2 Abhakorinto 2:14 - Eriiraghano Eriihë

¹⁴ Amare ntokoriitabheri Eryobha gho kubha ndeghotukangata eriibhagha ryose mo‑murööbhö o ghuchaghanera obhokindi bho Kirisito ighoro e bhabhisa bhaache. Wiiki Eryobha ndeghotuköra itu ghusanchi obhumënyi bho ngʼana ighoro e Kirisito chambaara choose, nibheere kinya bhuno ekeneeso eghichömu kehaasancha ahaghiro hoose.

2 Abhakorinto 2:14 ပူးပေါင်းရင်းမြစ်များ

Yohana 16:33

Nebhughiri ghayo ghoose kubha mubhe no omurëmbë mo‑metema gheenyu, gho kubha moonyi moose yaane. Mo‑se muno mokubhöna anyaako yaaru, amare mwitoore omukörö gho kubha eni neyekindiri ase.”

Abharuumi 1:8

Nisëëmë gho kobhugha kubha, nekoriitabheri Eryobha kohetera kwo Yesu Kirisito, gho ghiri yaanyu bhoose, gho kubha amangʼana ighoro e bhokumi bhoonyu ngamënyuru mo‑se yoose.

Abharuumi 15:19

꞉Mbaaruturu koresooka, gho kubha kohetera ghokoone mbarooche changuru che Kirisito mo‑bhyërëkërëri ne ebhiraghe. ꞉Neetoriri ghoghaköra gho changuru che Körö e Ryobha. Gho ghayo, ꞉niinaariri ahaghiro hoose kuraghani Angʼana Anchömu ighoro e Kirisito, korwera mo‑moghya o Yerusareemu mbagha mo‑mukööwa o Iririiko.

Abharuumi 6:17

Kare, inyu moore abhasësë bha masari. Amare nekoriitabheri Eryobha, gho kubha ibheere mwisheriiri kwo metema gheenyu ghyose ghosooka ameeghi gha bhuhëënë ghano ꞉moosongʼaaniri.

Abharuumi 8:37

Amare nangabha ghayo ghoose ghaghotubhöna, itu ntokeere toonyi no obhokindi bhokoro, gho kubha Kirisito natosiighiri.

1 Abhakorinto 12:8

Akörö nekomuha omooto umu angʼana e mangʼiini, no owonde nekomuha angʼana e bhumënyi. Akörö iyo iyo nekoruusi ebhihaano kinya ekwënda.

1 Abhakorinto 15:37

Chambusuro chino mokwemi, ibhe angano hamu chambusuro echende, hano chekumëra nchekuucha no omobhere muhaghare.

1 Abhakorinto 15:57

Amare ntoriitabheri Eryobha, rino reghotuha ghokinda gho nchëra e Mutëmi wiito Yesu Kirisito.

2 Abhakorinto 1:11

aribha moghusakerani na niitu gho ghotusabhera kwo Waryobha. Iryo ndekooghu amasabhi ghaanyu na ndeghotwitabheri. Niho abhaato bhaaru bhakoriitabheri Eryobha gho ghiri yiito.

2 Abhakorinto 8:16

Nekoriitabheri Eryobha gho kubha ndemoheere Tiito omukörö uno neenyi nawe eni o kobhasakeri inyu.

2 Abhakorinto 9:15

Tubhe torariitabheri Eryobha gho ghiri e kihaano ghekoro ghe koroghoori, kino retoheere.

Abhaebheeso 5:2

Mumanye eriimanya re bhosiighi, kinya bhuure Kirisito ꞉atosiighiri itu, akiiruusi aghaku gho ghiri yiito, akabha kinya eriruusi re keneeso ghichömu kino ghekoretegheri Eryobha.

Abhaebheeso 5:20

Wiiki, eriibhagha ryose mubhe moramwitabheri Taata Waryobha, gho ghiri e bhaato bhoose, gho kohetera eriina re Mutëmi wiito Yesu Kirisito.

Abhabhiribhi 4:18

Ibheere, ebheghiro bhyose bhiire montomaniiri gho kohetera Ebhabhurotiito, nebhebhwine. Mbiishiri kumara amënda ghaane ghoose, wiiki mbeghokera koru bhino neere kwënda. Obhotoorereri bhuyo mbobheere kinya eriruusi re keneeso ghichömu, amaruusi ghano ghaghwisherereru na ghakoretegheri Eryobha.

Abhakorosaayi 1:23

Amare mokwëndëru kwëndërëra koyekumi Angʼana Anchömu, mubhe muköngʼiiri na kubha na changuru. Motiishereri ghotigha eriitëngʼërö rino ꞉moobhwine hano mooghwire Ngʼana Anchömu. Angʼana Anchömu iyo eni Bhawuro nibheere omutamishi waache, wiiki ꞉niiraghiinu mo‑bhaato bhoose bha hano mo‑se.

Abhakorosaayi 1:6

Angʼana Anchömu ino ꞉ehikiri bhowaanyu, nisanchiri mo‑se ingima. Nekobhagharura abhaato kinya ꞉ebhagharwire inyu korwera orosiko runo ꞉mooghwire na kumënya aghareeya e Ryobha no obhuhëënë bho ghareeya yaache kebhuno enyi.

Abhakorosaayi 2:15

Gho nchëra e musarabha, Eryobha rekahöka emisambu obhutëmi no obhotoro bhoobho, reghakinda gho chandiryato, reghaghesooki haheero.

1 Abhatesaronike 1:8

Korwera ghokoonyu, abhaato mbooghwire Angʼana e Mutëmi Yesu. Taanyi kwo bhaato bha Maketoniya na Akaaya abheene, amare obhokumi bhoonyu kwo Waryobha mbumanyëkiine hoose. Gho ghayo, totaakwinyaaki ghosiikëra ghyokyose ighoro e bhokumi bhoonyu.

1 Abhatesaronike 3:9

Ibheere ntoghotora korereha Eryobha gheghiro ke kubha toriitabheri gho ghiri e bhokumi bhoonyu? Koru gho ghuchömëru kwaru kuno toonyi nako ambërë e Ryobha gho ghiri yaanyu?

1 Timotewo 2:8

Gho ghayo, ahaghiro hoose hano moghwikomana ghusabha, nekwënda abhasubhe hano bhaakubha bharasabha bhaghongi amabhökö ghaabho ighoro, bhakörë hangʼu kwo mukörö mwero ino bhataaghushangʼaana hamu ghukarara.

2 Timotewo 2:2

Nooghwire ameeghi ghano ꞉nyeeghiri ambërë e bhiibhateri bhaaru. Ibheere iye obhahë abhaato abhahëënë, bhano bhaghotora kweghi abhande.

Obhohunyurëru 7:12

bharabhugha, “Hawubhaabha! Eryobha riito ndeenyi no obhokumi obhokoro, na ndeenyi na amangʼiini, wiiki ndeenyi no obhotoro na changuru choose, toreghongi, toriitabheri, toresooke, emiishe ne emiishe. Hawubhaabha!”