2 Abhakorinto 4:16 - Eriiraghano Eriihë

¹⁶ Gho ghayo, totaaghoku omukörö, nangabha emebhere ghiito gho nche ngeghusarëka, amare moose yiito Eryobha ndeghotuköra kubha abhahë chaasiko choose.

2 Abhakorinto 4:16 ပူးပေါင်းရင်းမြစ်များ

Ruuka 11:3

Otuhë chaasiko choose amënda ghiito.

Abharuumi 12:2

Moteegha chaasughara che bhaato bha mo‑se ino, amare motighe Eryobha righarure emetema gheenyu, kubha mubhe na amiihëëbhö amahë. Hayo niho mokwegha kumënya kebhuno Eryobha rekwënda mukörë. Mokumënya n‑amangʼana ghaahë ghano ghaanyi amachömu, na ghano ghakoretegheri, wiiki na ghano ghahikeriine.

Abharuumi 7:22

Emeghiro ghe Ryobha, neghesiighiri kwo motema waane woose.

1 Abhakorinto 15:58

Mbe, abhahiiri bhaane abhasiighani, muköngʼëri mo‑bhokumi bhuyo, motaku omukörö. Mwëndërërë ghuköra emeremo ghe Mutëmi gho ghwiköngʼi chaasiko choose, gho kubha mweche kubha emeremo ghino moghuköra gho ghiri e Mutëmi, ghetaanyi ghe bhoowa.

2 Abhakorinto 12:15

Neghuchömëru koruusi ebheghiro bheene na kwiruusi eni mwene kobhatoori inyu. Amare ibheere nekorighibhu kubha, hano nekwëngëra kobhasiigha, niho inyu moghosuuhi obhosiighi bhoonyu ghokoone.

2 Abhakorinto 4:1

Ibheere, gho kubha Eryobha gho changori cheeche ndetoheere emeremo ghino, totaaghoku omukörö.

Abhaebheeso 3:16

Nekorisabha, kurëngʼaana no obhwaru bho bhokumi bhooche obhokoro, gho nchëra e Körö yaache, rebhahë changuru motore ghuköngʼëri mo‑metema gheenyu,

Abhaebheeso 4:23

na muköru bhuhë mo‑metema na mo‑miihëëbhö ghaanyu.

Abhakorosaayi 3:10

mobheekiri atëëmö ahë. Atëëmö ahë iyo nehaabha eraköru bhuhë kurëngʼaana ne eghetuubhaani keeche eryene rino reyebhombiri, kubha morimënyë bhoheene.

Tiito 3:5

Retaaköriri hangʼu gho kubha amaköri ghiito ango n‑gha hëënë ꞉ghaare, amare n‑gho changori cheeche okwene. Ndetomusiri obhobhe bhwito, kuyo niko okwibhoru okuhë. Wiiki ndetoheere eriimanya eriihë gho nchëra e Körö Ahörëëru.

1 Bheetero 3:4

Amare oghwichöcha koonyu ghusëëmërë mo‑metema gheenyu, obhuchömu bhuno bhotaaghotora ghusarëka koru ghokunguha. Obhuchömu bhuyo, n‑kubha no omukörö omuhöriicho no obhuhörëëru, na nibho obhuchömu bhuno bhoonyi no obhwëra bhokoro mo‑miisho gha Ryobha.

1 Bheetero 4:14

Aribha moghotoku gho ghiri e riina re Kirisito, ngʼoni inyu. Angʼana iyo nekwërëki kubha Akörö e Ryobha e bhokumi obhokoro neenyi haghirohamu na niinyu.