹¹ Mööhi! Amacheeche ghano ghakuucha gho ghiri e mënda gha Ryobha ngakobharëëtëra obhwëra obhokoro. Amacheeche ghayo ngabhaköriri kubha na amiigha makoro gha ghuköra ghano ghakwëndëru, na ngabhaköriri ˆmoghiitachura kubha ghano moghuköra n‑gha mahëënë. Wiiki ngabhaköriri kobhurëgha obhobhe, na koresooka Eryobha, na kubha na amiigha gha kondighi, na korighi kubha uno asariri nasongʼaaniri amareho ghaache. Mo‑ghayo ghoose mokwërëki kubha motaanyi ne eriisari mo‑ngʼana ino.

2 Abhakorinto 7:11 ပူးပေါင်းရင်းမြစ်များ

Maariko 3:5

Yesu akabhoomeri amiisho bhoose gho ghukarara, akabha na amacheeche mo‑körö yaache ighoro e bhuköngʼu bho metema gheebho. Niho Yesu akamobhoorera omooto uyo akabhugha, “Ghöröröki okubhökö koocho.” Omooto uyo aghaghughöröröki, hayo hayo ghokahöra!

Yohana 2:17

Hano abhaanabheegha bhaache bhooghwire ghayo, bhakahiita amangʼana ghano ghaandëkuru mo‑Mandëkö Amatööbhiyu kubha, “Obhosiighi bhoone mo‑nyumba yaacho mboghwaka moose yaane kinya omororo na mbokuumara.”

Amaköri gha Bhatomu 17:16

Hano Bhawuro are arabhaghanya Siira na Timotewo hayo mo‑moghya o Atene, akarighi omoghya uyo woose wichwire chasanaamu che misambu. Eghaghëri omotema waache unyaake chwee.

Abharuumi 11:20

Iyo m‑mahëënë. Ebhisaghe bhiyo ꞉mbeenunguru gho kubha bhataakumiri, na niiye noonyi mo‑bhisaghe bhe museyituuni gho kubha noghokumi. Gho ghiri iyo iköngʼi, otiihacha, amare otiine Eryobha.

Abharuumi 14:18

Omooto wowoose uno akomukörëra amangʼana ghayo Kirisito, nakorichömëri Eryobha, wiiki na abhaato mbaghuchömëru nawe.

Abharuumi 3:5

Amare, abhaato abhande mbaghotora kobhugha kubha, “Amasari ghiito itu Abhayahuuti, nigho ghakwërëki kubha Eryobha n‑de bhuhëënë mo‑ghotena ekiina kooche. Amare, aribha Eryobha reghoturööna, tobhughe kubha Eryobha retaanyi re bhuhëënë inkongʼorimu?” Neghosiikëra kinya omooto.

1 Abhakorinto 12:25

kubha omobhere otataana, amare ebhyemo bhyose bhetoorani bhoheene.

1 Abhakorinto 5:13

kinya bhuno yandëkuru mo‑Mandëkö Amatööbhiyu kubha, “Inyu momoruusi wuure omobhe ghate yaanyu.” Amare bhano bhaanyi anche, Eryobha ndekobhatenera ekiina.

1 Abhakorinto 5:2

Ngwake inyu mokwihacha? Ngʼoni mongitumatiri na komoruusi omooto uno aghuköra ghayo ghate yaanyu!

2 Abhakorinto 13:7

Ntokorisabha Eryobha kubha motaköra angʼana yoyoose ambe, taanyi gho kubha ntokwënda torighibhu kubha ntokindiri. Amare ntokwënda mukörë amachömu, koru nangabha itu tokorighibhu kubha ntokinduru.

2 Abhakorinto 2:6

Anchagho ino omooto uyo abhwine koru mo‑bhaaru bhano bhaanyi ghate yaanyu, nemwishiri.

2 Abhakorinto 6:4

Amare mo‑ghoose, ntokwërëki kubha itu n‑abhatamishi bha Ryobha toonyi. Ntokwërëki riyo gho nchëra e ghoghumereri chwee mo‑nyaako, na mo‑nyööri na mo‑mangʼana amaköngʼu.

2 Abhakorinto 7:1

Ibheere, abhasiighani bhaane, Eryobha ndeturaghiri amangʼana ghayo ghoose, gho ghayo twiyeri mo‑ghoose ghano ghaghotuköra kubha abhaghonchu mo‑mebhere na mo‑metema ghiito. Tubhe abhatööbhiyu kwo mangʼana ghoose gho nchëra e koresooka Eryobha.

2 Abhakorinto 7:7

Nteekobhugha kubha ꞉ntuughambisiinu gho kuucha gho Tiito okwene, amare na kinya bhuno momughambisiini iwe omwene. ꞉Naatobhooriire kinya bhuno moonyi na amiigha gha kondighi, na kebhuno ꞉mwitumatiri na kunyaaka gho ghiri yaane. Ghayo ngaghëriri nichömëru chwee.

2 Abhakorinto 7:9

Ibheere neghuchömëru, taanyi gho kubha moore na amacheeche, tiyaanyi! Neghuchömëru gho kubha amacheeche ghaanyu ngabhaköriri motuukuunere obhobhe bhoonyu. Mubheere na amacheeche kinya bhuno Eryobha ꞉ryëëndiri, gho ghayo totabhanyahaariri gho nchëra yoyoose yiire.

2 Abhakorinto 9:2

gho kubha nyeeche omukörö waanyu o kobhatoori abhande. Wiiki, eni nekwihacha ighoro yaanyu kwo bhaato bha Maketoniya, neghosiikëra kubha, inyu abhaato bha riikanisa re mo‑mukööwa o Akaaya ꞉mwisëëmiri koruusi korwera omooka uno ohetiri. Ghwiköngʼi koonyu kuyo, ngughëriri abhaato bhaaru ghate yaabho kubha no omukörö o koruusi.

Abhaebheeso 4:26

Aribha morakarara, motiishereri oghukarara koonyu ghughëri mukörë amasari, na koru hangʼu eryobha retasikera mokeere mukariire,

Abhaebheeso 5:11

Motabha moraghöötana na abhaato bhano bhaghuköra amangʼana amabhe gha mo‑kengʼuuri. Amare mubhe moraghatoora haheero.

Abhabhiribhi 2:12

Mbe, abhasiighani bhaane, hano neere bhowaanyu, moore moraresooka Eryobha chaasiko choose. Hangʼu hangʼu, koru ibheere hano neenyi kurë na niinyu mwiköngʼi ghuköra ghano gharëngʼaaniire mo‑bhaato bhano bhatooriibhu ne Eryobha. Mukörë ghayo gho ghosingisa kuno ghokorwera gho koretiina Eryobha.

1 Abhatesaronike 4:6

Gho ghayo, omooto wowoose atamutaaseri mughëndi waache, koru komongʼiina. Kinya bhuure ꞉toobhashaangʼiri na kobhabhoorera kubha, bhano bhoose bhaghuköra ghayo, Omutëmi nakobharööna.

1 Timotewo 5:20

Amare abhagharuka bhano bhakwëndërëra ghuköra amasari, obhahiinye ambërë e bhaato bhoose, kubha abhande bhatiine.

2 Timotewo 2:15

Wiköngʼi kweghi angʼana e hëënë, kinya bhuno ekwëndëru kwo Ryobha. Hayo nookubha omuhöki o meremo uno ataanyi na chaasoni gho ghiri e meremo gheeche. Ghuköra hangʼu niko Eryobha reghwishereri.

Tiito 3:8

Angʼana iyo n‑e hëënë. Nekwënda iye oyihënërërë, kubha bhoose bhano bhakorekumi Eryobha, bhaghaghöötë na ghwiköngʼi ghuköra amachömu. Amangʼana ghayo m‑machömu, wiiki ngaanyi no obhwëra mo‑bhaato bhoose.

Abheebhuraaniya 4:1

Mbe, eriiraghano re Ryobha re bhaato ghusöha ahaghiro ha koweera rekeere reenyi‑ho. Gho ghayo twichonge, kubha umu ghate yaanyu ataacha ghokindu ghusöha ahaghiro hayo.

Yakobho 3:17

Amare, amangʼiini ghano ghaakoru kwo Waryobha, m‑machömu wiiki n‑gha murëmbë, no obhuhörëëru, igho ngaghutëghëërëra amangʼana gha abhaato. Igho ngiichwire changori na amaköri amachömu, na ghataanyi no obhwahukani koru obhobhiihi.

1 Bheetero 1:17

Inyu mokorebherekera Eryobha, Taata. Iryo retaakwahukani omooto wowoose, amare ndeghotenera ekiina abhaato bhoose kurëngʼaana na amaköri ghano ꞉bhaaköriri. Gho ghayo, mumanye gho korisëngëra Eryobha kwo riibhagha rino risaaghiri ghokoonyu re kumanya hano mo‑se kinya abhaghëni.

1 Bheetero 2:2

Kinya bhuno ebhengʼwerere bhehiighomba amabhëërë gha bhaanyina, na niinyu bhuure bhuure mwighombe amabhëërë gha hëënë gha Körö e Ryobha, kubha muköngʼë na ghotooribhu.

Yuuta 1:23

Abhande mobhatoori gho kobhasara koru mo‑mororo o ghoteneru ekiina. Amare abhande mobharigheri changori, na mwikabhaahe, na mwisache no obhobhe bhoobho bhoose.

Obhohunyurëru 3:19

Abhaato bhano eni nesiighiri, nehaabhahiinya na kobhahööcha. Mbe, mubhe moriiköngʼi na ghotuukuunera amasari ghaanyu.