2 Abhakorinto 11:1 - Eriiraghano Eriihë

¹ Koru nangabha neghosiikëra ke muraghaanu hasuuhu, neghusabha muntëghëërërë. Hee, muntëghëërërë!

2 Abhakorinto 11:1 ပူးပေါင်းရင်းမြစ်များ

Mataayo 17:17

Yesu akabhagharokeri akabhugha, “Inyu orwibhoro runo rotaaghokumi, runo rorumeeriri! Neghwikara na niinyu na kobhaghumereri mbagha nyingake? Momurëëtë hano omoona uyo!”

Amaköri gha Bhatomu 18:14

Hano Bhawuro ëndiri ghosiikëra, Ghariyo akabhabhoorera Abhayahuuti bhayo akabhugha, “Inyu Abhayahuuti aribha mongamusëmiri omooto uno kwo riisari, hamu kwo bhobhe, niho nengabhatëghëëriire.

Amaköri gha Bhatomu 26:29

Mbe, Bhawuro akamugharokeri akabhugha, “Nengabha kwo mangʼana masuuhu, hande maaru, neghusabha Eryobha ighoro yaacho, n‑ighoro e bhaato bhoose bhano bhaghuntëghëërëra reero, kubha mubhe kinya eni neenyi, amare etabha mo‑minyörörö ghino.”

1 Abhakorinto 1:21

Neghosiikëra hangʼu, gho kubha, Eryobha kwo mangʼiini ghaache, ꞉ndiihatëkiri kubha abhaato bhataaghotora korimënya gho nchëra e mangʼiini ghaabho abheene. Amare Eryobha ndesiighiri kobhatoori bhano bhakorekumi gho nchëra e ngʼana ino tokuraghani. Angʼana iyo, abhaato bhano bhataryeche Eryobha, mbakoyerighi kubha n‑e ghighëëghë.

1 Abhakorinto 3:18

Omooto wowoose ghate yaanyu atingʼiina kubha naanyi na amangʼiini. Aribha omooto akwirighi kubha naanyi na amangʼiini mo‑se ino, ngʼoni abhe muraghaanu kubha abhönë amangʼiini gha hëënë.

1 Abhakorinto 4:10

Abhaato bhaaru mbaghotorighi kubha, itu m‑bharaghaanu toonyi, gho kubha ntokomuhökëri Kirisito, amare inyu mokwirighi kubha moonyi na amangʼiini gho kubha mokomutambana Kirisito. Itu ntokorighibhu kubha, m‑bhatöbhu toonyi, amare inyu mokwirighi kubha moonyi na changuru. Itu ntoghutaraahu, amare inyu mokwirighi kubha, m‑bha ghosooku moonyi.

1 Abhakorinto 4:8

Ibheere mokwirighi mumariri kubhöna ebheghiro bhyose bhino mokwënda! Mumariri kwamiha! Mubheere abhatëmi, nangabha itu totaanyi abhatëmi! Ngʼoni aribha mongabheere abhatëmi bha hëënë, kubha itu tukangate haghirohamu na niinyu!

2 Abhakorinto 11:19

Inyu mokwirighi kubha moonyi no obhongo, nikyo gheghughëri moraghumereri koru abhaato abharaghaanu gho ghuchömëru.

2 Abhakorinto 11:21

Itu totabhaköriire amangʼana ghayo, gho kubha itu m‑bhahörëëru toonyi chwee. Kwo riyo totaakorighi chaasoni! Ibheere neghosiikëra kinya muraghaanu kubha, aribha anyi‑ho omooto uno akurëngʼaanera kwihacha ighoro e ghyokyose, na neeni nirëngʼaaniire kwihachera kiyo kiyo.

2 Abhakorinto 11:4

Neghosiikëra hangʼu gho kubha inyu m‑bhango moonyi ghosongʼaana omooto uno akuucha kuraghani amangʼana ighoro e Yesu ghano ghaanyi mahaghare na ghaare itu tobharaghaniiri. Wiiki, moghosongʼaana akörö na angʼana ayende kwo bhwango, ino motaasongʼaaniri koru ghokwito.

2 Abhakorinto 12:11

Mbe, nesiikiire kinya omuraghaanu, amare niinyu mughëriri nesiikërë hangʼu. Inyu moore mörëëndëru ghuntöghösi, gho kubha nangabha nekorighibhu kubha nteekurëngʼaanera, eni taanyi omotomu omosuuhu ghokera bhano bhakwirighi kubha, nibho abhatomu abhakoro.

2 Abhakorinto 5:13

Inyu mokorighi hande abhe m‑bhachuuru toonyi. Aribha hëënë hangʼu toonyi, mbe, n‑gho ghiri e Ryobha, amare aribha tokorighibhu kubha ntoonyi no obhongo, hayo hangʼu toonyi gho ghiri yaanyu.

Abheebhuraaniya 5:2

Iwe naghotora kobharigheri changori abhaghëndi bhaache bhano bhateeche na bhano bhakobhora gho ghuköra amasari gho kubha woose n‑omuköri o masari.