2 Abhakorinto 5:13 - Eriiraghano Eriihë

¹³ Inyu mokorighi hande abhe m‑bhachuuru toonyi. Aribha hëënë hangʼu toonyi, mbe, n‑gho ghiri e Ryobha, amare aribha tokorighibhu kubha ntoonyi no obhongo, hayo hangʼu toonyi gho ghiri yaanyu.

2 Abhakorinto 5:13 ပူးပေါင်းရင်းမြစ်များ

Maariko 3:21

Hano nyina na bhaömööbhö bhooghwire amangʼana ghayo, bhaaghaye komwimoki, gho kubha mbaare bharabhugha, nachuuriri.

Abharuumi 12:3

Ibheere, Kirisito naaheere aghareeya nibhe omotomu waache. Gho ghayo, ˆnekabhoorera omooto woose kubha, atiirighi kubha nakurëngʼaanera ghokera kebhuno anyi, amare abhe na amangʼiini. Amare mubhe moriirighi kubha, omooto woose nahaabhuru obhokumi bhuure bhuure ne Eryobha.

2 Abhakorinto 11:1

Koru nangabha neghosiikëra ke muraghaanu hasuuhu, neghusabha muntëghëërërë. Hee, muntëghëërërë!

2 Abhakorinto 12:11

Mbe, nesiikiire kinya omuraghaanu, amare niinyu mughëriri nesiikërë hangʼu. Inyu moore mörëëndëru ghuntöghösi, gho kubha nangabha nekorighibhu kubha nteekurëngʼaanera, eni taanyi omotomu omosuuhu ghokera bhano bhakwirighi kubha, nibho abhatomu abhakoro.

2 Abhakorinto 12:6

Koru nengabheere nërëënda kwihacha, ntengabheere muraghaanu, gho kubha nengabheere nerasiikëra gha mahëënë. Amare nekwihööchërëra kwihacha, kubha omooto wowoose ataacha kondighi kubha, nirëngʼaaniire ghokera bhuno bhakondighi na kooghu koru ghokoone.

2 Abhakorinto 7:12

Mbe, nangabha ꞉neebhaandëkiire anyaarubha yiire, ntyandëkiri gho ghiri e mooto uno amuköriire kobhe owonde, hamu gho ghiri e uno aköriiru kobhe. Amare neere nërëënda mumënyë inyu abheene ambërë e Ryobha kebhuno mwiköngʼiri kwiruusi ighoro yiito.

Abhakorosaayi 1:24

Ibheere neghuchömëru kwo nyaako ino nekubhöna gho ghiri yaanyu. Mo‑mobhere waane neghusanga anyaako ino Kirisito ꞉abhwine gho ghiri e mobhere waache, niryo eriikanisa.

1 Abhatesaronike 1:5

Ntweche hangʼu gho kubha, hano toore toraraghani Angʼana Anchömu bhowaanyu, totaraghiini kwo mangʼana agheene hangʼu. Amare nturaghiini gho changuru na gho Körö Ahörëëru na kwo bhuhëënë. Inyu mweche bhoheene bhuno toore haghirohamu na niinyu, kubha tobhatoorereri.

2 Timotewo 2:10

Gho ghayo, neghoghumereri ghoose gho ghiri e bhaato bhano bhaahwiru ne Eryobha bhabhe abhaato bhaache. Neghuköra hangʼu, kubha bhoose bhasongʼaane obhotoori kohetera Kirisito Yesu, na ghusanga obhokumi bhooche obhokoro bho emiishe ghyose.