2 Abhakorinto 6:14 - Eriiraghano Eriihë

¹⁴ Motabha no obhumu na abhaato bhano bhataanyi abhakumi. Kana, obhuhëënë na amasari mbeghotora kubha no obhusaani? Hamu obhwero ne ekengʼuuri mbeghotora kubha no obhumu?

2 Abhakorinto 6:14 ပူးပေါင်းရင်းမြစ်များ

Yohana 7:7

Abhaato bha mo‑se ino bhataghöötë ghe kobharëgha inyu, amare eni mbakundëgha gho kubha nekobhabhoorera kubha amaköri ghaabho m‑mabhe.

Amaköri gha Bhatomu 4:23

Bheetero na Yohana, hano bhatighoorokuru, bhakabhasëëta abhakumi bhaghëndi bhaabho. Bhakabhabhoorera amangʼana ghoose ghano ꞉bhaabhooriiru na abhakoro bha bhachaama na abhagharuka bha Bhayahuuti.

1 Abhakorinto 10:21

Motaaghotora konywera eghisënchö ke Mutëmi na ke misambu. Motaaghotora kurë ekiinyakurë ke Mutëmi na ke misambu.

1 Abhakorinto 15:33

Motangʼiinu na abhaato bhano bhakobhugha hangʼu, gho kubha, “Abhasaani abhabhe, mbaghusari atëëmö inchömu e mooto.”

1 Abhakorinto 5:9

Mo‑nyaarubha ino ꞉neebhaandëkiire, ꞉neebhabhooriire kubha, motaghöötana na abhataari.

1 Abhakorinto 6:6

Amare inyu, moonyi na atëëmö e ghusëmana inyu bheene kwo bheene mo‑mabharacha, koru mo‑bhateni bha kiina bhano bhataanyi abhakumi!

1 Abhakorinto 7:39

Omukari uno akwiruru, nahaabhöhu mo‑bhokwiru eriibhagha ryose hano omosubhe waache akubha anyi omuhöru. Amare aribha omosubhe waache araku, hayo naakubha huuru ghokwiru no omosubhe wowoose uno akwënda, amare omosubhe uyo abhe omokumi o Mutëmi.

Abhabhiribhi 2:15

Gho ghayo, mubhe abhaana bha Ryobha bhano bhaghörörökiri na bhataanyi ni isörö. Wiiki mubhe abhaato bhano bhataaghughambu kobhe ghateghate e bhaato bhi ibheere bhano bhiichwire amabhe no obhuröngö. Ghateghate e bhaato bhayo, inyu morighibhu kinya emirëngaari ghino ghe kurëngaari mo‑se.

Yakobho 4:4

Inyu n‑abhaato bhano motaanyi no obhuhëënë n‑kinya abhataari, bhano mokwanga Eryobha! Moteeche kubha, ghughöötana obhusaani na ase, n‑kubha abhabhisa bha Ryobha? Gho ghayo, omooto woose uno akwënda ghughöötana obhusaani na ase, naghwiköri omwene kubha omobhisa o Ryobha.