2 Abhakorinto 3:7 - Eriiraghano Eriihë

⁷ Emeghiro ghino ꞉ghyaandëkuru mo‑mabhohe amachanchaare, ꞉ngiirëëtiri oroko. Amare ꞉ngiichiri mo‑bhokumi obhokoro bhuno bhokurëngaari, mbagha Abhiisiraeri bhataatoriri komumööhërëri Musa mo‑bhosho. Nangabha obhokumi obhokoro bhuyo ꞉mbuurëngaariri mo‑bhosho bhooche kwo riibhagha ighuhe hangʼu, bhokamara bhoghasira. Amahöki gha meghiro ghino ꞉ghiirëëtiri oroko ꞉ngiichiri mo‑bhokumi obhokoro kinya bhuyo,

2 Abhakorinto 3:7 ပူးပေါင်းရင်းမြစ်များ

Amaköri gha Bhatomu 6:15

Abhaato bhoose bhano ꞉bhaare mo‑riibharacha riyo, bhakamoomeri amiisho Siteebhano, bhakarighi obhosho bhooche bhorarëngaari kinya bho marayika.

Abharuumi 10:4

Kirisito nahikeriini emeghiro ghyose ghe Musa, kubha abhaato bhoose bhano bhakomokumi, bhabhareru kubha mbaanyi no obhuhëënë ambërë e Ryobha.

Abharuumi 4:15

gho kubha ghusari emeghiro, ngokurëëta anchagho. Amare aribha emeghiro ghetaanyi‑ho, hayo ghotaanyi‑ho ghusari emeghiro.

Abharuumi 5:20

Hano emeghiro ghe Musa ghiichiri, gheghaghëri amasari ghakiyëngëra. Koru hangʼu, hano amasari ghëëngiire, aghareeya e Ryobha yoose ëkëëndërëra kwiyëngëra chwee.

Abharuumi 7:10

Nekarighi kubha emeghiro ghiyo, ghino gheere gho ghiri e kuuha obhuhöru, ꞉ngiirëëtiri oroko.

Abharuumi 7:22

Emeghiro ghe Ryobha, neghesiighiri kwo motema waane woose.

Abharuumi 7:5

Eriibhagha rino simoka yiito e masari ere eratukangata, emeghiro ꞉ngiiköriri amiigha ghiito amabhe ghabhe na changuru chwee ghokwito, toghiighomba ghuköra amasari eriibhagha ryose. Kurëngʼaana na riyo, oroko rokabha‑ho.

1 Abhakorinto 13:10

Amare hano rekuucha eriibhagha re mangʼana ghano ghahikeriine, ghano ghakeere kohikeerana ngaghosira.

2 Abhakorinto 3:3

Mokwërëki haheero kubha inyu niinyu anyaarubha e Kirisito, ino ekwërëki emeremo ghino tuköriri ghokoonyu. Anyaarubha iyo tyandëkuru no obhwino, amare yandëkuru na Akörö e Ryobha rino reenyi ihöru. Wiiki tyandëkuru mo‑mabhohe amachanchaare, amare ino, yandëkuru mo‑metema ghe bhaato.

2 Abhakorinto 3:6

Iryo niryo ꞉reetoheere obhotoro bho kubha abhatamishi bha Riiraghano Eriihë rino reekoru mo‑Körö Ahörëëru. Eriiraghano riyo taanyi emeghiro ghino ghyandëkuru, gho kubha emeghiro ghino ghyandëkuru ngeghuköra abhaköri bha masari bhateneru ekiina ghe ghwitu, amare Akörö Ahörëëru nekurëëta obhuhöru.

2 Abhakorinto 3:8

gho ghayo, mahëënë amahöki gha Körö Ahörëëru ngaakubha no obhokumi obhokoro chwee.

Abhagharatiya 3:10

Amare bhoose bhano bhaghwitëngʼëra ghotooribhu gho ghuköra ghano ghakwëndëru ne emeghiro ghe Musa, bhayo bhiihiimuru. Amandëkö Amatööbhiyu ngakobhugha kubha, “Wowoose uno ataaghughööta na ghuköra ghoose ghano ghaandëkuru mo‑ghitabhu ke meghiro, niihiimuru.”

Abhagharatiya 3:21

Kana, emeghiro ghetaakoghwana na ghano Eryobha ꞉riiraghiri? Tiyaanyi! Aribha bhongabheere‑ho obhotoro bho meghiro kobhaha abhaato obhuhöru, mbe, ntongatoriri kubharu kubha abhaato abhahëënë ambërë e Ryobha gho ghughööta emeghiro.

Abheebhuraaniya 12:18

Inyu motahikiri mo‑gheghoro kino abhaato bhaghotora ghogheturi, kinya ghe Sinaayi, kino keere keraaka omororo, uno ore ne ekengʼuuri eghekoro, no obhukama bhuhaari chwee.

Abheebhuraaniya 3:3

Omwabhëki nahaasooku ghokera anyumba ino abhëkiri, hangʼu hangʼu Yesu woose nakwëndëru ghosooku chwee ghokera Musa.

Abheebhuraaniya 9:4

Mo‑kenyumba kiyo ꞉haare na ahaghiro ha ghusëngërëra hano haare haabhëkuru gho sahaabhu hano abhachaama ꞉bhaare bharaghunderi‑ho akorose. Wiiki ndeere‑mu Erisandëkö re Riiraghano rino ꞉riihakuru asahaabhu chambaara choose. Mo‑risandëkö riyo ꞉haare na anyongo e sahaabhu, ino ere ne ekiinyakurë kino kebherekiiru mana na ahimbo e Haruuni ino esebhokiri amato. Wiiki mbeere‑mu ebheteneka bhibhere bhe mabhohe bhino ꞉bhyandëkuru emeghiro ghe riiraghano.