2 Abhakorinto 13:10 - Eriiraghano Eriihë

¹⁰ ˆNekabhaandëkëra amangʼana ghano eriibhagha nekeere kuucha, kubha hano nekuucha bhowaanyu, netagharighi ghano ghaghotora ghunköra nibhe muhaari ighoro e bhotoro bhuno aheere Omutëmi. Neghosiikëra hangʼu, gho kubha obhotoro bhuno, m‑bho kobhaköngʼi inyu mo‑bhokumi, taanyi bho kobharumeeri.

2 Abhakorinto 13:10 ပူးပေါင်းရင်းမြစ်များ

1 Abhakorinto 4:21

Ibheere, mokwënda nikörë bhu? Kana, niiche bhowaanyu na ahimbo? Ghasi niiche mo‑bhosiighi na akörö e bhuhörëëru?

1 Abhakorinto 5:4

Eriibhagha moghwikomana kwo riina re Mutëmi wiito Yesu, eni neekubha haghirohamu na niinyu mo‑körö, na changuru che Mutëmi wiito Yesu, ncheekubha haghirohamu na niinyu.

2 Abhakorinto 10:2

ˆNekabhasasaama kubha, hano nekuucha iyo bhowaanyu, motanköra kubha muhaari. Neghosiikëra hangʼu, gho kubha nyeeche neghotora kubha muhaari kwo bhaato bhoose bhano bhaghwituuri kubha itu n‑gha mo‑se ino toghutabhara.

2 Abhakorinto 10:4

Ebhiröönërö bhino tokuröönëra eriihë riyo bhetaanyi bhe mo‑se, amare mbeenyi na changuru chino cheekoru kwo Waryobha, na ncheghusari charwakyo choose che mobhisa.

2 Abhakorinto 10:8

Hamwabhe mokorighi kubha, nekwihacha ghokera ekirëngërë ighoro e bhotoro bhuno Omutëmi atoheere. Amare koru hangʼu, nteekorighi chaasoni, gho kubha obhotoro bhuyo bhotaakobhasari, amare mbokobhaköngʼi mo‑bhokumi.

2 Abhakorinto 13:2

Hano niichiri bhowaanyu mara e kabhere, ꞉neebhabhooriire kubha, hano nekuucha bhowaanyu wiiki, nteekubha ne ebheghongi na abhaato bhano bhaköriri amasari. Ibheere nangabha neenyi kurë, ˆnekabhabhoorera riyo wiiki kubha, nteekubha ne bheghongi ghokoobho na kwo bhande bhoose.

2 Abhakorinto 13:8

Neghosiikëra hangʼu, gho kubha totaanyi na changuru che kuhööchërëra obhuhëënë, amare ntoonyi na changuru che kobhuhökëri obhuhëënë okwene.

2 Abhakorinto 2:3

Kiyo nikyo ꞉ghiighëriri nekaandëka mo‑nyaarubha yiire kubha nteekuucha bhowaanyu, motaacha ghunkörëra amacheeche, inyu niinyu mokwëndëru ghunköra eni nichömëru. Neenyi no obhuhëënë kubha eni nerachömëru, na niinyu bhoose moghuchömëru.

2 Abhakorinto 6:6

Wiiki ntokwërëki kubha itu n‑abhatamishi bha Ryobha mo‑bhughöröröku, na mo‑bhumënyi, na mo‑bhoghumereri, na mo‑bhuhöriicho, na gho nchëra e ghukangatu na Akörö Ahörëëru, na mo‑bhosiighi bho hëënë,

Tiito 1:13

Amangʼana ghayo n‑gha mahëënë. Gho ghayo, ubhe orabhashaangʼi chwee abhaato bhayo, kubha bhaghöötë ameeghi gha bhuhëënë.