2 Abhakorinto 4:15 - Eriiraghano Eriihë

¹⁵ Ibheere amangʼana ghoose ghano ghaghotubhöna, ngaghotubhöna gho ghiri yaanyu, kubha aghareeya e Ryobha ebhahikere abhaato bhaaru chwee, kubha abhaato bhëëngërë koriitabheri Eryobha. Kurëngʼaana na ghayo, Eryobha ndekwëndërëra ghoghongibhu.

2 Abhakorinto 4:15 ပူးပေါင်းရင်းမြစ်များ

Abharuumi 8:28

Ntweche kubha, mo‑ghoose Eryobha ndehaabhakörëra amachömu abhaato bhoose bhano bharesiighiri, bhano rebhabherekiire kurëngʼaana na amënda ghaache.

1 Abhakorinto 9:19

Eni nteenyi omusësë o mooto wowoose, huuru neenyi. Amare ꞉niitooriri kubha omusësë o bhaato bhoose, kubha nebhatoori abhaato bhaaru bhamokumi Kirisito.

2 Abhakorinto 1:11

aribha moghusakerani na niitu gho ghotusabhera kwo Waryobha. Iryo ndekooghu amasabhi ghaanyu na ndeghotwitabheri. Niho abhaato bhaaru bhakoriitabheri Eryobha gho ghiri yiito.

2 Abhakorinto 8:19

Ghokera ghayo, amakanisa ngamwahwire omohiiri wiito uyo, kubha abhe haghirohamu na niitu eriibhagha tokohira obhotoorereri mo‑bhaato. Emeremo ghiyo ghe ghareeya ngekomoghongi Omutëmi, wiiki ngekwërëki kebhuno toghwiköngʼi kobhasakeri abhande.

Abhagharatiya 1:24

Mbe, bhakareghongi Eryobha gho ghiri e ghano rinköriire.

Abhakorosaayi 1:24

Ibheere neghuchömëru kwo nyaako ino nekubhöna gho ghiri yaanyu. Mo‑mobhere waane neghusanga anyaako ino Kirisito ꞉abhwine gho ghiri e mobhere waache, niryo eriikanisa.

1 Timotewo 1:14

Mahëënë Omutëmi wiito Kirisito Yesu ꞉naansakiiri aghareeya yaache kwo bhwaru, gho kuuha obhokumi no obhosiighi gho ghughöötana nawe.

2 Timotewo 2:10

Gho ghayo, neghoghumereri ghoose gho ghiri e bhaato bhano bhaahwiru ne Eryobha bhabhe abhaato bhaache. Neghuköra hangʼu, kubha bhoose bhasongʼaane obhotoori kohetera Kirisito Yesu, na ghusanga obhokumi bhooche obhokoro bho emiishe ghyose.

1 Bheetero 2:9

Amare inyu n‑orwibhoro orwahöru, na abhachaama bha ghitëmi, na abhaato abhatööbhiyu, na abhaato bha Ryobha eryene, kubha muraghani amaköri amakoro gha Ryobha. Iryo ndebhabherekiire koru mo‑kengʼuuri, moghi mo‑bhwero bhooche obhokoro bho koroghoori.

1 Bheetero 4:11

Aribha omooto anyi na amangʼana gha ghosiikëra, asiikërë kinya n‑kwo Ryobha gharuure. Na aribha omooto aghusakeri abhaghëndi bhaache, abhasakeri kwo bhotoro bhuno bhookoru kwo Waryobha. Gho ghayo, Eryobha ndeghoghongibhu mo‑mangʼana ghoose, gho nchëra e Yesu Kirisito omwene uno anyi no obhokumi obhokoro no obhotoro emiishe ne emiishe. Hawubhaabha.