2 Abhakorinto 5:9 - Eriiraghano Eriihë

⁹ Mbe, tubhe mo‑mebhere ghino, hamu totabha mo‑mebhere ghino, ekebhune kiito n‑komuchömëri Omutëmi.

2 Abhakorinto 5:9 ပူးပေါင်းရင်းမြစ်များ

Yohana 6:27

Motakörëra emeremo ebhiinyakurë bhino bheghusarëka, amare mubhe moraköra gho ghiri e kubhöna ebhiinyakurë bhino bhetaaghusarëka, bhino bhekobhaha abhaato obhuhöru bho miishe ghyose. Eni Omoona o Mooto nekobhaha abhaato ebhiinyakurë bhiyo, gho kubha Taata Waryobha naaheere obhotoro ghuköra ghayo.”

Amaköri gha Bhatomu 10:35

Iryo ndekobhiishereri abhaato bha matöngö ghoose bhano bhakomoghwera, na ghuköra ghano ghaanyi gha hëënë ambërë yaache.

Abharuumi 14:18

Omooto wowoose uno akomukörëra amangʼana ghayo Kirisito, nakorichömëri Eryobha, wiiki na abhaato mbaghuchömëru nawe.

Abharuumi 14:8

Eriibhagha rino toonyi abhahöru, ntokumanya gho ghiri e Mutëmi Yesu. Wiiki eriibhagha rino tooghoku, ntooghoku gho ghiri e Mutëmi Yesu. Gho ghayo, aribha toonyi abhahöru hamu tokuure, itu n‑abhaato bhaache toonyi.

Abharuumi 15:20

Mo‑ghayo ghoose, neghwiköngʼi kuraghani Angʼana Anchömu ahaghiro hano abhaato bhataamara bharaghaneru angʼana ighoro e Kirisito. Neghuköra hangʼu, kubha netagharukera ghusëëmi emeremo obhuhë ahaghiro hano omooto owonde amariri ghuköra.

1 Abhakorinto 15:58

Mbe, abhahiiri bhaane abhasiighani, muköngʼëri mo‑bhokumi bhuyo, motaku omukörö. Mwëndërërë ghuköra emeremo ghe Mutëmi gho ghwiköngʼi chaasiko choose, gho kubha mweche kubha emeremo ghino moghuköra gho ghiri e Mutëmi, ghetaanyi ghe bhoowa.

2 Abhakorinto 5:6

Ibheere, eriibhagha ryose ntoonyi ne eriitëngʼërö, nangabha tweche kubha, eriibhagha toonyi mo‑mebhere ghino, ntoonyi kurë no Omutëmi.

2 Abhakorinto 5:8

Hëënë ntoonyi ne eriitëngʼërö, wiiki ntokorighi n‑ngʼoni ntongatighiri emebhere ghino, toghi ghwikara no Omutëmi.

Abhaebheeso 1:6

Gho ghayo, toreghongi Eryobha gho ghareeya yaache ino retoheere kwo bhwaru gho kohetera Omoona waache omosiighani.

Abhakorosaayi 1:10

Niho moghotora kumanya kebhuno Omutëmi Yesu akwënda, na komotegheri mo‑mangʼana ghoose. Eriimanya reenyu ndekomotegheri kwo meremo gheenyu emichömu, wiiki moghwiköngʼi korimënya Eryobha.

Abhakorosaayi 1:29

Kwo riyo neghwiköngʼi na ghuköra emeremo gho kuhökëri changuru inkoro chino Kirisito aheere.

1 Abhatesaronike 4:1

Ibheere bhahiiri bhiito, mweghiri koru ghokwito bhuno mokwëndëru kumanya, gho ghiri e korichömëri Eryobha. Na mahëënë eriimanya reenyu hangʼu reenyi. Ibheere, ntokobhasabha na ntokobhasasaama kwo bhukangati bho Mutëmi Yesu kubha, mubhe moraköra hangʼu na ghokera hayo.

1 Abhatesaronike 4:11

Mwiköngʼi chwee kumanya eriimanya re murëmbë. Omooto wowoose atiisöhi mo‑mangʼana gha bhande, amare akörë omoremo waache omwene, kinya bhuno tobharagheriiri.

1 Timotewo 4:10

Riyo niryo reghughëri toriiköngʼi ghuköra emeremo gho ghwiköngʼi, gho kubha ntokoriitëngʼëra Eryobha rino reenyi ihöru. Iryo niryo Omotoori o bhaato bhoose, ahanene kwo bhano bhaghokumi.

Abheebhuraaniya 12:28

Gho ghayo, tubhe torariitabheri Eryobha gho kubha ndetwishereriiri tubhönë obhutëmi bhooche bhuno bhotaaghosingisa. Tubhe torarisëngëra Eryobha gho nchëra ino ekoretegheri na kwo bhunyööhu, na gho sooko,

Abheebhuraaniya 4:11

Gho ghayo, ntwiköngʼi ghusöha ahaghiro hayo ha koweera. Tubhe toraköra hangʼu kubha ataacha kubha‑ho omooto wowoose uno aghokindu ghusöha gho ghiri e kwanga ghokumi kinya bhuno bhasookoro bhiito ꞉bhaaköriri.

2 Bheetero 3:14

Gho ghayo abhasiighani bhaane, eriibhagha moghughanya orosiko ruure, mukörë ghwiköngʼi araacha kuucha abhönë moonyi no omukörö mwero motaanyi ne eriisari ambërë e Ryobha, na mubhe no omurëmbë.