2 Abhakorinto 6:10 - Eriiraghano Eriihë

¹⁰ Wiiki ntokorighibhu kinya ntwitumatiri, amare eriibhagha ryose ntoghuchömëru. Ntokorighibhu kubha m‑bhahabhe toonyi, amare abhaaru ntobhaamihiri. Ntokorighibhu kubha totaanyi na ghyokyose, amare ntoonyi ne ebheghiro bhyose.

2 Abhakorinto 6:10 ပူးပေါင်းရင်းမြစ်များ

Mataayo 5:12

gho kubha hangʼu nibhu ꞉bhaare bharabhanyaaki abharööti bhano ꞉bhaare‑ho hayo ekimbërë. Muchömëru na ghuchaghana, gho kubha Eryobha ndebhatooriire atuho inkoro Mwishaaro.

Mataayo 5:4

Ngʼoni bhano bhaanyi na amacheeche, gho kubha Eryobha ndekobhaghambisani.

Ruuka 6:21

Ngʼoni inyu bhano mokooghu anchëra ibheere, mokumara mwighote. Ngʼoni inyu bhano mokorera ibheere, mokumara musëkë.

Yohana 16:22

Inyu moonyi na amacheeche kwo riibhagha rino. Amare nekuucha wiiki ghokoonyu, na niinyu mookubha na ghuchömëru mo‑metema gheenyu. Taanyi‑ho uno akoruusi ghuchömëru kuyo mo‑metema gheenyu.

Amaköri gha Bhatomu 16:25

Hano ehikiri obhotiko bho ghate, Bhawuro na Siira bhaakabha bhararisabha Eryobha na koryembera emyembo ghe koreghongi. Abhabhöhu bhaghëndi bhaabho, mbaare bharatëghëërëra.

Amaköri gha Bhatomu 3:6

Ibheere Bheetero akamobhoorera, “Ntighöötë chambiiri, amare neenyi na angʼana ino neghotora ghoghukörëra, nayo niyo ino. ˆNeghakobhoorera kwo riina re Yesu Kirisito o Nasareeti, imeerera ughëndë!”

Amaköri gha Bhatomu 5:41

Abhatomu bhayo bhakahoroka mo‑riibharacha riyo bharasiighasiigha, kinya Eryobha rebhaheere asooko e ghutaraahu gho ghiri e riina re Yesu.

Abharuumi 11:12

Ibheere, aribha mo‑se yoose abhaato bha matöngö, mbabhwine aghareeya inkoro gho kubha Abhiisiraeri mbamwangiri Kirisito, mbe, mbakubhöna aghareeya inkoro chwee hano Abhiisiraeri bhaakubha bhatooriibhu.

Abharuumi 12:15

Muchömëru haghirohamu na bhano bhaghuchömëru, na morere haghirohamu na bhano bhakorera.

Abharuumi 15:13

Eryobha niryo toghwitëngʼëra kubha ndeghuköra ghoose ghano ꞉reeturaghiri. Gho ghayo, nekobhasabhera kubha, rebhahë omurëmbë chwee na ghuchömëru kwaru hano mokwëndërëra korekumi. Hayo niho mookubha ne eriitëngʼërö ikoro, rino moonyi naryo gho changuru che Körö Ahörëëru.

Abharuumi 8:32

Eryobha retaamoroochiire ebheghongi Omoona waache omwene, amare ꞉ndeemoruusiri kubha aku gho ghiri yiito bhoose. Gho ghayo, aribha ꞉reemoruusiri Omoona waache gho ghiri yiito, hëënë koru orubhango rooche ndeghotoruuseri kohetera ghokooche!

Abharuumi 9:2

Mahëënë, eni neenyi no obhororo bhwaru no obhosongo bhuhaari chwee mo‑motema waane,

1 Abhakorinto 1:5

Gho ghughöötana koonyu na Kirisito mubheere no obhwame bho kira gheghiro, ahanene mo‑maghamba ghaanyu na kwo bhumënyi bhoonyu.

2 Abhakorinto 2:4

꞉Neebhaandëkiire anyaarubha yiire kwo nyaako ihaari na gho kwirighora mo‑motema waane, wiiki gho changishori chaaru. Ekebhune keene ghetaare kubha mubhe na amacheeche, amare neere nërëënda mumënyë kinya obhosiighi bhoone bhoonyi bhwaru ghokoonyu.

2 Abhakorinto 4:15

Ibheere amangʼana ghoose ghano ghaghotubhöna, ngaghotubhöna gho ghiri yaanyu, kubha aghareeya e Ryobha ebhahikere abhaato bhaaru chwee, kubha abhaato bhëëngërë koriitabheri Eryobha. Kurëngʼaana na ghayo, Eryobha ndekwëndërëra ghoghongibhu.

2 Abhakorinto 4:7

Itu ntuhaabhuru obhwero bhuyo, nangabha toonyi kinya ebheghiro bhino bhebhomburu koru mwiröbhë. Ibheere imënyu kubha, changuru chaaru che koroghoori chino cheghuköra emeremo ghiyo chetaanyi chechiito, nchekoru kwo Waryobha.

2 Abhakorinto 8:9

Ghokera ghayo, mweche kinya bhuno Omutëmi wiito Yesu Kirisito abhaheere aghareeya yaache. Nangabha are omwame, aghiiköri kubha muhabhe gho ghiri yaanyu, kubha gho nchëra e bhuhabhe bhooche, inyu mubhe abhaame.

Abhaebheeso 3:16

Nekorisabha, kurëngʼaana no obhwaru bho bhokumi bhooche obhokoro, gho nchëra e Körö yaache, rebhahë changuru motore ghuköngʼëri mo‑metema gheenyu,

Abhaebheeso 3:8

Eni m‑mosuuhu neenyi ghokera abhatööbhiyu bhoose bha Ryobha, amare Eryobha ndinsakiiri aghareeya kubha nebharaghaneri abhaato bha matöngö obhwame bho rubhango ro Kirisito runo rotaanyi ne ekirëngërë.

Abhabhiribhi 2:17

Koru erabha obhuhöru bhoone bhoraruusibhu kinya amaruusi gha kunywebhu, haghirohamu no obhokumi bhoonyu bhuno bhoghuköru amaruusi ambërë e Ryobha, eni neghuchömëru, oghuchömëru kuyo ngoghusanga haghirohamu na niinyu bhoose.

Abhabhiribhi 4:4

Mbe, muchömëru chaasiko choose gho kubha inyu n‑abhaato bha Mutëmi Yesu moonyi! Wiiki nebhugha muchömëru!

Abhakorosaayi 1:24

Ibheere neghuchömëru kwo nyaako ino nekubhöna gho ghiri yaanyu. Mo‑mobhere waane neghusanga anyaako ino Kirisito ꞉abhwine gho ghiri e mobhere waache, niryo eriikanisa.

Abhakorosaayi 3:16

Angʼana e Kirisito yiikare kwo bhwaru moose yaanyu. Mwegherani, na ghutöngërana mo‑mangʼiini ghoose. Moryembere Eryobha gho Sabhuri, na kwo myembo, na gho chatensi che mo‑metema. Hano mookubha moraryembera, mubhe morariitabheri mo‑metema gheenyu.

1 Abhatesaronike 1:6

Nangabha moore mo‑nyaako gho ghiri e bhokumi bhoonyu, mosongʼaaniri Ngʼana iyo gho ghuchömëru kuno ghookoru mo‑Körö Ahörëëru. Kinya muköriri hangʼu, mutambiine eghetuubhaani kiito ne eghetuubhaani ke Mutëmi Yesu.

1 Abhatesaronike 5:16

Mubhe morachömëru eriibhagha ryose,

1 Timotewo 4:8

Nimënyuru kubha, “Kowuhöki omobhere ubhönë changuru nkoonyi no obhwëra bhosuuhu hangʼu. Amare, ghuköra ghano ghakwëndëru ambërë e Ryobha, nkoonyi no obhwëra mo‑ghoose, gho kubha ngoghotuha obhuhöru bho miishe ghyose bhuno Eryobha returaghiire, bhwi ibheere na bhuno bhokuucha.”

1 Timotewo 6:18

Wiiki obhabhoorere bhakörë amachömu, kubha bhabhe abhaame mo‑maköri amachömu. Bhabhe bhararuusi na ghusanga obhwame bhoobho na abhande.

Abheebhuraaniya 10:34

Wiiki moore morabharigheri changori abhaghëndi bhaanyu bhano ꞉bhaare bhabhöhuru mwighërëcha. Wiiki hano ꞉bhaare bharabhahöka obhwame bhoonyu, moore morachömëru mo‑metema gheenyu gho kubha moore mweche kubha moonyi ne ebheghiro bhyaru bhichömu chwee bhino bhetaaghosira naabha.

Yakobho 2:5

Abhahiiri bhaane abhasiighani, muntëghëërërë bhoheene! Eryobha ndebhahwire abhaato abhahabhe mo‑se ino kubha bhatore kubha abhaame mo‑bhokumi na ghosongʼaana obhutëmi bhuno rebharaghiire bhaare bharesiighiri.

1 Bheetero 4:13

Amare muchömëru kubha mokunyaaka kinya bhuure Kirisito ꞉anyaakiri. Muchömëru ibheere, kubha mokuucha ghuchömëru chwee, hano akuucha, no obhokumi bhooche obhokoro kwërëkibhu haheero.

Obhohunyurëru 2:9

Nyeeche anyaako yaanyu no obhuhabhe bhoonyu. Amare mahëënë inyu m‑bhaame moonyi! Wiiki nyeeche amatoki ghano bhaghughamba ighoro yaanyu na bhano bhakwibherekera kubha n‑Abhayahuuti, abhaato bha Ryobha, amare tiyaanyi. Bhayo n‑abhaghëndi bha Rishambu.

Obhohunyurëru 21:7

Wowoose uno aghokinda amasaki, nekomuha ghayo ghoose. Eni neekubha Eryobha reeche, iwe niwe akubha omoona waane.