2 Abhakorinto 12:21 - Eriiraghano Eriihë

²¹ Neghotiina kubha eriibhagha nekuucha bhowaanyu wiiki, Eryobha reene ndeghuköra nerighi chaasoni ambërë yaanyu. Neekubha na amacheeche korighi abhaato bhaaru ghate yaanyu bhano ꞉bhaaköriri amasari ekeenyuma, bhakeere ghotuukuuna. Bhakeere bhaanyi na atëëmö imbe e bhutaari, no obhoghonchu na amangʼana aghande gha chaasoni ghano ꞉bhaare nagho.

2 Abhakorinto 12:21 ပူးပေါင်းရင်းမြစ်များ

Abharuumi 13:13

Tubhe na atëëmö inchömu kinya abhaato bhano bhamanyiri mo‑bhwero. Totabha abhaato bhano bhaghuköra chanyangi che kehobhaaru no obhurëëbhi. Totaköra obhutaari bho manga ghoghoose ghaare, koru ghuköra amangʼana gha chaasoni. Totabha abharööni, hamu kubha ne eriihari.

Abharuumi 9:2

Mahëënë, eni neenyi no obhororo bhwaru no obhosongo bhuhaari chwee mo‑motema waane,

1 Abhakorinto 5:1

Mahëënë amangʼana ngasanchiri kubha, mboonyi‑ho obhutaari ghate yaanyu, obhutaari bho mooto ghutaara no omukari wi ishe! Obhutaari bhonga bhuyo, bhotaamara korighibhu koru mo‑bhaato bhano bhataryeche Eryobha.

2 Abhakorinto 10:6

Hano mookubha momosookiri inkongʼorimu, itu ntookubha tumariri ghwisëëma ghutëma anchagho amangʼana ghoose ghano ghataanyi gha sooko.

2 Abhakorinto 12:7

꞉Niihaabhuru anyaako mo‑mobhere waane ino enyi kinya eriihö. Anyaako iyo n‑omotomu o Rishambu uno atomuru kubha anyaaki, kubha netighe ghwitiiri ighoro e maaru gha koroghoori ghano Omutëmi Yesu anyëërëkiri.

2 Abhakorinto 13:2

Hano niichiri bhowaanyu mara e kabhere, ꞉neebhabhooriire kubha, hano nekuucha bhowaanyu wiiki, nteekubha ne ebheghongi na abhaato bhano bhaköriri amasari. Ibheere nangabha neenyi kurë, ˆnekabhabhoorera riyo wiiki kubha, nteekubha ne bheghongi ghokoobho na kwo bhande bhoose.

2 Abhakorinto 8:24

Gho ghayo, möbhëërëki abhaato bhayo obhosiighi bhoonyu, kubha amakanisa ghamënyë kubha ntoonyi ne ekebhune ghe kwihacha ighoro yaanyu.

Abhagharatiya 5:19

Mbe, amangʼana ghano ghaghuköru na amiigha amabhe ghano ghaanyi haheero, nigho ghano, obhutaari, no obhoghonchu, na ghuköra amangʼana gha chaasoni,

Abhakorosaayi 3:5

Mbe, mute kurë amangʼana gha mo‑se ino ghano ghaanyi moose yaanyu, kinya obhutaari, no obhoghonchu, no omuraka, na amiihëëbhö amabhe, no oghwighomba ebheghiro. Obhwighombi bhonga hangʼu, n‑kinya ghusëngëra asanaamu taanyi Eryobha.

Abheebhuraaniya 13:4

Obhokwiri mbokwëndëru ghosooku na abhaato bhoose, wiiki omosubhe no omukari bhiikabhaahane no obhutaari gho kubha Eryobha ndekobhatenera ekiina abhaato bhoose bhano bhaghuköra obhutaari.

2 Bheetero 2:18

Mbaghosiikëra amangʼana gha bhwihachi na ghano ghataanyi ne ekebhune, na gho ghutambana amiigha ghaabho amabhe gha mobhere mbahaatëgha abhaato bhano bhakumiri kwo riibhagha ighuhe, na ghutaana na abhaato bhano bhikareriire obhobhiihi.

Yuuta 1:23

Abhande mobhatoori gho kobhasara koru mo‑mororo o ghoteneru ekiina. Amare abhande mobharigheri changori, na mwikabhaahe, na mwisache no obhobhe bhoobho bhoose.

Yuuta 1:7

Wiiki, mohiite ghano ꞉ghaabhabhwine abhaato bha meghya ghe Sotoma na Ghomora, na bha meghya ghe haghuhe. Bhayo ꞉mbaaköriri amangʼana ghaare ghaare kinya bhamarayika bhayo ꞉bhaaköriri. Mbaare bharaköra obhutaari na ghutambana amiigha gha mobhere kinya etaakwëndëru na kebhuno ꞉bhaatëëmuru. Ghoteneru ekiina koobho, nkoore ghosireekereru no omororo na kuyo nkubheere eghetuubhaani ghe nchagho e mororo o miishe ghyose kwo bhaato bhoose.

Obhohunyurëru 21:8

Amare abhatiini, na bhano bhataakorekumi Eryobha, na bhano bhakorikarari Eryobha, na abhiiti, na abhataari, na abhaturutumbi, na abhasëngëri bha misambu, na abharöngö, bhayo bhoose ahaghiro haabho n‑anyancha e mororo muhaari chwee. Na ruyo niro oroko ro kabhere.”

Obhohunyurëru 22:15

Amare abhaturutumbi bhoose, na abhataari, na abhiiti, na bhano bhaghusëngëra emisambu na abhande bhoose bhano bhasiighiri ghosiikëra obhuröngö, mbaakubha anche e moghya uyo kinya chaseese.

Obhohunyurëru 22:20

Iwe uno akoruusi obhwibhateri bhooche ighoro e mangʼana ghano nakobhugha, “Hëënë, ˆnekaacha bhwango.” Hawubhaabha. Nuuche Omutëmi Yesu!