2 Abhakorinto 5:1 - Eriiraghano Eriihë

¹ Emebhere ghiito n‑kinya ekebhuru ke riibhagha ighuhe mo‑se muno. Amare ntweche kubha, hano gheghusarëka, Eryobha ndeghotuha chanyumba chino cheenyi Mwishaaro emiishe ghyose, chino chetaakwabhëku na amabhökö gha bhaato.

2 Abhakorinto 5:1 ပူးပေါင်းရင်းမြစ်များ

Maariko 14:58

“Itu ntomooghwire omooto uno arabhugha, ‘Eni nekuhaanyura Erisëngërö re Ryobha rino abhaato ꞉bhaabhëkiri. Wiiki, nekwabhëka erende gho chaasiko ishato hangʼu, naryo retaakwabhëku na abhaato.’ ”

Amaköri gha Bhatomu 7:48

“Koru hangʼu, Eryobha rino reenyi Omokoro o Bhyose, retaaghotora kumanya mo‑nyumba ino yabhëkuru na abhaato. Kinya bhuure omurööti abhughiri,

1 Abhakorinto 3:9

Neghosiikëra hangʼu gho kubha eni na Abhooro ntoghuköra emeremo ghino ghe Ryobha haghirohamu, na niinyu n‑omoghondo o Ryobha moonyi, wiiki n‑anyumba yaache moonyi.

2 Abhakorinto 4:7

Itu ntuhaabhuru obhwero bhuyo, nangabha toonyi kinya ebheghiro bhino bhebhomburu koru mwiröbhë. Ibheere imënyu kubha, changuru chaaru che koroghoori chino cheghuköra emeremo ghiyo chetaanyi chechiito, nchekoru kwo Waryobha.

2 Abhakorinto 5:4

Eriibhagha tokeere toonyi ne emebhere ghino ghenga kinya n‑ekebhuru, ntokubhabhara gho ghiri e ghokeyu mo‑maaru. Taanyi kubha ntokwënda koruusi emebhere ghino gheeghoku, amare kino tookwënda n‑kobheeku emebhere ghino ghetaaghoku, kubha emebhere ghino gheeghoku ghemeru na ghino ghetaaghoku.

Abhakorosaayi 2:11

Ibheere gho kubha moonyi no obhumu na Kirisito, ꞉naabhasaariri gho ghotooru kurë na simoka e masari. ꞉Naabhasaariri taanyi kwo mabhökö gha bhaato, amare gho nchëra yaache omwene.

2 Timotewo 1:12

Kiyo nikyo gheghughëri nerabhöna anyaako ino. Amare nteekorighi chaasoni, gho kubha nemweche uno neghokumi. Wiiki neenyi no obhuhëënë kubha, iwe naanyi no obhotoro bho ghochonga bhoheene angʼana e bhuhëënë ino aheere mbagha orosiko ruure ro ghugharuka kooche.

Abheebhuraaniya 11:10

Abhurahamu ꞉naaköriri hangʼu, gho kubha naare ariitëngʼëra kumanya mo‑moghya uno onyi no obhoroso bhuköngʼu, omoghya uno Eryobha eryene ꞉reewusëëmiri na kowaabhëka.

Abheebhuraaniya 9:11

Kirisito ꞉niichiri kubha abhe Omuchaama Omokoro o mangʼana amachömu ghano ghakuucha. Iwe niwe aghuköra emeremo mo‑riibhuru erende ichömu wiiki ndehikeriine ghokera riire e rimbërë. Eriibhuru riyo retaabhëkuru na abhaato, niko kobhugha, eriibhuru rino retaanyi re mo‑se ino.

Abheebhuraaniya 9:24

Kirisito taasöhiri Ahaghiro Ahatööbhiyu ha Hatööbhiyu hano habhëkuru na abhaato, ahaghiro hayo n‑eghetuubhaani ke ahaghiro ha hëënë hano haanyi Mwishaaro. Iwe ꞉naasöhiri Mwishaaro aheene, kwo riibhagha rino naghotusabhera ambërë e Ryobha.

1 Bheetero 1:4

Ibheere ntoghughanya ghughabha orubhango runo Eryobha retindekiri Mwishaaro, gho ghiri yaanyu. Orubhango ruyo rotaaghotora kobhusha, hamu ghusarëka, hamu kunyaara.

2 Bheetero 3:11

Mbe, gho kubha ebheghiro bhyose mbeghosireekereru gho nchëra iyo, inyu mokwëndëru kumanya imanya ke mo‑se ino? Mokwëndëru kumanya eriimanya eritööbhiyu na re koresooka Eryobha.

1 Yohana 3:14

Itu ntweche kubha ntoruure mo‑changuru che roko, na ghusöha mo‑bhuhöru bho miishe ghyose. Ntweche hangʼu gho kubha ntobhasiighiri abhaghëndi bhiito. Omooto wowoose uno ataghöötë obhosiighi naanyi mo‑roko.

1 Yohana 3:19

Torasiighana hangʼu, ntoghotora kubha no obhuhëënë kubha, ntoghutambana obhuhëënë. Wiiki emetema ghiito ghetaakubha na ahaho ambërë e Ryobha.

1 Yohana 3:2

Abhasiighani bhaane, ibheere itu n‑abhaana bha Ryobha, amare timënyuru haheero bhuno tookubha. Koru hangʼu ntweche kubha eriibhagha rino Kirisito aghugharuka wiiki, ntoghotuubhaana nawe, gho kubha ntokomorighi kinya anyi.