2 Abhakorinto 11:27 - Eriiraghano Eriihë

²⁷ Niköriri emeremo emiköngʼu na kunyaaka, na mara kaaru nebhoriri chandöörö, na nitëmuru na anchëra na anyööta, mara kaaru ntebhwine ekiinyakurë, na niikeere mo‑nyighita netaanyi na changibho che mbeho.

2 Abhakorinto 11:27 ပူးပေါင်းရင်းမြစ်များ

Mataayo 17:21

Haghirohamu na ghayo, omusambu onga uyo motaaghotora kowuhëëbha, nanyinga gho nchëra e korisabha Eryobha na kwiyima ebhiinyakurë.]”

Amaköri gha Bhatomu 14:23

Bhawuro na Bharinaabha bhakaahura abhagharuka bha mo‑makanisa ghoose. Bhakamara bhakabhatoora mo‑mabhökö gha Mutëmi uno ꞉bhaare bharamokumi gho kobhasabhera na kwiyima ebhiinyakurë.

Amaköri gha Bhatomu 20:31

Gho ghayo, mubhe amiisho! Mubhe morahiita kubha, ꞉niimariri emeeka etato, obhotiko no omwishe nerabhashaangʼi omooto woose, gho changishori.

1 Abhakorinto 7:5

Motiimana, nanyinga aribha mwishereriini ghuköra hangʼu kwo riibhagha ighuhe, kubha mubhönë omweya muchömu o ghusabha kwo Waryobha. Moramara, mugharukerane wiiki, kubha Erishambu retaacha kobhasaki mukörë obhutaari gho kubha motaaghotora ghoghumereri.

2 Abhakorinto 11:23

Ibheere nesiikërë kinya nechuuriri kubha, aribha ibho n‑abhatamishi bha Kirisito, eni n‑omutamishi o Kirisito ghokera ibho. Eni ꞉niiköngʼiri ghuköra emeremo miköngʼu chwee, mara kaaru nibhöhuru mwighërëcha, mara kaaru niröönuru chwee, wiiki neere mo‑bhobhe bho ghoku.

2 Abhakorinto 6:5

Ntutëmuru, na ntubhöhuru mo‑maghërëcha, na ntuchëëruru na amakinda gha bhaato, na ntuköriri emeremo miköngʼu, na ntobhoriri chandöörö ne ebhiinyakurë.

Abhabhiribhi 4:12

Niko kobhugha, eni nyeghiri kumanya kihabhe, wiiki nyeghiri kumanya kyame. Nyeghiri kuhaabha na ghoose ghano nekubhöna, ibhe eriibhagha re gheecha, hamu re mwighoto, eriibhagha re kubha na bhyaru, hamu re ghosuuheru.

1 Abhatesaronike 2:9

Bhahiiri bhiito, mokohiita ghwiköngʼi kwito na kunyaaka kwito, gho kubha ntoore toraköra emeremo obhotiko no omwishe. Ntoore toraköra hangʼu, kubha eriibhagha tokuraghani Angʼana Anchömu e Ryobha totaacha komunyaaki omooto wowoose ghate yaanyu.

2 Abhatesaronike 3:8

koru totaraghiire ebhiinyakurë bhe mooto wowoose bhoowa. Amare ntoore toraköra emeremo gho ghwiköngʼi obhotiko no omwishe, kubha totamunyaaki omooto wowoose ghate yaanyu.

Abheebhuraaniya 11:37

Wiiki abhande ꞉mbiituru gho kobharasa na amabhohe, abhande ꞉mbaanunguru ebheteneka bhibhere ne emesumeeno, na abhande mbaare bhariitu ne ebhinyamiino. Abhande mbaare bhariinaaranaara bhabheekiri amashëërö gha changʼöndu na gha chambërëtë. Wiiki m‑bhahabhe ꞉bhaare, ꞉mbaanyaakibhuru na ghukörëru amabhe maaru.