2 Abhakorinto 4:7 - Eriiraghano Eriihë

⁷ Itu ntuhaabhuru obhwero bhuyo, nangabha toonyi kinya ebheghiro bhino bhebhomburu koru mwiröbhë. Ibheere imënyu kubha, changuru chaaru che koroghoori chino cheghuköra emeremo ghiyo chetaanyi chechiito, nchekoru kwo Waryobha.

2 Abhakorinto 4:7 ပူးပေါင်းရင်းမြစ်များ

Mataayo 13:44

“Obhutëmi bho Mwishaaro mbotuubhiine na agharinga ino ebhisuru a‑moghondo. Hano omooto umu ayebhwine, akiimoki, akayebhisa wiiki. Mbe, aghachömëru chwee, aghaye aghaghori ebheghiro bhyose bhino are nabhyo, aghaghora omoghondo uyo.

Mataayo 13:52

Iwe akabhabhoorera akabhugha, “Omweghi wowooseo meghiro ghe Musa uno akubha omoonamwegha mo‑bhutëmi bho Mwishaaro, natuubhiine no omwene anyumba uno aharuusi mo‑bheghiro bheeche, ebheghiro ebhihë na bhe kare.”

Yohana 16:33

Nebhughiri ghayo ghoose kubha mubhe no omurëmbë mo‑metema gheenyu, gho kubha moonyi moose yaane. Mo‑se muno mokubhöna anyaako yaaru, amare mwitoore omukörö gho kubha eni neyekindiri ase.”

1 Abhakorinto 1:28

Wiiki Eryobha ndyahwire amangʼana ghano abhaato bhano bhakorighi kubha ghataanyi na asooko, na gha ghutaraahu, na ghano ghatanchakiine, kubha asari amangʼana ghano abhaato bhano bhakorighi kubha nganchakiine.

2 Abhakorinto 10:10

Neghosiikëra hangʼu, gho kubha abhande mbakobhugha, “Chanyaarubha che Bhawuro ncheenyi na amangʼana mahaari, wiiki ncheenyi na amangʼana amaköngʼu. Amare eriibhagha anyi haghirohamu na niitu abha ataanyi ni inguru, wiiki amangʼana ghaache ghano aghosiikëra ghabha ghataanyi na gheghiro.”

2 Abhakorinto 13:4

M‑mahëënë kubha Kirisito ꞉naamamburu mo‑bhutöbhu, amare ibheere m‑muhöru gho changuru che Ryobha. Hangʼu hangʼu na niitu m‑bhatöbhu toonyi kinya iwe, amare eriibhagha tokobhahökëri inyu, ntookubha abhahöru haghirohamu na iwe gho changuru che Ryobha.

2 Abhakorinto 4:1

Ibheere, gho kubha Eryobha gho changori cheeche ndetoheere emeremo ghino, totaaghoku omukörö.

2 Abhakorinto 5:1

Emebhere ghiito n‑kinya ekebhuru ke riibhagha ighuhe mo‑se muno. Amare ntweche kubha, hano gheghusarëka, Eryobha ndeghotuha chanyumba chino cheenyi Mwishaaro emiishe ghyose, chino chetaakwabhëku na amabhökö gha bhaato.

2 Abhakorinto 6:10

Wiiki ntokorighibhu kinya ntwitumatiri, amare eriibhagha ryose ntoghuchömëru. Ntokorighibhu kubha m‑bhahabhe toonyi, amare abhaaru ntobhaamihiri. Ntokorighibhu kubha totaanyi na ghyokyose, amare ntoonyi ne ebheghiro bhyose.

Abhaebheeso 2:5

nikyo retoheere obhuhöru haghirohamu na Kirisito. ꞉Ndiiköriri hangʼu nangabha itu toore tokuure mo‑chaakörö, gho ghiri e masari ghiito. ꞉Ndeetotooriri gho ghareeya yaache.

Abhaebheeso 3:8

Eni m‑mosuuhu neenyi ghokera abhatööbhiyu bhoose bha Ryobha, amare Eryobha ndinsakiiri aghareeya kubha nebharaghaneri abhaato bha matöngö obhwame bho rubhango ro Kirisito runo rotaanyi ne ekirëngërë.

Abhakorosaayi 1:27

Bhayo nibho Eryobha ꞉reesiighiri kobhahunyurera ekebhisere kiyo ghe koroghoori kino riköriri gho ghiri e bhaato bha matöngö. Angʼana iyo e kebhisere n‑kubha, Kirisito naanyi moose yaanyu, wiiki niwe akobhaha amiitëngʼërö kubha moghusanga obhokumi obhokoro bho Ryobha.

Abhakorosaayi 2:12

Hano mubhatiisuru, atëëmö e kare ꞉neekuure ekaryeku haghirohamu na Kirisito, wiiki atëëmö ahë, ekaryoka haghirohamu nawe, gho kubha mokumiri changuru che Ryobha rino remoryokiri koru mo‑bhaku.

Abhakorosaayi 2:3

Moose yaache neebhisuru agharinga yoose e mangʼiini no obhumënyi.

1 Abhatesaronike 1:5

Ntweche hangʼu gho kubha, hano toore toraraghani Angʼana Anchömu bhowaanyu, totaraghiini kwo mangʼana agheene hangʼu. Amare nturaghiini gho changuru na gho Körö Ahörëëru na kwo bhuhëënë. Inyu mweche bhoheene bhuno toore haghirohamu na niinyu, kubha tobhatoorereri.

1 Abhatesaronike 4:4

Inyu bhoose moghehiche emebhere gheenyu, mo‑bhutööbhiyu na mwisooke.

2 Timotewo 2:20

Mo‑nyumba ankoro mbeenyi‑mu ebheghiro bhe manga maaru, mbeenyi‑mu bhe bhikörë bhe sahaabhu na bhe chambiiri, na mbeenyi‑mu bhe riiröbhë na bhe mete. Ebhende m‑bhe sooko, ne ebhende bhetaanyi na sooko.