2 Abhakorinto 12:19 - Eriiraghano Eriihë

¹⁹ Ghasi moghwituuri kubha eriibhagha rino ryose, ntoghwitachura ambërë yaanyu. Amare itu ntoghosiikëra ghano ambërë e Ryobha, gho kubha n‑abhatamishi bha Kirisito toonyi. Abhasiighani bhiito, ghano ghoose ntoghuköra gho ghiri e kobhatoori muköngʼëri mo‑bhokumi.

2 Abhakorinto 12:19 ပူးပေါင်းရင်းမြစ်များ

Abharuumi 12:19

Abhasiighani bhaane, motarehani asiire, amare motighere Eryobha rikörë ghayo. Neghosiikëra hangʼu, gho kubha mo‑Mandëkö Amatööbhiyu Omutëmi Waryobha nakobhugha kubha, “Korehani asiire n‑emeremo gheene, eni niwe nekorehani asiire.”

Abharuumi 14:19

Gho ghayo, twiköngʼi eriibhagha ryose ghuköra amangʼana ghano ghakurëëta omurëmbë na ghano ghaghuköngʼi bhaghëndi bhiito mo‑bhokumi.

Abharuumi 15:2

Omooto woose ghate yiito, iköngʼi ghuköra ghano ghakomotegheri omokumi omughëndi waache, kwo mangʼana amachömu, kubha obhokumi bho uno ataamara aköngʼëri bhuköngʼë.

Abharuumi 9:1

Kirisito neeche kubha kino neghosiikëra ibheere, n‑ke mahëënë. Koru omotema waane uno oghukangatu na Akörö Ahörëëru woose nokuhëënëhi kubha, nteeghosiikëra obhobhiihi.

1 Abhakorinto 10:14

Gho ghayo, abhasiighani bhaane, mwikabhaahe motasëngëra chasanaamu!

1 Abhakorinto 10:33

Mubhe kinya bhuno eni neenyi. Neghwiköngʼi ghuchömëri abhaato bhoose kwo mangʼana ghoose ghano neghuköra. Taanyi kubha neghuköra hangʼu, kubha nibhönë obhwëra eni mwene, amare neghuköra hangʼu kubha abhaato bhaaru bhabhönë obhwëra gho kubhöna obhotoori.

1 Abhakorinto 14:26

Ibheere abhahiiri bhaane, tobhughe bhu? Hano mookubha mwikomiine ghusabha, umu nakwemba omwembo, no owonde nakweghi, no owonde naghosiikëra ghano Eryobha remohunyuriire, no owonde naghosiikëra eghighambo ekihë, no owonde naghugharura eghighambo. Amangʼana ghayo ghoose ghaköru gho ghuköngʼi abhakumi.

2 Abhakorinto 10:8

Hamwabhe mokorighi kubha, nekwihacha ghokera ekirëngërë ighoro e bhotoro bhuno Omutëmi atoheere. Amare koru hangʼu, nteekorighi chaasoni, gho kubha obhotoro bhuyo bhotaakobhasari, amare mbokobhaköngʼi mo‑bhokumi.

2 Abhakorinto 11:10

Kinya bhuno obhuhëënë bho Kirisito bhoonyi moose yaane, taanyi‑ho omooto koru umu hayo mo‑mukööwa woose o Akaaya, uno akuuhööchërëra kwihacha ighoro e ngʼana ino.

2 Abhakorinto 11:31

Waryobha, Taata o Mutëmi Yesu, uno akurëngʼaanera ghoghongibhu emiishe ghyose, neeche kubha nteeghosiikëra obhuröngö.

2 Abhakorinto 12:15

Neghuchömëru koruusi ebheghiro bheene na kwiruusi eni mwene kobhatoori inyu. Amare ibheere nekorighibhu kubha, hano nekwëngëra kobhasiigha, niho inyu moghosuuhi obhosiighi bhoonyu ghokoone.

2 Abhakorinto 13:10

ˆNekabhaandëkëra amangʼana ghano eriibhagha nekeere kuucha, kubha hano nekuucha bhowaanyu, netagharighi ghano ghaghotora ghunköra nibhe muhaari ighoro e bhotoro bhuno aheere Omutëmi. Neghosiikëra hangʼu, gho kubha obhotoro bhuno, m‑bho kobhaköngʼi inyu mo‑bhokumi, taanyi bho kobharumeeri.

2 Abhakorinto 2:17

Itu totaanyi kinya abhaato abhaaru bhano bhaghukörëra angʼana e Ryobha obhosorocha kubha bhabhönë obhwëra. Amare kwo bhotoro bho Kirisito, ntokuraghani angʼana e Ryobha mo‑bhughöröröku bhoose ambërë e Ryobha, gho kubha niryo ꞉reetotomiri.

2 Abhakorinto 3:1

Kana, mokwihëëbha kubha ntusëëmiri wiiki ghwikangateereri ghokoonyu? Tiyaanyi, itu totaanyi kinya abhaato abhande bhano bhakobharëëtëra chanyaarubha che ghwitonda ghokoonyu, hamu ghusabha chanyaarubha ghokoonyu che ghwitonda mo‑bhaato abhande.

2 Abhakorinto 7:1

Ibheere, abhasiighani bhaane, Eryobha ndeturaghiri amangʼana ghayo ghoose, gho ghayo twiyeri mo‑ghoose ghano ghaghotuköra kubha abhaghonchu mo‑mebhere na mo‑metema ghiito. Tubhe abhatööbhiyu kwo mangʼana ghoose gho nchëra e koresooka Eryobha.

Abhabhiribhi 4:1

Gho ghayo, abhahiiri bhaane, muköngʼëri kimu kimu gho komwitëngʼëra Omutëmi. Nebhasiighiri na neenyi na amiigha gha korighani na niinyu, bhahiiri bhaane. Inyu niinyu moghughëri nichömëru, wiiki inyu na atuho yaane ino nihaabhuru mo‑meremo ghino ꞉niiköriri.

1 Abhatesaronike 5:11

Ibheere mwighambisani na ghwitoora omukörö, mwëndërërë ghwiköngʼi kinya moghuköra.

Abheebhuraaniya 6:9

Inyu abhasiighani bhaane, nangabha nebhaandëkiire kwo mangʼana mahaari, koru hangʼu eni neenyi no obhuhëënë kubha moghuköra amachömu ghano ghakwërëki kubha motooriibhu.