2 Abhakorinto 7:10 - Eriiraghano Eriihë

¹⁰ Amacheeche ghano ghakuucha gho ghiri e mënda gha Ryobha ngaghughëri otuukuune. Oghotuukuuna kinya kuyo taanyi gho ghwitema amasörö, gho kubha ngokurëëta obhotoori. Amare amacheeche ghano ghakuucha gho ghiri e amangʼana gha mo‑se, ngakurëëta oroko.

2 Abhakorinto 7:10 ပူးပေါင်းရင်းမြစ်များ

Mataayo 26:75

Niho Bheetero akahiita amangʼana ghaare Yesu ꞉amobhooriire arabhugha, “Reero asërëëcha ekeere ghughamba, nookubha onyangiri ghatato.” Niho akahoroka anche na ghusëëma korera kwo bhororo chwee.

Ruuka 15:10

“ˆNekabhabhoorera, hangʼu hangʼu, Eryobha ndeghuchömëru chwee ambërë e bhamarayika bhaache, hano omooto umu o masari akubha atuukuuniire amasari ghaache.”

Ruuka 18:13

“Amare omutöbhi uyo o righööti, akiimeerera kurë hasuuhu, koru tëëndiri ghugharaamereri Mwishaaro, amare akabha ariitëmatëma mo‑ghekubha keeche kwo macheeche, arabhugha, ‘Eryobha, rendigheri changori! Eni m‑mooto o masari neenyi!’”

Amaköri gha Bhatomu 11:18

Hano Abhayahuuti bhayo bhooghwire ghayo, bhataare na re ghugharokeri. Bhakaritöghösi Eryobha bhakabhugha, “Kana, Eryobha ndebhaheere abhaato bha matöngö aghande omweya o ghotuukuunera amasari ghaabho, kubha bhabhönë obhuhöru bho miishe ghyose!”

Amaköri gha Bhatomu 3:19

Ibheere, motuukuune amasari ghaanyu, na moriigharurere Eryobha, rebhaabhërë. Ghaache amabhagha gha koweera gho kubha‑ho Omutëmi,

2 Abhakorinto 12:21

Neghotiina kubha eriibhagha nekuucha bhowaanyu wiiki, Eryobha reene ndeghuköra nerighi chaasoni ambërë yaanyu. Neekubha na amacheeche korighi abhaato bhaaru ghate yaanyu bhano ꞉bhaaköriri amasari ekeenyuma, bhakeere ghotuukuuna. Bhakeere bhaanyi na atëëmö imbe e bhutaari, no obhoghonchu na amangʼana aghande gha chaasoni ghano ꞉bhaare nagho.

2 Abhakorinto 7:9

Ibheere neghuchömëru, taanyi gho kubha moore na amacheeche, tiyaanyi! Neghuchömëru gho kubha amacheeche ghaanyu ngabhaköriri motuukuunere obhobhe bhoonyu. Mubheere na amacheeche kinya bhuno Eryobha ꞉ryëëndiri, gho ghayo totabhanyahaariri gho nchëra yoyoose yiire.

Abheebhuraaniya 12:17

Inyu mweche kubha, eriibhagha Esaawu ꞉ëndiri ghughabha orubhango, ishe akaanga, gho kubha tabhwine omweya o ghotuukuuna amasari ghaache, nangabha ꞉atabhiire gho changishori.