2 Abhakorinto 6:1 - Eriiraghano Eriihë

¹ Ibheere, gho kubha ntokuhöki emeremo haghirohamu ne Eryobha, ntokobhasasaama kubha aghareeya e Ryobha ino mosongʼaaniri, motayetigha ebhore bhoowa.

2 Abhakorinto 6:1 ပူးပေါင်းရင်းမြစ်များ

Mataayo 23:37

Niho Yesu akabhugha, “Inyu abhaato bha Yerusareemu! Inyu abhaato bha Yerusareemu! Mokobhiita abharööti na kobharasa amabhohe abhaato bhano Eryobha ꞉reetomiri. Kwo riibhagha ryaru nyëndiri kobhakoma inyu, kinya angökö ehaakoma ebhechuri bheeche mo‑mabhabha ghaache, amare mötëëndiri!

Amaköri gha Bhatomu 11:23

Hano ahikiri iyo, akarighi kebhuno aghareeya e Ryobha ebhiitabhiiri abhaato bhayo. Aghachömëru chwee, akabhatoora omukörö bhaköngʼëri komosooka Omutëmi kwo metema gheebho ghyose.

Amaköri gha Bhatomu 14:3

Bhawuro na Bharinaabha ꞉mbiikeere chaasiko chaaru hayo Ikoniyo, bhaakabha bharabhabhoorera abhaato kwo bhosubhesubhe ighoro e Mutëmi, na aghareeya yaache. Omutëmi nawe aghaghahikeerani amangʼana ghaabho kwo bhuhëënë, gho kobhaha obhotoro bho ghuköra ebhyërëkërëri ne ebhiraghe bhyaru.

Abharuumi 12:1

Ibheere abhahiiri bhaane, mweche kebhuno Eryobha reghotorigheri changori. Gho ghayo, ˆnekabhasasaama kubha, moruusi eriimanya reenyu kwo Waryobha. Mubhe kinya amaruusi ghano ghaanyi amahöru, na amatööbhiyu, ghano ghakoretegheri Eryobha. Ghuköra hangʼu, niyo anchëra e hëënë e korisëngëra.

1 Abhakorinto 3:9

Neghosiikëra hangʼu gho kubha eni na Abhooro ntoghuköra emeremo ghino ghe Ryobha haghirohamu, na niinyu n‑omoghondo o Ryobha moonyi, wiiki n‑anyumba yaache moonyi.

2 Abhakorinto 10:1

Mbe, abhande mbakobhugha kubha, eni Bhawuro m‑muhörëëru neenyi hano neekubha haghirohamu na niinyu, na kubha muhaari neenyi hano neekubha kurë na niinyu. Amare eni ˆnekabhasasaama kwo bhunyööhu na kwo bhuhörëëru bho Kirisito.

Abhagharatiya 2:21

Eni ntyangiri aghareeya e Ryobha. Aribha omooto aghotora kubharu kubha omuhëënë ambërë e Ryobha gho ghughööta emeghiro ghe Musa, mbe, Kirisito ꞉naakuure bhoowa!

Abhagharatiya 3:4

Kana, amangʼana ghoose ghano ꞉ghaabhabhwine, moghwituuri kubha n‑gha bhoowa ꞉ghaare? Mahëënë ghataare gha bhoowa!

1 Abhatesaronike 3:5

Hano nekeyuru ghoghumereri, nekamotoma Timotewo bhowaanyu, kubha nimënyë amangʼana gha bhokumi bhoonyu. ꞉Niiköriri hangʼu, gho kubha ꞉niituuriri kubha hande abhe Omoseeghereri wuure nabhasakiri na kobharumeeri. Ne emeremo ghiito ghyose ghino ꞉tuuköriri bhowaanyu, ghibhe ghe bhoowa.

Tiito 2:11

Ubhe oreeghi amangʼana ghayo ghoose, gho kubha Eryobha ndyërëkiri aghareeya yaache, gho kurëëta obhotoori mo‑bhaato bhoose.

Abheebhuraaniya 12:15

Mubhe amiisho kubha ataacha kubha‑ho omooto wowoose uno aghokindu kubhöna aghareeya e Ryobha. Wiiki eriitina re bhosongo retasebhoka rebhanyaaki, reghonchi chaakörö che bhaato bhaaru.

Abheebhuraaniya 12:25

Mbe, mukabhaahe motaacha kwanga komutëghëërëra uno aghosiikëra na niinyu. Aribha Abhiisiraeri bhataatooriibhu hano bhaangiri komutëghëërëra wuure are arabhatöngëra hano mo‑se, itu ntoghotora bhu ghotooribhu aribha toraanga komutëghëërëra uno aghotutöngëra koru Mwishaaro?

Abheebhuraaniya 4:1

Mbe, eriiraghano re Ryobha re bhaato ghusöha ahaghiro ha koweera rekeere reenyi‑ho. Gho ghayo twichonge, kubha umu ghate yaanyu ataacha ghokindu ghusöha ahaghiro hayo.

1 Bheetero 4:10

Omooto woose nahaabhuru ekihaano keeche koru kwo Waryobha. Nekwëndëru ghokihökëri bhoheene gho ghiri e ghusakerani, kinya omwimeerereri omuhöriicho o ghareeya e Ryobha ino enyi e manga maaru.