2 Abhakorinto 3:14 - Eriiraghano Eriihë

¹⁴ Amare Abhiisiraeri bhatëëndiri kumënya. Mbagha ibheere hano bhaghusöma eriiraghano re kare, bhataaghotora kumënya obhuhëënë, bhabha kinya bhakundekiiru ne eghitambara kiyo. Eghitambara kiyo, ghetaamara keruusibhu, gho kubha ngekoruusibhu gho nchëra e komokumi Kirisito okwene.

2 Abhakorinto 3:14 ပူးပေါင်းရင်းမြစ်များ

Mataayo 13:11

Akabhagharokeri akabhugha, “Eryobha ndebhahunyuriire inyu kumënya ghano ghaanyi mo‑kebhisere ighoro e bhutëmi bho Mwishaaro, amare ibho bhakeere kumënya ghayo,

Mataayo 16:17

Yesu akamobhoorera akabhugha, “Oo Simiyooni mwërëëti o Yoona, witabhiiru gho kubha taanyi‑ho omooto uno akohunyuriire rino, amare n‑Taata waane uno anyi Mwishaaro.

Mataayo 6:23

Amare aribha amiisho ghaacho ngasarëkiri, omobhere waacho woose nookubha ne ekengʼuuri. Aribha emirëngaari ghino gheenyi moose yaacho ngigharwire na kubha ekengʼuuri, m‑bhe kengʼuuri kiyo n‑ekengʼuuri ghe changuru!

Yohana 12:40

“Eryobha ndehukwiri amiisho ghaabho na ghoghiköra emetema gheebho ghibhe miköngʼu, kubha bhatarighi kwo miisho ghaabho, na bhatamënya mo‑miihëëbhö ghaabho, kubha bhatagharuka ghokoone, kubha nebhahöri.”

Yohana 12:46

Eni niichiri mo‑se ino kinya obhwero, kubha omooto woose uno aghonkumi atighe kubha mo‑kengʼuuri.

Yohana 8:12

Mbe, Yesu akëëndërëra ghosiikëra wiiki ne erikinda riire akabhugha, “Eni neeni obhwero bho se. Omooto wowoose uno aghuntambana eni, taaghughënda mo‑kengʼuuri naabha, amare naakubha no obhwero bhuno bhokomukangata mo‑bhuhöru bho miishe ghyose.”

Amaköri gha Bhatomu 13:15

Hano bhamariri ghusöma amangʼana gha Meghiro ghe Musa na gha bhitabhu bhe bharööti, abhakoro bha risinaghooghi riyo bhaghatoma omooto o‑Bhawuro na Bharinaabha, akabhabhoorera akabhugha, “Abhahiiri bhiito, aribha moonyi na angʼana e kobhabhoorera na kobhatoora omukörö abhaato bhano, muuche mosiikëra.”

Amaköri gha Bhatomu 15:21

Korwera kare, mbaare bhareeghi emeghiro ghe Musa mo‑meghya ghyose, na ꞉ngiisömuru mo‑masinaghooghi gha Bhayahuuti mo‑chaasiko choose che Riikane.”

Amaköri gha Bhatomu 16:14

Umu o bhakari bhayo ꞉bhaare bharatutëghëërëra, naare aruure mo‑moghya o Tiyatira, eriina reeche Riitiya. Riitiya uyo naare omosorocha o maghööti amachömu gha sambaraawe, wiiki naare araresooka Eryobha. Hano Bhawuro abhamënyiri Angʼana Anchömu iyo, Omutëmi aghiighora omotema o Riitiya mbagha aghakumi.

Amaköri gha Bhatomu 26:18

gho ghiri obhahunyure amiisho, mbagha bharu mo‑kengʼuuri bhiigharurere obhwero, na bharu mo‑bhukangati bho Rishambu, bhiigharurere Eryobha. Hangʼu niho bhakwabhëru amasari ghaabho, mbaakubha haghirohamu na abhande bhoose bhano bhamusuru gho nchëra e ghonkumi.’

Abharuumi 11:25

Abhahiiri bhaane, nekwënda mumënyë ighoro e obhorwachi bho Ryobha bhuno bhoore bhobhisuru korwera kare, kubha motaacha ghwitëngʼëra obhongo bhoonyu inyu bheene. Abhiisiraeri abhamu mbaakubha ne emetema miköngʼu, mbagha hano omubharo o bhaato bha matöngö bhano Eryobha rekwënda ohikeerane.

2 Abhakorinto 3:15

M‑mahëënë, mbagha reero hano bhaghusöma emeghiro ghe Musa, emetema gheebho ghekundekeru, bhanga kumënya.

2 Abhakorinto 3:6

Iryo niryo ꞉reetoheere obhotoro bho kubha abhatamishi bha Riiraghano Eriihë rino reekoru mo‑Körö Ahörëëru. Eriiraghano riyo taanyi emeghiro ghino ghyandëkuru, gho kubha emeghiro ghino ghyandëkuru ngeghuköra abhaköri bha masari bhateneru ekiina ghe ghwitu, amare Akörö Ahörëëru nekurëëta obhuhöru.

2 Abhakorinto 4:6

Eryobha rino ꞉reebhughiri kubha, “Obhwero bhurëngaari mo‑kengʼuuri,” niryo riyo rirëngaariri mo‑metema ghiito, na ghotuköra tumënyë obhokumi bhooche obhokoro bhuno bhokurëngaari mo‑bhosho bho Yesu Kirisito.

Abhaebheeso 4:18

ngakundekiiru ne ekengʼuuri. Abhaato bhayo mbatooruru kurë no obhuhöru bho Ryobha gho ghiri e bhuraghaanu bhoobho no obhuköngʼu bho metema gheebho.