2 Abhakorinto 4:1 - Eriiraghano Eriihë

¹ Ibheere, gho kubha Eryobha gho changori cheeche ndetoheere emeremo ghino, totaaghoku omukörö.

2 Abhakorinto 4:1 ပူးပေါင်းရင်းမြစ်များ

Ruuka 18:1

Yesu akabhabhoorera abhaanabheegha bhaache eghetuubhaani kino, köbhëërëki kubha mbakwëndëru korisabha Eryobha chaasiko choose na bhataku omukörö.

1 Abhakorinto 3:5

Mbe, ibheere, Abhooro n‑niwe? Na neeni Bhawuro n‑niwe? Itu n‑abhatamishi bhano Eryobha retotomiri kobhatoori inyu momokumi Yesu Kirisito. Omooto woose naghuköra emeremo ghino ahaabhuru no Omutëmi.

1 Abhakorinto 7:25

Ibheere, kwo bhaakë bhano bhakeere ghokwiru, ntighöötë amëërëkërëri koru kwo Mutëmi Yesu. Amare nëköbhëërëkërëri kwo miihëëbhö ghaane, eni uno neenyi omuhëënë gho changori che Ryobha.

2 Abhakorinto 3:12

Ibheere, gho kubha riyo niryo eriitëngʼërö riito, ntokuhöki totaanyi no obhotiini.

2 Abhakorinto 3:6

Iryo niryo ꞉reetoheere obhotoro bho kubha abhatamishi bha Riiraghano Eriihë rino reekoru mo‑Körö Ahörëëru. Eriiraghano riyo taanyi emeghiro ghino ghyandëkuru, gho kubha emeghiro ghino ghyandëkuru ngeghuköra abhaköri bha masari bhateneru ekiina ghe ghwitu, amare Akörö Ahörëëru nekurëëta obhuhöru.

2 Abhakorinto 4:16

Gho ghayo, totaaghoku omukörö, nangabha emebhere ghiito gho nche ngeghusarëka, amare moose yiito Eryobha ndeghotuköra kubha abhahë chaasiko choose.

2 Abhakorinto 5:18

Ghano ghoose ngakorwera kwo Waryobha uno ꞉atomiri Kirisito atutëmëërani itu nawe. Na niitu natoheere emeremo ghe kuraghani obhoghwani bhuyo.

Abhagharatiya 6:9

Gho ghayo, totatamu ghuköra amaköri amachömu! Aribha toraghumereri ghuköra amachömu, ntoghughësa bhoheene eriibhagha re mughësö rerahika.

Abhaebheeso 3:13

Gho ghayo, nekobhasabha motaku omukörö kwo nyaako ino ekumböna gho ghiri yaanyu, gho kubha anyaako iyo nekobharëëtëra obhwëra.

Abhabhiribhi 4:13

Neghotora ghuköra ghoose ghayo, gho kubha Kirisito niwe akuuha changuru.

2 Abhatesaronike 3:13

Amare inyu abhahiiri bhiito, motaku omukörö ghuköra amachömu.

1 Timotewo 1:13

꞉Naaköriri hangʼu, nangabha ekimbërë hayo ꞉neemotokiri, na neere mutarighanu ghokooche, wiiki ꞉neebhanyaakiri abhaato bhaache. Amare, iwe ꞉naandoochiire changori, gho kubha neere neraköra ghayo kwo bhuraghaanu bhoone na gho kwanga kubha no obhokumi.

Abheebhuraaniya 12:3

Mwihëëbhë kinya bhuno Yesu aghumeriiri ghaare ꞉ghaamobhwine ghano abhaköri bha masari ꞉bhaare bharamoshangʼaani. Mbe, gho ghayo, mwitoore omukörö kubha motaacha ghutamu korekumi Eryobha.

1 Bheetero 2:10

Hayo ekeenyuma, motaare abhaato bha Ryobha, amare ibheere inyu n‑abhaato bhaache moonyi. Wiiki motaare morochiiru changori ne Eryobha, amare ibheere, morochiiru changori.

Obhohunyurëru 2:3

Wiiki, nyeeche munyaakiru chwee gho ghiri e riina reene, amare moghumeriiri na koru ibheere motaamara mutamu.