2 Abhakorinto 4:4 - Eriiraghano Eriihë

⁴ Angʼana Anchömu timënyuru mo‑bhaato bhano gho kubha, Erishambu rino reenyi omutëmi o se ino, ndehunyiri obhongo bho bhano bhataakomokumi Yesu. ꞉Ndiiköriri hangʼu kubha bhakindu korighi obhwero bho Angʼana Anchömu e bhokumi obhokoro bho Kirisito, uno anyi eghetuubhaani ke Ryobha.

2 Abhakorinto 4:4 ပူးပေါင်းရင်းမြစ်များ

Mataayo 13:22

Chambusuro chino ꞉cheeghweriire mo‑maho, nchetuubhiine no omooto uno akooghu angʼana e bhutëmi bho Ryobha, amare naghwituuri chwee ighoro e mangʼana gha riimanya rino no obhwighombi bho bhwame. Ghayo ngahabhandereri angʼana, nayo ekindu ghuköra emeremo.

Yohana 1:14

Angʼana iyo ekabha omooto, aghiikara ghateghate yiito. Itu bhoose tokabhorighi obhokumi bhooche obhokoro, obhokumi bhooche obhokoro iwe uno anyi Omoona omwene chiri o Taata, niichwire aghareeya no obhuhëënë.

Yohana 1:18

Taanyi‑ho omooto wowoose uno arerooche Eryobha. Amare n‑Omoona omwene chiri, uno anyi Eryobha, wiiki naanyi haghirohamu na Taata Waryobha, niwe atohunyuriire Eryobha kinya reenyi.

Yohana 12:31

Ibheere ˆrekahika eriibhagha re Ryobha ghotenera ekiina ase ino. Ibheere ˆrekahika eriibhagha re Eryobha kuhëëbha Erishambu mo‑bhukangati bho se ino.

Yohana 12:35

Yesu akabhabhoorera akabhugha, “Obhwero mboonyi haghirohamu na niinyu kwo riibhagha ighuhe hangʼu. Mughëndë mo‑bhwero bhuyo eriibhagha bhokeere bhoonyi‑ho, kubha ekengʼuuri ghetaacha kobhakinda. Omooto uno aghughënda mo‑kengʼuuri teeche hano aghuye.

Yohana 12:40

“Eryobha ndehukwiri amiisho ghaabho na ghoghiköra emetema gheebho ghibhe miköngʼu, kubha bhatarighi kwo miisho ghaabho, na bhatamënya mo‑miihëëbhö ghaabho, kubha bhatagharuka ghokoone, kubha nebhahöri.”

Yohana 12:45

Uno andooche eni, namorooche na uno antomiri.

Yohana 14:30

Nteeghotora ghosiikëra na niinyu amangʼana maaru, gho kubha omokoro o se ino akaacha. Amare taanyi no obhotoro ighoro yaane.

Yohana 15:24

Niköriri ebheroghooro bhekoro bhino bhetaamara bhiköru no omooto owonde. Erabha bhatangabherooche, mbangabheere bhataanyi na amasari. Amare ibheere, mbagharooche ghoose ghano ꞉niiköriri, koru hangʼu bhakeere bhandëghiri eni na Taata waane.

Yohana 16:11

Naakubha arabhëërëki kubha Eryobha ndekuucha kobhatenera ekiina gho kubha, ndimariri ghotenera ekiina Erishambu omokoro o se ino.

Yohana 8:12

Mbe, Yesu akëëndërëra ghosiikëra wiiki ne erikinda riire akabhugha, “Eni neeni obhwero bho se. Omooto wowoose uno aghuntambana eni, taaghughënda mo‑kengʼuuri naabha, amare naakubha no obhwero bhuno bhokomukangata mo‑bhuhöru bho miishe ghyose.”

Amaköri gha Bhatomu 26:18

gho ghiri obhahunyure amiisho, mbagha bharu mo‑kengʼuuri bhiigharurere obhwero, na bharu mo‑bhukangati bho Rishambu, bhiigharurere Eryobha. Hangʼu niho bhakwabhëru amasari ghaabho, mbaakubha haghirohamu na abhande bhoose bhano bhamusuru gho nchëra e ghonkumi.’

Amaköri gha Bhatomu 26:23

Ibho ꞉mbaabhughiri kubha, Kirisito nakwëndëru anyaakibhu, wiiki abhe niwe o mumbërë koryoka koru mo‑bhaku, gho ghiri araghani kubha, obhwero bho bhotoori ˆbhokabharëngaareri abhaato bhoose, Abhayahuuti na abhaato bha matöngö.”

1 Abhakorinto 10:20

Tiyaanyi! Nekwënda kobhugha kubha amaruusi ghano bhakoruusi abhaato bhano bhataryeche Eryobha, bhataakoruuseri Eryobha, amare mbakoruusi kwo misambu. Nteekwënda inyu mughöötane ghusëngëra emisambu.

2 Abhakorinto 2:11

kubha Erishambu retaacha ghotokinda, gho kubha ntweche obhongʼiiningʼiini bhooche.

2 Abhakorinto 2:12

Ibheere, hano nehikiri mo‑moghya o Torowa kuraghani Angʼana Anchömu ighoro e Kirisito, nekabhöna Omutëmi amariri ghunkörëra anchëra e ghuköra emeremo gheeche hayo.

2 Abhakorinto 3:11

Aribha kino keere ke riibhagha ighuhe hangʼu nkeere no obhokumi obhokoro, gho ghayo kino keenyi ke riibhagha ryose, ngeekubha no obhokumi obhokoro chwee.

2 Abhakorinto 3:14

Amare Abhiisiraeri bhatëëndiri kumënya. Mbagha ibheere hano bhaghusöma eriiraghano re kare, bhataaghotora kumënya obhuhëënë, bhabha kinya bhakundekiiru ne eghitambara kiyo. Eghitambara kiyo, ghetaamara keruusibhu, gho kubha ngekoruusibhu gho nchëra e komokumi Kirisito okwene.

2 Abhakorinto 3:18

Ibheere itu bhoose bhano totaaghwikundekeri mo‑bhosho ne eghitambara, ntokwërëki obhokumi obhokoro bho Mutëmi kinya ekiröri. Omutëmi uno anyi Akörö, nahaatugharura totuubhaane nawe. Naakubha aratugharura koru obhokumi obhokoro mbagha kohika obhokumi obhokoro chwee.

2 Abhakorinto 4:6

Eryobha rino ꞉reebhughiri kubha, “Obhwero bhurëngaari mo‑kengʼuuri,” niryo riyo rirëngaariri mo‑metema ghiito, na ghotuköra tumënyë obhokumi bhooche obhokoro bhuno bhokurëngaari mo‑bhosho bho Yesu Kirisito.

Abhagharatiya 1:4

Kirisito ꞉naaruusiri eriimanya reeche, gho ghiri e masari ghiito, kubha atotoori koru mo‑mabhe ghoose gha se ino yi ibheere. ꞉Naaköriri hangʼu kurëngʼaana na amënda gha Waryobha Taata wiito.

Abhaebheeso 2:2

Eriibhagha riyo moore moratambana amiigha amabhe gha mo‑se ino, mookabha morasooka Erishambu, omutëmi o misambu ghino gheenyi na changuru mwighoro. Iryo niryo ibheere rekobhakangata abhaato bhano bhataakoresooka Eryobha.

Abhaebheeso 6:12

Nekobhugha hangʼu gho kubha, eriihë riito retaanyi ghate yiito na abhaato. Amare ntokurööna ne emisambu ghino gheenyi no obhotoro, ghino gheghukangata ase ino e kengʼuuri, ghyose ghino ngighöötëriire mo‑se ino etaakorighibhu.

Abhabhiribhi 2:6

Nangabha iwe naare arëngʼiine ne Eryobha, akarighi taanyi bhoheene asaaghe aghöötëriire riyo.

Abhakorosaayi 1:15

Kirisito n‑eghetuubhaani ke Ryobha, rino retaakorighibhu, na niwe omutange o bheghiro bhyose bhino ꞉bhiitëëmuru.

Abhakorosaayi 1:27

Bhayo nibho Eryobha ꞉reesiighiri kobhahunyurera ekebhisere kiyo ghe koroghoori kino riköriri gho ghiri e bhaato bha matöngö. Angʼana iyo e kebhisere n‑kubha, Kirisito naanyi moose yaanyu, wiiki niwe akobhaha amiitëngʼërö kubha moghusanga obhokumi obhokoro bho Ryobha.

1 Timotewo 1:11

Ameeghi ghayo gha hëënë ngahaabhönëka mo‑Ngʼana Anchömu, ino ekwërëki obhokumi obhokoro bho Ryobha rino reghoghongibhu. Angʼana iyo niyo ꞉niihaabhuru ne Eryobha neyiraghani.

Tiito 2:13

Tughöötë amangʼana ghano, toraghanya na ghwitëngʼëra orosiko ruure oruchömu ro ghugharuka kwo Kirisito Yesu. Orosiko ruyo nakorighibhu mo‑bhokumi bhooche obhokoro. Iwe niwe Eryobha riito Eriikoro no Omotoori wiito.

Abheebhuraaniya 1:3

Omoona uyo nakurëngaari mo‑bhokumi obhokoro bho Ryobha na nakwërëki haheero kinya Eryobha reenyi. Wiiki gho kohetera ghokooche ebheghiro bhyose mbehaaghöötana haghirohamu kwo ngʼana yaache ino enyi no obhotoro. Iwe hano amariri kwiruusi kinya amaruusi gha koruuseri abhaato amasari, aghaye Mwishaaro, aghiikara eribhaara re kubhökö gho kwiro kwo Mutëmi Waryobha.

Abheebhuraaniya 6:4

Mbe, mbaanyi‑ho abhaato bhano ꞉bhaatoriri kumënya obhuhëënë koru kwo Waryobha, bhakabhöna atuho e Mwishaaro, na kubha haghirohamu na bhaato bhano bhasongʼaaniri Akörö Ahörëëru.

2 Bheetero 1:19

Wiiki amangʼana gha bharööti, ngakuhëënëhi ghokwito angʼana iyo, inyu moghuköra bhoheene aribha moraghaghööta. Amangʼana ghayo n‑kinya oromore runo rokurëngaari mo‑kengʼuuri, mbagha eriibhagha re moomake, na anchöta e tabhoori ino ekobharemokera mo‑metema gheenyu.

1 Yohana 2:11

Uno amurëghiri mughëndi waache, namanyiri mo‑kengʼuuri. Wiiki naghughënda mo‑kengʼuuri, naghuköra egheghiro ghyokyose amare ateeche amabhe na amachömu, gho kubha ekengʼuuri ngekundekiiri amiisho ghaache.

1 Yohana 2:8

Wiiki omoghiro uno nekobhaandëkëra m‑muhë. Obhuhëënë bhooche mboroochiibhu mo‑tëëmö e Yesu Kirisito, na mo‑chatëëmö cheenyu, gho kubha ekengʼuuri ngekoheta, no obhwero bho bhuhëënë mbumariri kurëngaari.

1 Yohana 5:19

Ntweche kubha itu n‑abhaana bha Ryobha toonyi, na abhaato bha se bhano bhataaghokumi Eryobha mbaghukangatu ne Erishambu.