2 Abhakorinto 6:8 - Eriiraghano Eriihë

⁸ Itu ntokwiruusi gho ghiri e Ryobha, abhaato bhatoghongi hamu bhatutaraahe, bhatokumi hamu bhatughambe kobhe. Ntokorighibhu kubha m‑bharöngö toonyi, amare ntoghosiikëra gha mahëënë.

2 Abhakorinto 6:8 ပူးပေါင်းရင်းမြစ်များ

Mataayo 10:25

Omoonamwegha nakwëndëru abhe kinya omweghi waache no omusësë woose abhe kinya omutëmi waache. Aribha akomobherekera omokoro o nyumba kubha m‑Bherisebhuuri, kana, taakobhabherekera abhaato bha mo‑nyumba yaache amariina amabhe ghokera ghayo?

Mataayo 22:16

Niho bhakabhatoma o‑Yesu abhaanabheegha bhaabho haghirohamu na abhaato bhano bhaghöötiine na abhaato bha mutëmi Herote, bhaaghaye, bhakamobhoori bhakabhugha, “Oo Omweghi, ntweche kubha iye n‑omooto o hëënë na kubha nokweghi ghano ghaanyi gha Ryobha kwo bhuhëënë. Wiiki, tooghotiina koru omooto uno anyi no omweya wi ighoro.

Mataayo 27:63

Bhakamobhoorera bhakabhugha, “Oo omutëmi, tokahiita kubha omuröngö wuure hano are akeere muhöru, ꞉naasiikiire akabhugha, ‘Mo‑rosiko ro ghatato, nekoryoka koru mo‑bhaku.’

Maariko 12:14

Bhakamutambana Yesu, bhakamobhoorera bhakabhugha, “Omweghi, ntweche kubha ghoose ghano oghosiikëra n‑gha mahëënë. Iye tooghotereera omweya o mooto wowoose, koru taanyi gheghiro ghokoocho. Nokweghi anchëra e Ryobha kwo bhuhëënë. Ibheere, kurëngʼaana ne emeghiro ghe Musa, ntokwëndëru koreha erighööti gho Kayisaari ghasi tiyaanyi?”

Yohana 7:12

Abhaato bhaaru koru mo‑rikinda riire, bhaakabha bharahakaana ighoro e Yesu. Abhande bhakabhugha kubha n‑omooto omuhöriicho, amare abhande bhakabhugha kubha tiyaanyi, nakobhangʼiina abhaato.

Amaköri gha Bhatomu 10:22

Bhakamobhoorera, “Ntotomuru no omokoro umu o bhaashirikare, akobherekeru Korineeriyo. Korineeriyo uyo m‑mooto omuhöriicho uno akoryoghwera Eryobha, na ghoghongibhu na Abhayahuuti bhoose. Ibheere marayika omutööbhiyu namobhooriire aghughënëhi awaache, kubha atëghëërërë amangʼana ghano okomobhoorera.”

Amaköri gha Bhatomu 16:39

Gho ghayo, bhaaghaye kobhasasaama, bhakabharuusi mwighërëcha, bhakabhasabha kubha bharu hayo mo‑moghya waabho.

Amaköri gha Bhatomu 22:12

“Hayo Tamaasiko naare‑ho omooto umu, eriina reeche Ananiya. Ananiya uyo naare ariiköngʼi chwee ghosooka emeghiro ghiito, wiiki naare araghongibhu na Abhayahuuti bhoose bha iyo kubha n‑omooto omuhöriicho.

Amaköri gha Bhatomu 24:5

“Ntorooche kubha, omooto uno m‑mobhe chwee, gho kubha nakobhaseeghereri Abhayahuuti mo‑chaase choose, na ghuköra anyööri ghate yaabho. Haghirohamu na ghayo, iwe m‑mokoro o tiini e bhuröngö e Bhanasareeti.

Amaköri gha Bhatomu 28:22

Itu ntoghughanya kooghu ghano iye okwihëëbha, gho kubha atiini ino oghutambana, ntweche kubha neghosiikëru kobhe ahaghiro hoose.”

Amaköri gha Bhatomu 4:21

Hano bhamariri kobhatiini Bheetero na Yohana bhakabhatighooroka. Abhakoro bhayo bhatarooche anchëra e kobharööna, gho kubha abhaato bhoose mbaare bharareghongi Eryobha chwee ighoro e kiraghe kiyo.

Amaköri gha Bhatomu 5:13

Abhaato mbaare bhabhasookiri chwee, koru hangʼu, abhaato bhano bhataamokumiri Yesu bhaghatiina ghughöötana nabho.

Amaköri gha Bhatomu 6:3

Mbe, bhahiiri bhiito mumööhi ghate yaanyu, mwahure abhaato mohungate bhano bhamënyëkiine na abhaato bhakobhaghamba kubha mbaanyi na asughara inchömu, na amangʼiini na bhano bhiichoriibhu Akörö Ahörëëru. Bhayo nibho tobhatoore mo‑meremo ghino ghe kuhööhi abhaato ebhiinyakurë,

Abharuumi 3:8

Iyo n‑kinya kobhugha kubha, “Tubhe toraköra amasari, kubha Eryobha rirëëtë amachömu.” Abhaato abhande mbaghotobhiihera kubha hangʼu tokweghi. Amare eni neghosiikëra kubha, abhaato bhayo bhoose mbakuröönu kurëngʼaana na amabhe ghaabho.

2 Abhakorinto 1:18

Amare ibheere, kinya bhuno Eryobha reenyi ihëënë, ghano tobhabhoriire inyu, ghataare gha mooto kobhugha, eriibhagha erimu “Hee,” ne eriibhagha erende, “Tiyaanyi.”

2 Abhakorinto 11:21

Itu totabhaköriire amangʼana ghayo, gho kubha itu m‑bhahörëëru toonyi chwee. Kwo riyo totaakorighi chaasoni! Ibheere neghosiikëra kinya muraghaanu kubha, aribha anyi‑ho omooto uno akurëngʼaanera kwihacha ighoro e ghyokyose, na neeni nirëngʼaaniire kwihachera kiyo kiyo.

2 Abhakorinto 12:16

Moghwishereri kubha nteere omorigho ghokoonyu, amare koru hangʼu abhande ghate yaanyu mbakobhugha kubha, “Bhawuro m‑mongʼiini, natotebhiritebhiri kwo bhuröngö.”

2 Abhakorinto 4:2

Ntwangiri inkongʼorimu ghuköra ghano ghaanyi mo‑kebhisere na gha chaasoni, koru kobhangʼiina abhaato, koru ghusangerani angʼana e Ryobha no obhuröngö. Amare ntoghosiikëra obhuhëënë haheero, kubha abhaato bhoose bhamënyë mo‑metema gheebho kubha ntoonyi no obhuhëënë ambërë e Ryobha.

1 Abhatesaronike 2:3

Mbe, amangʼana ghano toghokumereri ghokoonyu ghataanyi gha bhobhiihi, hamu gha körö imbe, koru tötëëndiri kobhangʼiina.

1 Timotewo 3:7

Wiiki, nakwëndëru abhe omooto uno aghughambu bhoheene koru mo‑bhaato bhano bhataanyi Abhakirisito, ataacha ghutëmu amasörö na ghwighööti mo‑muhëtö o Rishambu.

1 Timotewo 4:10

Riyo niryo reghughëri toriiköngʼi ghuköra emeremo gho ghwiköngʼi, gho kubha ntokoriitëngʼëra Eryobha rino reenyi ihöru. Iryo niryo Omotoori o bhaato bhoose, ahanene kwo bhano bhaghokumi.

Abheebhuraaniya 13:13

Mbe, na niitu ntomutambane anche e kehita kiyo na ghoghumereri chaasoni kinya bhuno iwe aghumeriiri.

1 Bheetero 4:14

Aribha moghotoku gho ghiri e riina re Kirisito, ngʼoni inyu. Angʼana iyo nekwërëki kubha Akörö e Ryobha e bhokumi obhokoro neenyi haghirohamu na niinyu.

3 Yohana 1:12

Abhaato bhoose mbaghotobhoorera kubha Temetiiriyo m‑mooto muchömu. Eriimanya reeche ndeghotegheri Eryobha, na nekwërëki kubha iwe m‑muhëënë. Koru na niitu, ntokobhugha kubha m‑mooto muchömu, na nweche kubha amangʼana ghiito n‑nga hëënë.

Obhohunyurëru 3:9

Mutëghëërërë! Nekobharëëtëra inyu abhaghëndi bha Rishambu, bhano bhakwibherekera n‑Abhayahuuti, abhaato bha Ryobha, amare tiyaanyi, m‑bharöngö. Mbe, bhano nekobhaköra bhaache bhabhahighamere. Niho bhakumënya kubha, nebhasiighiri inyu.