2 Abhakorinto 3:5 - Eriiraghano Eriihë

⁵ Taanyi kubha ntokwihëëbha ntoghotora ghuköra ghyokyose kwo bhotoro bhwito itu bheene, amare obhotoro bhwito mbookoru kwo Waryobha.

2 Abhakorinto 3:5 ပူးပေါင်းရင်းမြစ်များ

Ruuka 21:15

Eni mwene, nekobhaha amangʼiini na amangʼana ghano moghosiikëra, koru abhabhisa bhaanyu bhataaghotora ghoghaanga hamu kobhakinda.

Ruuka 24:49

“Mutëghëërërë! Nekobharëëtëra ighoro yaanyu eriiraghano re Taata waane, eriiraghano riyo n‑Akörö Ahörëëru. Amare, mughanye mo‑moghya uno o Yerusareemu, mbagha muhaabhu obhotoro koru Mwishaaro.”

Yohana 15:5

“Eni n‑omusabhiibhu, na niinyu n‑ebhihaghe. Omooto uno aghwikara moose yaane, na neeni moose yaache, uyo naakubha arasönga amakorobhese maaru, gho kubha aribha taanyi eni motaaghotora ghuköra ngʼana yoyoose.

Abharuumi 15:18

Eni nteeghosiikëra angʼana yoyoose ayende, amare ghaare Kirisito aköriri kohetera ghokoone. ꞉Naaköriri abhaato bha matöngö bharesooke Eryobha, kohetera amangʼana ghano neere nerasiikëra ne emeremo ghino neere neraköra.

1 Abhakorinto 15:10

Amare aghareeya e Ryobha niyo inköriri eni kubha omotomu. Na aghareeya yaache ghokoone teere bhoowa, gho kubha kohetera aghareeya iyo niköriri emeremo ghokera abhatomu bhoose. Ntiköriri ghayo gho changuru cheene omwene, amare na aghareeya e Ryobha niyo iköriri emeremo haghirohamu na neeni.

1 Abhakorinto 3:10

Gho ghareeya ino Eryobha reheere, eni nyabhëkiri obhoroso kinya omwabhëki omukaari na uno anyi na amangʼiini, no omooto owonde nakwabhëka ighoro e bhoroso bhuyo. Amare ibheere, omooto woose amööhërëri bhoheene, kebhuno akwabhëka ighoro e bhoroso bhuyo,

1 Abhakorinto 3:6

Eni nyeemiri chaatëtërë, Abhooro akahomeerera amanche, amare Eryobha niryo rekumëri na ghokori.

2 Abhakorinto 12:9

Amare iwe akamboorera akabhugha, “Aghareeya yaane neghoghwisha, gho kubha mo‑bhutöbhu nimu muyo changuru cheene chehaarighibhu.” Gho ghayo, neekubha neriihacha gho ghuchömëru ghokoro ighoro e bhutöbhu bhoone, kubha changuru che Kirisito chibhe haghirohamu na neeni.

2 Abhakorinto 2:16

Kwo bhano bhaghotooribhu, ekeneeso kiyo n‑ghichömu ngekurëëta obhuhöru. Amare kwo bhano bhakobhora, ekeneeso kiyo n‑kebhe, ngekurëëta oroko. Ibheere n‑niwe uno akurëngʼaanera ghuköra emeremo ghiyo?

2 Abhakorinto 4:7

Itu ntuhaabhuru obhwero bhuyo, nangabha toonyi kinya ebheghiro bhino bhebhomburu koru mwiröbhë. Ibheere imënyu kubha, changuru chaaru che koroghoori chino cheghuköra emeremo ghiyo chetaanyi chechiito, nchekoru kwo Waryobha.

Abhabhiribhi 2:13

Mbe, mukörë hangʼu gho kubha Eryobha niryo reghuköra emeremo moose yaanyu, kubha mosiighe na ghuköra amangʼana ghano resiighiri ghaköru.

Abhabhiribhi 4:13

Neghotora ghuköra ghoose ghayo, gho kubha Kirisito niwe akuuha changuru.

2 Timotewo 2:2

Nooghwire ameeghi ghano ꞉nyeeghiri ambërë e bhiibhateri bhaaru. Ibheere iye obhahë abhaato abhahëënë, bhano bhaghotora kweghi abhande.

Yakobho 1:17

Mumënyë egheghiro kyose eghichömu kino tokuhaabhu, ngekoru Mwishaaro kwo Ryobha omutëëmi o mirëngaari. Iryo retaaghotora ghwigharura kinya ekiriiri kehiigharura.