2 Abhakorinto 10:8 - Eriiraghano Eriihë

⁸ Hamwabhe mokorighi kubha, nekwihacha ghokera ekirëngërë ighoro e bhotoro bhuno Omutëmi atoheere. Amare koru hangʼu, nteekorighi chaasoni, gho kubha obhotoro bhuyo bhotaakobhasari, amare mbokobhaköngʼi mo‑bhokumi.

2 Abhakorinto 10:8 ပူးပေါင်းရင်းမြစ်များ

2 Abhakorinto 1:24

Kino nekwënda kobhugha n‑kubha, totaakwënda ghukangata obhokumi bhoonyu, gho kubha mumariri ghuköngʼëri mo‑bhokumi. Amare, itu n‑abhatamishi haghirohamu na niinyu, gho ghiri e ghuchömëru koonyu.

2 Abhakorinto 10:4

Ebhiröönërö bhino tokuröönëra eriihë riyo bhetaanyi bhe mo‑se, amare mbeenyi na changuru chino cheekoru kwo Waryobha, na ncheghusari charwakyo choose che mobhisa.

2 Abhakorinto 10:9

Nteekwënda mwituuri kubha nekwënda kobhatiini mo‑chanyaarubha chino nekobhaandëkëra.

2 Abhakorinto 12:19

Ghasi moghwituuri kubha eriibhagha rino ryose, ntoghwitachura ambërë yaanyu. Amare itu ntoghosiikëra ghano ambërë e Ryobha, gho kubha n‑abhatamishi bha Kirisito toonyi. Abhasiighani bhiito, ghano ghoose ntoghuköra gho ghiri e kobhatoori muköngʼëri mo‑bhokumi.

2 Abhakorinto 12:6

Koru nengabheere nërëënda kwihacha, ntengabheere muraghaanu, gho kubha nengabheere nerasiikëra gha mahëënë. Amare nekwihööchërëra kwihacha, kubha omooto wowoose ataacha kondighi kubha, nirëngʼaaniire ghokera bhuno bhakondighi na kooghu koru ghokoone.

2 Abhakorinto 13:10

ˆNekabhaandëkëra amangʼana ghano eriibhagha nekeere kuucha, kubha hano nekuucha bhowaanyu, netagharighi ghano ghaghotora ghunköra nibhe muhaari ighoro e bhotoro bhuno aheere Omutëmi. Neghosiikëra hangʼu, gho kubha obhotoro bhuno, m‑bho kobhaköngʼi inyu mo‑bhokumi, taanyi bho kobharumeeri.

2 Abhakorinto 13:8

Neghosiikëra hangʼu, gho kubha totaanyi na changuru che kuhööchërëra obhuhëënë, amare ntoonyi na changuru che kobhuhökëri obhuhëënë okwene.

2 Abhakorinto 7:14

Eni ꞉neebhaghongiri chwee ambërë yaache, na niinyu motanköriire chaasoni. Ghoose ghano toore torabhabhoorera ngaare gha hëënë. Hangʼu hangʼu, na ghano ꞉toobhaghongiiri inyu gho Tiito, ghoose ꞉ngaarighiibhu kubha n‑gha mahëënë.

2 Abhakorinto 7:4

Neenyi no obhosubhesubhe chwee hano neghosiikëra na niinyu, wiiki nekwihacha chwee gho ghiri yaanyu. Mungambisiini chwee na muköriri nibhe na ghuchömëru kwaru, nangabha tokunyaaka mo‑maaru.

Abhagharatiya 1:1

Anyaarubha ino neyandëkiri eni Bhawuro. Eni ntetomuru na abhaato hamu kuhatëku no omooto nyarebhe, amare ꞉neetomuru na Yesu Kirisito na Taata Waryobha uno amoryokiri Yesu koru mo‑bhaku.

2 Timotewo 1:12

Kiyo nikyo gheghughëri nerabhöna anyaako ino. Amare nteekorighi chaasoni, gho kubha nemweche uno neghokumi. Wiiki neenyi no obhuhëënë kubha, iwe naanyi no obhotoro bho ghochonga bhoheene angʼana e bhuhëënë ino aheere mbagha orosiko ruure ro ghugharuka kooche.