2 Abhakorinto 6:18 - Eriiraghano Eriihë

¹⁸ Neekubha Iso waanyu, na niinyu mookubha abhaana bhaane bha ghesubhe na bha ghikari. Hangʼu nibhu Omutëmi Waryobha o Bhotoro Bhoose, akobhugha!”

2 Abhakorinto 6:18 ပူးပေါင်းရင်းမြစ်များ

Yohana 1:12

Amare bhoose bhano ꞉bhaamosongʼaaniri na komokumi, ꞉naabhaheere obhotoro bho kubha abhaana bha Ryobha.

Abharuumi 8:19

Ebheghiro bhyose bhino ꞉bhiitëëmuru, mbeghughanya kwo miigha chwee eriibhagha rino Eryobha rekuucha kwërëkani abhaana bhaache.

Abharuumi 8:29

Eryobha ꞉ndiimënyiri abhaato bhaache korwera hano ase ere ekeere ghutëëmu. Bhayo nibho Eryobha ꞉ryaahwire korwera kare bhabhe kinya Omoona waache Yesu Kirisito. ꞉Ndiiköriri hangʼu kubha Omoona waache abhe omutange ghate e bhahiiri bhaaru.

Abhagharatiya 3:26

Ibheere inyu bhoose n‑abhaana bha Ryobha moonyi gho nchëra e ghokumi koonyu, gho kubha mughöötiine na Kirisito Yesu.

Abhaebheeso 1:5

꞉nëëndiri korwera kare ghototoora itu, tubhe abhaana bhaache gho nchëra e Yesu Kirisito. ꞉Ndiiköriri hangʼu, gho ghuchömëru na kwënda kooche eryene.

Obhohunyurëru 1:8

Omutëmi Waryobha nakobhugha kubha, “Eni neeni Simoka na Antenero, uno anyi‑ho, na korwera simoka naare‑ho na naakubha‑ho. Eni n‑Eryobha re Bhotoro Bhoose.”

Obhohunyurëru 21:22

Nterooche Erisëngërö re Ryobha mo‑moghya uyo, gho kubha Omutëmi Waryobha o Bhotoro Bhoose, haghirohamu no Omoona o Ngʼöndu niryo Erisëngërö reeche. Gho ghayo, hataanyi na amënda ha haghiro ha ghusëngëra.

Obhohunyurëru 21:7

Wowoose uno aghokinda amasaki, nekomuha ghayo ghoose. Eni neekubha Eryobha reeche, iwe niwe akubha omoona waane.