2 Abhakorinto 5:11 - Eriiraghano Eriihë

¹¹ Ibheere, ntweche kubha nekwëndëru komosooka Omutëmi. Gho ghayo, ntoghwiköngʼi kobharuta abhaato kubha bhabhe bharamokumi. Eryobha ndetweche bhoheene kebhuno toonyi, na neeni neghwitëngʼëra kubha na niinyu motweche bhoheene mo‑metema gheenyu.

2 Abhakorinto 5:11 ပူးပေါင်းရင်းမြစ်များ

Mataayo 10:28

Motabhatiina bhano bhaghwita omobhere, amare bhataaghotora ghwita akörö. Mokwëndëru moretiine Eryobha eryene chiri rino reghotora ghosireekereri omobhere haghirohamu na akörö mo‑riiribha re mororo.

Mataayo 25:46

“Niho abhaköri bha masari bhaare bhaghutanura na ghuye ghoteneru ekiina ke miishe ghyose. Amare bhaare abhahëënë, mbaghusöha mo‑bhuhöru bho miishe ghyose.”

Ruuka 12:5

Amare, nekobhëërëki uno moghotora ghotiina. Motiine Eryobha, gho kubha reramara ghwita omooto, ndeenyi no obhotoro bho komurëkëra mwiribha re mororo. Mbe, uyo niwe momotiine.

Ruuka 16:31

Abhurahamu akamugharokeri akabhugha, ‘Bhaömöönyu bhayo, aribha bhataaghotereera ghano ghaandëkuru na Musa na abharööti, bhataaghotereera koru aribha omooto angaryoka koru mo‑bhaku.’”

Amaköri gha Bhatomu 13:43

Hano Bhawuro na Bharinaabha ꞉bhaare bharaghe aka, Abhayahuuti bhaaru, haghirohamu na abhaato bha matöngö bhano ꞉bhaakumiri atiini e Kiyahuuti, bhakabhatambana. Abhatomu bhayo bhaakabha bharabhatoora omukörö bhëëndërërë mo‑ghareeya e Ryobha.

Amaköri gha Bhatomu 18:13

bhakamusëma bharabhugha, “Omooto uno nakobhabhoorera abhaato kubha, bhasëngërë Eryobha gho nchëra ayende ino itu totiishereriiru ne emeghiro ghiito.”

Amaköri gha Bhatomu 18:4

Chaasiko choose che Riikane, Bhawuro ꞉naasöhiri mo‑risinaghooghi re Bhayahuuti, akabha arabhoorani nabho ighoro e Yesu. Naare arasaki kobharuta Abhayahuuti haghirohamu na abhaato bha matöngö aghande, kubha bhoose bhamokumi Yesu.

Amaköri gha Bhatomu 19:26

Ibheere mooghwire na kwirigheri inyu bheene kinya bhuure Bhawuro uyo akobhagharura abhaato bhaaru bha hano Ebheeso, haghirohamu na abhaato bha chambaara choose che mukööwa o Asiya. Nakobhabhoorera abhaato kubha, chasanaamu chino chiköruru na mabhökö gha bhaato taanyi Eryobha re hëënë.

Amaköri gha Bhatomu 26:26

Koru omutëmi Aghiribha neeche bhoheene amangʼana ghano. Neenyi no obhuhëënë kubha, teenyi‑ho ngʼana koru imu ino ateeche, gho kubha amangʼana ghayo ghataaköruru gho kobhisa. Gho ghayo, neghotora ghosiikëra ambërë yaache kwo bhosubhesubhe.

Amaköri gha Bhatomu 28:23

Niho bhaghiishererani na Bhawuro orosiko runo bhaghutëmëërana. Orosiko ruyo hano rohikiri, Abhayahuuti bhayo bhaghatëmëërana kwo bhwaru ghokera ekimbërë, mo‑nyumba ino are ariikara. Bhawuro akamara omwishe woose arabheeghi, na köbhëërëkërëri kwo bhuchömu ighoro e bhutëmi bho Ryobha. Mbe, gho kubha ꞉nëëndiri bhoose bhamokumi Yesu, eghaghëri abheeghi amangʼana ighoro e Yesu gho kohetera emeghiro ghe Musa, na mo‑bhitabhu bhe bharööti.

2 Abhakorinto 2:17

Itu totaanyi kinya abhaato abhaaru bhano bhaghukörëra angʼana e Ryobha obhosorocha kubha bhabhönë obhwëra. Amare kwo bhotoro bho Kirisito, ntokuraghani angʼana e Ryobha mo‑bhughöröröku bhoose ambërë e Ryobha, gho kubha niryo ꞉reetotomiri.

2 Abhakorinto 5:20

Ibheere, Kirisito natotomiri ghuköra emeremo gheeche, na gho kohetera ghokwito Eryobha ndekobhasasaama mubhe no obhoghwani naryo. Nikyo gheghughëri torahënërëra ighoro e Kirisito kubha, mubhe no obhoghwani ne Eryobha.

2 Abhakorinto 6:1

Ibheere, gho kubha ntokuhöki emeremo haghirohamu ne Eryobha, ntokobhasasaama kubha aghareeya e Ryobha ino mosongʼaaniri, motayetigha ebhore bhoowa.

Abhagharatiya 1:10

Ibheere, mokwihëëbha kubha neghutabhara ghwisherereru na abhaato? Tiyaanyi, eni neghutabhara ghwisherereru ne Eryobha eryene chiri. Ghasi mokwihëëbha kubha neghutabhara ghuchömëri abhaato? Aribha nengatabhiire kobhachömëri abhaato, ntengabheere omutamishi o Kirisito.

Abhaebheeso 5:21

Mubhe morasookana inyu bheene kwo bheene, gho kubha mokomosooka Kirisito.

Abheebhuraaniya 10:31

N‑angʼana e ghotiini chwee ghugho mo‑mabhökö gha Ryobha rino reenyi ihöru.

Abheebhuraaniya 12:29

gho kubha Eryobha riito ndeenyi kinya omororo muhaari uno oghweki na ghosireekereri kimu.

Yuuta 1:23

Abhande mobhatoori gho kobhasara koru mo‑mororo o ghoteneru ekiina. Amare abhande mobharigheri changori, na mwikabhaahe, na mwisache no obhobhe bhoobho bhoose.

Obhohunyurëru 20:15

No omooto wowoose uno eriina reeche retaandëkuru mo‑Ghitabhu ke Bhuhöru, woose narëkiiru mo‑nyancha e mororo.