2 Abhakorinto 5:7 - Eriiraghano Eriihë

⁷ Eriimanya riito hano mo‑se ntokumanya kwo bhokumi, taanyi gho korighi na amiisho.

2 Abhakorinto 5:7 ပူးပေါင်းရင်းမြစ်များ

1 Abhakorinto 13:12

Kinya bhuno tookorighi ibheere, ntokorighi ebheghiro kinya bhekundekiiru ne eghetu, amare toramara ntokobherighi bhyose haheero. Ibheere nyeeche hasuuhu hangʼu, amare nekumara nimënyë ghoose bhoheene, kinya bhuno Eryobha reenyeche eni.

2 Abhakorinto 1:24

Kino nekwënda kobhugha n‑kubha, totaakwënda ghukangata obhokumi bhoonyu, gho kubha mumariri ghuköngʼëri mo‑bhokumi. Amare, itu n‑abhatamishi haghirohamu na niinyu, gho ghiri e ghuchömëru koonyu.

2 Abhakorinto 4:18

Gho ghayo, totaakwihëëbhëra ebheghiro bhino bhekorighibhu, amare ntokwihëëbhëra bhino bhetaakorighibhu, gho kubha, bhino bhekorighibhu, m‑bhe eriibhagha ighuhe hangʼu, amare bhino bhetaakorighibhu, m‑bhe miishe ghyose.

Abhagharatiya 2:20

Eriimanya reene riire re kare ndekuure haghirohamu na Kirisito mo‑musarabha. Ibheere muhöru neenyi, amare taanyi eni, gho kubha Kirisito niwe anyi omuhöru moose yaane. Obhuhöru bhuno neenyi nabho eriibhagha rino, nebhughöötë gho ghiri e ghokumi Omoona o Ryobha. Iwe nansiighiri na akaruusi obhuhöru bhooche ghokoone kubha antoori.

Abheebhuraaniya 10:38

Uno anyi omuhëënë, nakumanya kwo bhokumi. Amare aribha aghotigha ghuntambana, eni nteeghuchömëru nawe naabha.”

1 Bheetero 1:8

Inyu momosiighiri, nangabha motaamara komorighi. Wiiki nangabha motaakomorighi ibheere, amare mokomokumi. Gho ghayo, muchömiiru chwee mo‑bhokumi, oghuchömëru kuyo nkoonyi no obhokumi obhokoro bhuno bhotaaghotora koru ghughambu,

1 Bheetero 5:9

Mbe, moryange Erishambu gho kwimeerera muköngʼiiri gho komokumi Waryobha. Mumënyë kubha, abhakumi abhaghëndi bhaanyu mo‑se yoose, mbakunyaaka kinya inyu.