2 Abhakorinto 11:20 - Eriiraghano Eriihë

²⁰ Moghoghumereri koru omooto uno akobhatoora mo‑bhusësë, na kobhiibhera na kobhahöka ebheghiro bheenyu, wiiki uno akobhataraaha na kobhatëma mo‑bhosho.

2 Abhakorinto 11:20 ပူးပေါင်းရင်းမြစ်များ

Maariko 12:40

Mbakobhahöka abhasino chanyumba cheebho. Wiiki, mbaghwiköri n‑abhaato bhaghöröröku gho ghusabha amasabhi marë ambërë e bhaato. Abhaato bhanga bhayo, Eryobha ndekobhatenera ekiina ghokera abhande.”

Ruuka 6:29

“Omooto araghutaraaha aghutëmë orohe mo‑rusa, omugharurere no orusa oronde. Omooto arakuhöka angibho yaacho, omotighere imoki ne erighööti.

1 Abhakorinto 4:11

Koru eriibhagha ri ibheere, ntoonyi na anchëra na anyööta, wiiki totaanyi na changibho che ghwisha, ntoghutëmu, wiiki totaanyi na ha ghwikara.

2 Abhakorinto 1:24

Kino nekwënda kobhugha n‑kubha, totaakwënda ghukangata obhokumi bhoonyu, gho kubha mumariri ghuköngʼëri mo‑bhokumi. Amare, itu n‑abhatamishi haghirohamu na niinyu, gho ghiri e ghuchömëru koonyu.

2 Abhakorinto 10:5

Ntoghusari amangʼana ghoose gha bhuröngö, na gha kwihacha ghano ghakuhööchërëra abhaato bhatarimënya Eryobha. Wiiki ntoghugharura amiihëëbhö ghoose amabhe, kubha ghamosooke Kirisito.

2 Abhakorinto 11:3

Amare ibheere neghotiina kubha, kinya bhuure Haawa angʼiinuru na anchöka yiire angʼiini, na niinyu motaacha kongʼiinu, motighe komosiigha Kirisito kwo bhughöröröku no obhwero.

2 Abhakorinto 12:16

Moghwishereri kubha nteere omorigho ghokoonyu, amare koru hangʼu abhande ghate yaanyu mbakobhugha kubha, “Bhawuro m‑mongʼiini, natotebhiritebhiri kwo bhuröngö.”

Abhagharatiya 2:4

Angʼana iyo e ghusaaru ꞉neebhooruru na abhaato bhano ꞉bhiiköri kubha m‑bhaghëndi bhiito, amare ꞉mbiisöhiri kwo bhongʼiiningʼiini ghwisuncha obhohuuru bhwito bhuno toonyi nabho gho ghughöötana na Kirisito Yesu. Ekebhune keebho nkeere ghotuköra tubhe abhasësë bha meghiro ghe Musa.

Abhagharatiya 4:25

Haaghiri nakurëngʼaanibhu ne eriiraghano rino Eryobha ꞉riiköriri mo‑gheghoro ghe Sinaayi mo‑se e Araabhiya. Abhaato bha Yerusareemu yi ibheere n‑kinya abhaana bha Haaghiri, n‑abhasësë haase e meghiro ghe Musa, kinya Haaghiri omwene na abhaana bhaache.

Abhagharatiya 4:3

Hangʼu hangʼu na niitu eriibhagha rino Kirisito are akeere kuucha, ntoore kinya abhaana, ntoore abhasësë bha chaakörö chino cheghukangata ase ino.

Abhagharatiya 4:9

Amare ibheere, moryeche Eryobha, na ryose ndebheeche chwee. Ibheere ngwake mokwënda ghugharuka ghusëngëra chaakörö chino cheghukangata ase ino? Chaakörö chiyo chetaanyi no obhotoro hamu ekebhune ghyokyose. Ghasi mokwënda kubha abhasësë bha chaakörö chiyo wiiki?

Abhagharatiya 5:1

Kirisito natotooriri koru mo‑bhusësë kubha tubhe huuru inkongʼorimu. Gho ghayo, mwimeerere muköngʼiiri, motiishereri ghugharuka wiiki mo‑bhusësë bho meghiro.

Abhagharatiya 5:10

Nyeeche kubha inyu mughöötiine no Omutëmi Yesu, gho ghayo, neghwitëngʼëra kubha, motaaghwishereri kongʼiinu. Amare omooto wowoose uno akobhangʼiina, koru nangabha we, nakuröönu.

Abhagharatiya 6:12

Abhaato bhano bhakobhahaamereri inyu musaaru, mbakwënda hangʼu kubha, bhasooku na Abhayahuuti. Mbakwënda bhataacha kunyaakibhu gho ghiri e kuraghani angʼana ighoro e roko ro Kirisito mo‑musarabha.

Abhabhiribhi 3:19

Antenero e bhaato bhayo mbaghosireekerera, gho kubha amiigha ghaabho nigho eryobha reebho. Ibho mbakwihachera amaköri gha chaasoni ghano bhaghuköra. Wiiki mbakwihëëbhëra amangʼana gha mo‑se ino.

1 Abhatesaronike 2:5

Mweche kubha, totaare torabhugha amangʼana kubha motosiighe, koru ghosiikëra amangʼana ghano ghataanyi gha hëënë kubha tubhönë obhwëra. Eryobha n‑eriibhateri riito!