2 Abhakorinto 6:6 - Eriiraghano Eriihë

⁶ Wiiki ntokwërëki kubha itu n‑abhatamishi bha Ryobha mo‑bhughöröröku, na mo‑bhumënyi, na mo‑bhoghumereri, na mo‑bhuhöriicho, na gho nchëra e ghukangatu na Akörö Ahörëëru, na mo‑bhosiighi bho hëënë,

2 Abhakorinto 6:6 ပူးပေါင်းရင်းမြစ်များ

Abharuumi 12:9

Mobhasiighe abhaghëndi kwo mukörö mwero. Motighe kimu ghuköra amabhe, amare mukörë amachömu eriibhagha ryose.

Abharuumi 15:19

꞉Mbaaruturu koresooka, gho kubha kohetera ghokoone mbarooche changuru che Kirisito mo‑bhyërëkërëri ne ebhiraghe. ꞉Neetoriri ghoghaköra gho changuru che Körö e Ryobha. Gho ghayo, ꞉niinaariri ahaghiro hoose kuraghani Angʼana Anchömu ighoro e Kirisito, korwera mo‑moghya o Yerusareemu mbagha mo‑mukööwa o Iririiko.

1 Abhakorinto 12:8

Akörö nekomuha omooto umu angʼana e mangʼiini, no owonde nekomuha angʼana e bhumënyi. Akörö iyo iyo nekoruusi ebhihaano kinya ekwënda.

1 Abhakorinto 13:4

Obhosiighi mbokomuköra omooto abhe no obhoghumereri, na abhe omuhöriicho, na atabha ne eriihari, na atabha no obhwihachi, wiiki atabha no omutu muköngʼu.

1 Abhakorinto 2:16

N‑kinya bhuno Amandëkö Amatööbhiyu ghakobhugha kubha, “N‑niwe uno eche ghano Omutëmi Waryobha akwihëëbha? Wiiki n‑niwe uno aghotora komorwacha?” Amare, itu abhakumi ntokwihëëbha ghano ghaakoru gho Kirisito.

1 Abhakorinto 2:4

Eriibhagha neere ndeeghi na kuraghani, ntesiikiire kwo mangʼiini ghaane, kubha nebhatebhitebhi abhaato gho kubha na amangʼiini, amare changuru che Körö Ahörëëru ꞉nchëërëkiri obhuhëënë.

2 Abhakorinto 1:23

Ghano neghosiikëra n‑gha mahëënë, koru Eryobha ndyeche! Ntigharokiri bhowaanyu iyo Korinto, gho kubha ntyëndiri kunyahaara emetema gheenyu.

2 Abhakorinto 11:11

Nteeghosiikëra hangʼu gho kubha ntebhasiighiri, Eryobha ndyeche kubha nebhasiighiri.

2 Abhakorinto 11:4

Neghosiikëra hangʼu gho kubha inyu m‑bhango moonyi ghosongʼaana omooto uno akuucha kuraghani amangʼana ighoro e Yesu ghano ghaanyi mahaghare na ghaare itu tobharaghaniiri. Wiiki, moghosongʼaana akörö na angʼana ayende kwo bhwango, ino motaasongʼaaniri koru ghokwito.

2 Abhakorinto 11:6

Koru nangabha nekorighibhu kubha ntyeche ghosiikëra bhoheene, obhumënyi bhoone m‑bhokoro. Ntwërëkiri riyo ghokoonyu eriibhagha ryose na ahaghiro hoose.

2 Abhakorinto 12:15

Neghuchömëru koruusi ebheghiro bheene na kwiruusi eni mwene kobhatoori inyu. Amare ibheere nekorighibhu kubha, hano nekwëngëra kobhasiigha, niho inyu moghosuuhi obhosiighi bhoonyu ghokoone.

2 Abhakorinto 13:10

ˆNekabhaandëkëra amangʼana ghano eriibhagha nekeere kuucha, kubha hano nekuucha bhowaanyu, netagharighi ghano ghaghotora ghunköra nibhe muhaari ighoro e bhotoro bhuno aheere Omutëmi. Neghosiikëra hangʼu, gho kubha obhotoro bhuno, m‑bho kobhaköngʼi inyu mo‑bhokumi, taanyi bho kobharumeeri.

2 Abhakorinto 2:10

Omooto wowoose uno mokomwabhëra, na neeni neekubha nemwabhiire. Na aribha enyi‑ho angʼana ino nekwëndëru kwabhëra, neryabhiire ambërë e Kirisito gho ghiri yaanyu,

2 Abhakorinto 2:4

꞉Neebhaandëkiire anyaarubha yiire kwo nyaako ihaari na gho kwirighora mo‑motema waane, wiiki gho changishori chaaru. Ekebhune keene ghetaare kubha mubhe na amacheeche, amare neere nërëënda mumënyë kinya obhosiighi bhoone bhoonyi bhwaru ghokoonyu.

2 Abhakorinto 3:3

Mokwërëki haheero kubha inyu niinyu anyaarubha e Kirisito, ino ekwërëki emeremo ghino tuköriri ghokoonyu. Anyaarubha iyo tyandëkuru no obhwino, amare yandëkuru na Akörö e Ryobha rino reenyi ihöru. Wiiki tyandëkuru mo‑mabhohe amachanchaare, amare ino, yandëkuru mo‑metema ghe bhaato.

2 Abhakorinto 4:6

Eryobha rino ꞉reebhughiri kubha, “Obhwero bhurëngaari mo‑kengʼuuri,” niryo riyo rirëngaariri mo‑metema ghiito, na ghotuköra tumënyë obhokumi bhooche obhokoro bhuno bhokurëngaari mo‑bhosho bho Yesu Kirisito.

2 Abhakorinto 7:2

Motuhë omweya mo‑metema gheenyu, gho kubha taanyi‑ho uno tomutasiiri, na taanyi‑ho uno tomunyahaariri mo‑mangʼana nyarebhe, hamu uno tomongʼiiniri.

Abhagharatiya 3:2

Nekwënda kwegha angʼana imu koru ghokoonyu. Kana, mosongʼaaniri Akörö Ahörëëru gho ghughööta emeghiro, ghasi gho ghokumi ghaare mooghwire ighoro e Yesu?

Abhagharatiya 3:5

Kana, Eryobha ndebhaheere Akörö yaache na ghuköra ebheroghooro ghateghate yaanyu gho ghoghosooka emeghiro, ghasi gho kubha ꞉mookumiri Angʼana Anchömu ighoro e Yesu?

Abhagharatiya 5:22

Amare aribha toghukangatu na Akörö Ahörëëru, ntookubha ne eriikorobhese re Körö Ahörëëru. Eriikorobhese riyo n‑obhosiighi, na ghuchömëru, no omurëmbë, no obhoghumereri, no obhuhöriicho, na ghughënëhi, no obhuhëënë,

Abhaebheeso 3:4

Gho ghayo, moraghasöma amangʼana ghayo, moghotora kumënya bhuno nimënyiri amangʼana ghano ꞉ghaare ghabhisuru ighoro e Kirisito.

Abhaebheeso 4:2

Eriibhagha ryose mubhe bhanyööhu, na abhahörëëru, na abhaghumereri. Moghumererani inyu bheene kwo bheene kwo bhosiighi.

Abhaebheeso 4:32

Amare morigherani changori mubhe ne emetema myero kwo bhande. Mubhe moraabhërana kinya bhuno Eryobha rebhaabhiire gho kohetera gho Kirisito.

Abhakorosaayi 1:27

Bhayo nibho Eryobha ꞉reesiighiri kobhahunyurera ekebhisere kiyo ghe koroghoori kino riköriri gho ghiri e bhaato bha matöngö. Angʼana iyo e kebhisere n‑kubha, Kirisito naanyi moose yaanyu, wiiki niwe akobhaha amiitëngʼërö kubha moghusanga obhokumi obhokoro bho Ryobha.

Abhakorosaayi 2:3

Moose yaache neebhisuru agharinga yoose e mangʼiini no obhumënyi.

Abhakorosaayi 3:12

Ibheere gho kubha inyu n‑abhaahöru bha Ryobha moonyi, na abhatööbhiyu bhano mosiighuru, mubhe no omotema o bheghongi, na atëëmö e bhuhöriicho, no obhunyööhu, no obhuhörëëru, no obhoghumereri.

1 Abhatesaronike 2:10

Inyu n‑abhiibhateri bhiito ne Eryobha ryose, kubha atëëmö yiito ghokoonyu bhano momokumiri Yesu, neere inchömu wiiki e mahëënë etaanyi ni isörö.

1 Timotewo 4:12

Omooto wowoose ataghutaraaha gho kubha iye okeere omobhureni, amare wiköngʼi kubha ekyërëkërëri ghichömu mo‑bhakumi gho ghughamba koocho, na atëëmö yaacho, no obhosiighi bhoocho, no obhokumi bhoocho no obhughöröröku bhoocho.

1 Timotewo 5:2

abhakari abhakungu obharwache kinya bhaanyako, na abhaakë obharwache kinya abhasubhaati bhaacho. Ukörë hangʼu amare ukabhaahe otabhiighomba.

2 Timotewo 3:10

Amare iye, nutambiine ameeghi ghaane, na atëëmö yaane, ne ekebhune keene, no obhokumi bhoone, no obhoghumereri bhoone,

2 Timotewo 4:2

Ibheere, ubhe oraraghani Angʼana Anchömu e Ryobha. Ubhe wiisëëmiri ghuköra hangʼu eriibhagha ryoryose, kwo riibhagha rino rirëngʼaaniire na rino retarëngʼaaniire. Ubhe oratöngëra, no orahiinya no orabhaköngʼi abhaato. Ukörë hangʼu, ino oreeghi kwo bhoghumereri bhoose.

Tiito 2:7

Iye woose, mo‑mangʼana ghaacho ghoose, ubhe eghetuubhaani ghe kweghu gho ghuköra amachömu. Mo‑meeghi ghaacho, wërëki asooko no obhuhëënë.

Yakobho 3:17

Amare, amangʼiini ghano ghaakoru kwo Waryobha, m‑machömu wiiki n‑gha murëmbë, no obhuhörëëru, igho ngaghutëghëërëra amangʼana gha abhaato. Igho ngiichwire changori na amaköri amachömu, na ghataanyi no obhwahukani koru obhobhiihi.

1 Bheetero 1:12

Eryobha ndebhahunyuriire abharööti bhayo kubha, amangʼana ghano ꞉bhaare bhararööta, ghataare ghaghaabho abheene, amare n‑gho ghiri yaanyu. Amangʼana ghano ꞉bhaabhughiri, nigho muraghaniiru na abhaato bhano bhabharëëtiire Angʼana Anchömu ighoro e Yesu Kirisito kwo bhotoro bho Akörö Ahörëëru ino etomuru koru Mwishaaro. Amangʼana ghayo, koru bhamarayika mbaghwighomba chwee ghoghamënya.

1 Bheetero 1:22

Inyu mumanyiri kurëngʼaana na ameeghi gha hëënë ighoro e Yesu. Gho ghayo, emetema gheenyu ngyeghuru ni ibheere moghotora ghosiigha abhaghëndi bhaanyu kwo bhuhëënë. Mbe, mosiighane kwo mukörö mwero,

1 Yohana 3:18

Abhaana bhaane abhasiighani, totabhasiigha bhaghëndi bhiito kwo mangʼana agheene, amare tosiighane kwo bhuhëënë gho nchëra e ghukörërana amachömu.