2 Abhakorinto 11:19 - Eriiraghano Eriihë

¹⁹ Inyu mokwirighi kubha moonyi no obhongo, nikyo gheghughëri moraghumereri koru abhaato abharaghaanu gho ghuchömëru.

2 Abhakorinto 11:19 ပူးပေါင်းရင်းမြစ်များ

1 Abhakorinto 10:15

Neghosiikëra na niinyu bhano moonyi no obhongo, moghoochochani inyu bheene ghano neghosiikëra.

1 Abhakorinto 4:10

Abhaato bhaaru mbaghotorighi kubha, itu m‑bharaghaanu toonyi, gho kubha ntokomuhökëri Kirisito, amare inyu mokwirighi kubha moonyi na amangʼiini gho kubha mokomutambana Kirisito. Itu ntokorighibhu kubha, m‑bhatöbhu toonyi, amare inyu mokwirighi kubha moonyi na changuru. Itu ntoghutaraahu, amare inyu mokwirighi kubha, m‑bha ghosooku moonyi.

1 Abhakorinto 8:1

Ibheere ˆneghasiikëra ighoro e mangʼana gha bhiinyakurë bhino bheruusiibhu mo‑chasanaamu. Ntweche kubha, “Itu bhoose ntoonyi no obhumënyi.” Amare obhumënyi mbohaabhaköra abhaato bhiihache. Amare obhosiighi nibho bhokobhaköngʼi abhaato mo‑bhokumi.

Obhohunyurëru 2:2

Nyeeche amaköri ghaanyu, na ghwiköngʼi koonyu no obhoghumereri bhoonyu. Wiiki nyeeche kubha motaaghughöötana na abhaato abhabhe. Mobhisunchiri bhano bhakwibherekera n‑abhatomu ino tiyaanyi, mokobhamënya kubha m‑bharöngö.

Obhohunyurëru 3:17

Mokobhugha kubha, “Itu m‑bhaame toonyi. Ntwiyaamihiri chwee. Ntoonyi na kira gheghiro, totaaghosuuheru koru hasuuhu!” Amare moteeche kubha inyu m‑bhatöbhu moonyi, murëngʼaaniire korigheru changori, na m‑bhahabhe moonyi, na m‑bhahuku moonyi, wiiki n‑kingʼaabhi moonyi.