2 Abhakorinto 11:10 - Eriiraghano Eriihë

¹⁰ Kinya bhuno obhuhëënë bho Kirisito bhoonyi moose yaane, taanyi‑ho omooto koru umu hayo mo‑mukööwa woose o Akaaya, uno akuuhööchërëra kwihacha ighoro e ngʼana ino.

2 Abhakorinto 11:10 ပူးပေါင်းရင်းမြစ်များ

Amaköri gha Bhatomu 18:12

Hano Ghariyo are omukangati o mukööwa o Akaaya, Abhayahuuti bhaaru bhakamusöhërëra Bhawuro. Bhakamurëëta ambërë e ghetumbe ghe ghotenera kiina,

Amaköri gha Bhatomu 18:27

Akamara Abhooro akëënda ghuye mo‑mukööwa o Akaaya. Abhakirisito abhaghëndi bhaache bhakamwisherereri, bhakabhaandëkëra abhaghëndi bhaabho bha iyo anyaarubha kubha bhamughënëhi bhoheene. Hano ahikiri iyo, akabhatoori chwee bhano ꞉bhaare bharamokumi Yesu gho ghareeya e Ryobha.

Abharuumi 1:9

Eryobha rino nekorihökëri kwo mukörö waane woose gho kuraghaneri abhaato Angʼana Anchömu e Moona waache, ndyeche kebhuno nekobhasabhera eriibhagha ryose.

Abharuumi 16:5

Wiiki, mobhakëëri abhakumi bhano bhahaatëmëëranera mo‑nyumba yaabho, haghirohamu no omosiighani waane Ebhayineeto. Iwe niwe o mumbërë komokumi Kirisito mo‑mukööwa o Asiya.

Abharuumi 9:1

Kirisito neeche kubha kino neghosiikëra ibheere, n‑ke mahëënë. Koru omotema waane uno oghukangatu na Akörö Ahörëëru woose nokuhëënëhi kubha, nteeghosiikëra obhobhiihi.

1 Abhakorinto 16:15

Abhahiiri bhaane, mweche kubha Siteebhana haghirohamu na abhaato bha mo‑ka yaache, nibho ꞉bhaare a bhambërë komokumi Yesu Kirisito mo‑mukööwa o Akaaya, nabho mbiiruusiri kobhatoori abhakumi. Mbe, nekobhasasaama,

2 Abhakorinto 1:1

Anyaarubha ino neyandëkiri eni Bhawuro, omotomu o Kirisito Yesu kwo mënda gha Ryobha. Eni haghirohamu na Timotewo, mohiiri wiito mo‑bhokumi, ntokobhaandëkëra inyu bhano moonyi mo‑riikanisa re Ryobha re mo‑moghya o Korinto. Ntokobhaandëkëra inyu haghirohamu na abhaato bhoose bha Ryobha bhano bhaanyi mo‑mukööwa o Akaaya.

2 Abhakorinto 1:23

Ghano neghosiikëra n‑gha mahëënë, koru Eryobha ndyeche! Ntigharokiri bhowaanyu iyo Korinto, gho kubha ntyëndiri kunyahaara emetema gheenyu.

2 Abhakorinto 10:15

Wiiki totaakwihachera emeremo ghe bhaato abhande ghino totahaabhuru. Amare ntoghwitëngʼëra kubha, kinya bhuno obhokumi bhoonyu bhokwëndërëra kwiyëngëra chwee, nibhu emeremo ghiito ghateghate yaanyu gheekubha gheriyëngëra.

2 Abhakorinto 11:12

Nekwëndërëra ghuköra emeremo kinya bhuno neghuköra ibheere, kubha bhano bhakwirighi kubha nibho abhatomu abhakoro, bhatabhöna omweya o kwihacha kubha mbaghuköra emeremo kinya itu.

2 Abhakorinto 11:31

Waryobha, Taata o Mutëmi Yesu, uno akurëngʼaanera ghoghongibhu emiishe ghyose, neeche kubha nteeghosiikëra obhuröngö.

2 Abhakorinto 12:19

Ghasi moghwituuri kubha eriibhagha rino ryose, ntoghwitachura ambërë yaanyu. Amare itu ntoghosiikëra ghano ambërë e Ryobha, gho kubha n‑abhatamishi bha Kirisito toonyi. Abhasiighani bhiito, ghano ghoose ntoghuköra gho ghiri e kobhatoori muköngʼëri mo‑bhokumi.

2 Abhakorinto 9:2

gho kubha nyeeche omukörö waanyu o kobhatoori abhande. Wiiki, eni nekwihacha ighoro yaanyu kwo bhaato bha Maketoniya, neghosiikëra kubha, inyu abhaato bha riikanisa re mo‑mukööwa o Akaaya ꞉mwisëëmiri koruusi korwera omooka uno ohetiri. Ghwiköngʼi koonyu kuyo, ngughëriri abhaato bhaaru ghate yaabho kubha no omukörö o koruusi.

Abhagharatiya 1:20

Eryobha ndyeche kubha amangʼana ghano nekobhaandëkëra n‑gha hëënë, taanyi gha bhuröngö!

Abhagharatiya 2:20

Eriimanya reene riire re kare ndekuure haghirohamu na Kirisito mo‑musarabha. Ibheere muhöru neenyi, amare taanyi eni, gho kubha Kirisito niwe anyi omuhöru moose yaane. Obhuhöru bhuno neenyi nabho eriibhagha rino, nebhughöötë gho ghiri e ghokumi Omoona o Ryobha. Iwe nansiighiri na akaruusi obhuhöru bhooche ghokoone kubha antoori.

1 Abhatesaronike 2:10

Inyu n‑abhiibhateri bhiito ne Eryobha ryose, kubha atëëmö yiito ghokoonyu bhano momokumiri Yesu, neere inchömu wiiki e mahëënë etaanyi ni isörö.

1 Abhatesaronike 2:5

Mweche kubha, totaare torabhugha amangʼana kubha motosiighe, koru ghosiikëra amangʼana ghano ghataanyi gha hëënë kubha tubhönë obhwëra. Eryobha n‑eriibhateri riito!

1 Timotewo 2:7

Gho ghayo, eni netooruru kubha omotomu no omuraghani o Ngʼana Anchömu e hëënë e Yesu Kirisito mo‑bhaato bha matöngö, nebhahirere amangʼana ghayo na nebheeghi ighoro e ngʼana ino e bhokumi ne e bhuhëënë. Amangʼana ghano neghosiikëra n‑gha hëënë, nteekobhangʼiina.