2 Abhakorinto 13:4 - Eriiraghano Eriihë

⁴ M‑mahëënë kubha Kirisito ꞉naamamburu mo‑bhutöbhu, amare ibheere m‑muhöru gho changuru che Ryobha. Hangʼu hangʼu na niitu m‑bhatöbhu toonyi kinya iwe, amare eriibhagha tokobhahökëri inyu, ntookubha abhahöru haghirohamu na iwe gho changuru che Ryobha.

2 Abhakorinto 13:4 ပူးပေါင်းရင်းမြစ်များ

Yohana 10:18

Taanyi‑ho omooto uno aghotora kuuhöka obhuhöru bhoone. Eni neenyi no obhotoro bho kobhoruusi obhuhöru bhoone, wiiki eni neenyi no obhotoro bho kobhwimoki wiiki obhuhöru bhoone. Hangʼu nibhu Taata ꞉andagheriiri ghuköra.”

Amaköri gha Bhatomu 2:36

Bheetero akamareereri gho kobhugha, “Gho ghayo, inyu na Abhiisiraeri bhoose mokwëndëru mumënyë obhuhëënë kubha, Eryobha ꞉ndeemuköriri Yesu, uno inyu ꞉moomumambiri mo‑musarabha, kubha Omutëmi na Kirisito.”

Amaköri gha Bhatomu 3:16

Omooto uno mokomorighi hano, momweche bhoheene. Iwe naahöruru gho nchëra e ghotoora obhokumi bhooche kwo riina re Yesu. Eriina riyo, haghirohamu no okomokumi, nibhyo bhighëriri akabha muhöru, kinya mokomorighi anyi ibheere.

Abharuumi 1:4

amare gho kohetera Akörö ino enyi Intööbhiyu, Eryobha ꞉ndeemwahwire kubha Omoona o Ryobha uno anyi no obhotoro bhoose, hano remoryokiri koru mo‑bhaku. Yesu Kirisito uyo niwe Omutëmi wiito.

Abharuumi 14:9

Kirisito ꞉naakuure na koryoka, kubha abhe Omutëmi o bhaato bhoose, abhaku na bhano bhaanyi abhahöru.

Abharuumi 6:4

Hano tubhatiisuru, ntoore kinya tokuure na koryeku haghirohamu nawe, kubha kinya Kirisito aryokiri koru mo‑bhaku gho changuru inkoro che Waryobha Taata, hangʼu hangʼu, koru itu ntoghotora kumanya eriimanya eriihë.

1 Abhakorinto 1:25

Nekobhugha hangʼu, gho kubha amangʼana ghano abhaato bhakorighi kubha n‑obhughëëghë bho Ryobha, ngaanyi na amangʼiini ghokera amangʼiini gha bhaato. Na amangʼana gha Ryobha ghano bhakorighi ghataanyi ni inguru, ngaanyi na changuru ghokera che bhaato.

1 Abhakorinto 15:43

Hano omobhere okoryeku, nohaataraahu, amare hano okoryokibhu nookubha na atëëmö e bhokumi obhokoro. Hano okoryeku, nohaabha otaanyi ni inguru, amare hano okoryokibhu nookubha na changuru.

1 Abhakorinto 2:3

Eriibhagha riyo neere nenyuutiri, neere na ahaho, wiiki neere ndasingisa chwee.

1 Abhakorinto 6:14

Wiiki, Eryobha ndeghotoryoki itu kwo bhotoro bhooche, kinya bhuno remoryokiri Omutëmi Yesu koru mo‑bhaku.

2 Abhakorinto 10:10

Neghosiikëra hangʼu, gho kubha abhande mbakobhugha, “Chanyaarubha che Bhawuro ncheenyi na amangʼana mahaari, wiiki ncheenyi na amangʼana amaköngʼu. Amare eriibhagha anyi haghirohamu na niitu abha ataanyi ni inguru, wiiki amangʼana ghaache ghano aghosiikëra ghabha ghataanyi na gheghiro.”

2 Abhakorinto 12:10

Gho ghayo, neghuchömëru chwee ighoro e bhutöbhu, na ghotoku, na kubha na anyööri, na kubha mo‑nyaako na kwirighora ighoro e Kirisito. Neenyi no oghuchömëru, gho kubha eriibhagha neekubha mutöbhu, niho neekubha na changuru.

2 Abhakorinto 13:9

Ntoghuchömëru hano tookubha abhatöbhu, amare inyu moonyi na changuru. Ntokorisabha Eryobha rebhatoori mubhe bhaghöröröku.

Abhabhiribhi 3:10

Nekwënda nemumënyë Kirisito chwee na kubha na changuru ghe chino are nacho Kirisito eriibhagha re koryoka kooche. Nekwënda kubhöna anyaako kinya iwe ꞉anyaakiibhu, wiiki nekwënda neku kinya akuure.

Abheebhuraaniya 5:7

Eriibhagha Yesu are mo‑se ino, ꞉naasabhiri, na ghusasaama na korera chwee ambërë e Ryobha rino reenyi na changuru che komotoori koru mo‑roko. Eryobha ndyoghwire amasabhi ghaache gho ghiri e kwinyööhi kooche.

1 Bheetero 3:18

Kirisito woose nanyaakiru mara rimu hangʼu gho ghiri e masari, omooto omuhëënë gho ghiri e bhaato bhano bhataanyi abhahëënë, kubha atughöötani ne Eryobha. Omobhere ꞉wiituru, amare kwo bhotoro bho Akörö Ahörëëru ꞉naabhwine wiiki obhuhöru.

1 Bheetero 3:22

Iwe naghiire Mwishaaro, ni ibheere niikeere okubhökö gho kwiro kwo Waryobha, ahaghiro ha sooko chwee. Naghukangata bhamarayika, ne ebhetyenyi bhyose bhe bhotoro, na bhe changuru.