2 Abhakorinto 12:14 - Eriiraghano Eriihë

¹⁴ Ibheere neghwisëëmi kuucha bhowaanyu mara e ghatato, amare nteekubha omorigho ghokoonyu. Ntesiighiri ebheghiro bheenyu, amare n‑inyu nekwënda. Neghosiikëra ghayo gho kubha abhaana abhasuuhu bhataakwëndëru ghotindëka ebheghiro kubha bhibhe bhe bhiibhori, amare abhiibhori mbakwëndëru ghotindëka ebheghiro kubha bhibhe bhe bhaana.

2 Abhakorinto 12:14 ပူးပေါင်းရင်းမြစ်များ

Amaköri gha Bhatomu 20:33

“Eni ntiighombiri chambiiri che mooto wowoose, koru sahaabhu cheeche, koru amaghööti ghaache.

1 Abhakorinto 10:24

Omooto atatereera ghano ghakomusakeri iwe omwene hangʼu, amare atereere na ghano ghaghusakeri abhaghëndi bhaache.

1 Abhakorinto 10:33

Mubhe kinya bhuno eni neenyi. Neghwiköngʼi ghuchömëri abhaato bhoose kwo mangʼana ghoose ghano neghuköra. Taanyi kubha neghuköra hangʼu, kubha nibhönë obhwëra eni mwene, amare neghuköra hangʼu kubha abhaato bhaaru bhabhönë obhwëra gho kubhöna obhotoori.

1 Abhakorinto 11:34

Aribha omooto anyi na anchëra, araaghërë awaache, kubha ghwikomana koonyu ghotabhaköra moteneru ekiina. Amangʼana aghande ghano ghasaaghiri, neraacha neghoghatoora bhoheene.

1 Abhakorinto 16:5

Nekuucha iyo bhowaanyu, hano neekoru mo‑mukööwa o Maketoniya, gho kubha nekwënda singa nehetere Maketoniya.

1 Abhakorinto 4:19

Amare Omutëmi arasiigha, nekuucha bhowaanyu ghano matiko. Hayo niho nekwirigheri eni mwene, amangʼana ghano bhakobhugha bhayo bhakwihacha, na taanyi ghwisuncha amangʼana ghayo agheene, amare wiiki kumënya koru changuru cheebho che bhokumi.

1 Abhakorinto 9:12

Aribha abhande mbakurëngʼaanera kuhaabhu ebheghiro kinya bhiyo koru ghokoonyu, ibheere itu, totaakurëngʼaanera kuhaabhu ebheghiro bhiyo ghokera ibho? Amare itu tötëëndiri ghano turëngʼaaniire kuhaabhu na niinyu, amare ntoghumeriiri mo‑ghoose, kubha totaacha kobhahööchërëra abhaato ghokumi Angʼana Anchömu ighoro e Kirisito.

1 Abhakorinto 9:18

Ibheere atuho yaane n‑ghento ke? Atuho yaane n‑kuraghani Angʼana Anchömu taanyi korehu, taanyi ghusabha ghano nirëngʼaaniire kuhaabhu gho ghiri e kuraghani angʼana iyo.

1 Abhakorinto 9:19

Eni nteenyi omusësë o mooto wowoose, huuru neenyi. Amare ꞉niitooriri kubha omusësë o bhaato bhoose, kubha nebhatoori abhaato bhaaru bhamokumi Kirisito.

2 Abhakorinto 1:15

Eni neere no obhuhëënë bho mangʼana ghayo, na nikyo neere nërëënda kuucha bhowaanyu hayo ekimbërë, kubha mubhönë orubhango ro ghutaareru na neeni mara kabhere.

2 Abhakorinto 11:9

Eriibhagha neere haghirohamu na niinyu, nteere omorigho kwo mooto wowoose hano neere nerasuuheru, gho kubha abhakumi bhano ꞉bhaaruure Maketoniya mbaheere bhino neere nërëënda. Neere neriichonga netaacha kubha omorigho ghokoonyu koru hasuuhu, wiiki nekwëndërëra ghwichonga.

2 Abhakorinto 12:13

Ghetaanyi‑ho ghyokyose kino ꞉niiköriri kwo makanisa aghande, kino ntaköriri ghokoonyu. Hamwabhe ꞉neebhatasiiri hano ntëëndiri kubha omorigho ghokoonyu. Aribha bhuyo nibho obhobhe bhoone, monyaabhërë!

Abhagharatiya 4:19

Abhaana bhaane, rino n‑eriibhagha erende wiiki ghokoone kooghu obhororo gho ghiri yaanyu, kinya bhuno obhosongo bhohaamure omukari uno anyi inda, eriibhagha re kwibhora. Nekwiyoghu hangʼu hangʼu, mbagha atëëmö e Kirisito erighibhu mo‑tëëmö yaanyu.

Abhabhiribhi 4:1

Gho ghayo, abhahiiri bhaane, muköngʼëri kimu kimu gho komwitëngʼëra Omutëmi. Nebhasiighiri na neenyi na amiigha gha korighani na niinyu, bhahiiri bhaane. Inyu niinyu moghughëri nichömëru, wiiki inyu na atuho yaane ino nihaabhuru mo‑meremo ghino ꞉niiköriri.

Abhabhiribhi 4:17

Nteekobhugha hangʼu gho kubha nekwënda kubhöna ebheghiro koru ghokoonyu, tiyaanyi. Amare nesiighiri nerighi orubhango runo Eryobha rekobhaha kurëngʼaana no obhwero bho chaakörö cheenyu.

1 Abhatesaronike 2:11

Wiiki mweche kubha eriibhagha hano toore bhowaanyu ntoore torabhakörëra bhoose kinya bhuno taata ahabhakörëra abhaana bhaache. Ntoore torabhatoora omukörö na kobhakumeereri,

1 Abhatesaronike 2:8

꞉Ntoobhasiighiri inyu chwee. Niho gho ghiri iyo, ꞉ntuuchömiiru teenyi gho kobhabhoorera Angʼana Anchömu e Ryobha okwene, amare wiiki na kwiruusi ghuköra ghoose ghano gharëngʼaaniire kobhasakeri, gho kubha mahëënë m‑bhasiighani bhiito moonyi.