2 Abhakorinto 10:7 - Eriiraghano Eriihë

⁷ Mumööhërëri amangʼana ghano ghaanyi ambërë e miisho ghaanyu. Omooto wowoose uno akwirighi kubha iwe n‑o Kirisito, amënyë kubha itu bhoose n‑abhaato bha Kirisito toonyi, kinya iwe.

2 Abhakorinto 10:7 ပူးပေါင်းရင်းမြစ်များ

Mataayo 23:5

Ibho mbahaaköra ghoose ghayo kubha bhiyëërëkani mo‑bhaato. Mbahaabha bharabheeka mo‑bhesho na mo‑mabhökö ebheteneka bhekoro bhe mashëërö bhino bhyandëkiri emeghiro na kwëngërëerëri mo‑chambasani che changibho cheebho che masabhi chibhe indë ghokera abhande.

Ruuka 16:15

Yesu akabhabhoorera akabhugha, “Inyu, moghwiköri moonyi no obhuhëënë ambërë e bhaato. Eryobha ndyeche amangʼana ghano ghaanyi mo‑metema gheenyu. Wiiki amangʼana ghano abhaato bhasiighiri, ngahaabha amabhe ambërë e Ryobha!

Yohana 7:24

Motamotenera ekiina omooto gho ghano ghakorighibhu anche, amare momotenere ekiina omooto kwo bhuhëënë.”

1 Abhakorinto 1:12

Ibheere, ghano nekwënda ghosiikëra nigho ghano, kubha, omooto woose ghate yaanyu naghosiikëra ghaghaache, umu nakobhugha kubha, “Eni n‑o Bhawuro.” Owonde nakobhugha kubha, “Eni n‑o Abhooro.” Owonde nakobhugha kubha, “Eni n‑o Keebha.” Owonde nakobhugha kubha, “Eni n‑o Kirisito.”

1 Abhakorinto 14:37

Aribha omooto akwirighi kubha naanyi ne ekihaano ghe koruusi obhurööti, hamu kubha naanyi ne ekihaano ekende ghe Körö Ahörëëru, amënyë kubha, ghano ˆnekabhaandëkëra, n‑amaraghereri koru kwo Mutëmi.

1 Abhakorinto 15:23

Amare omooto woose nakoryokibhu kwo riibhagha reeche, Kirisito niwe o mumbërë koryoka, na bharamara mbakoryokibhu abhaato bhaache, eriibhagha rino akuucha.

1 Abhakorinto 3:23

Amare inyu, m‑bha Kirisito, nawe Kirisito n‑o Ryobha.

1 Abhakorinto 9:1

Ibheere, eni nteenyi huuru? Eni taanyi omotomu? Eni ntemorooche Omutëmi wiito Yesu? Wiiki emeremo ghino eni ꞉niiköriri taanyi nighyo ghebhaköriri inyu momokumi Omutëmi?

2 Abhakorinto 10:1

Mbe, abhande mbakobhugha kubha, eni Bhawuro m‑muhörëëru neenyi hano neekubha haghirohamu na niinyu, na kubha muhaari neenyi hano neekubha kurë na niinyu. Amare eni ˆnekabhasasaama kwo bhunyööhu na kwo bhuhörëëru bho Kirisito.

2 Abhakorinto 11:18

Bhaaru mbakwihacha gho ghiri e mangʼana ghano bhaköriri, mbe, na neeni tigha niihache.

2 Abhakorinto 11:23

Ibheere nesiikërë kinya nechuuriri kubha, aribha ibho n‑abhatamishi bha Kirisito, eni n‑omutamishi o Kirisito ghokera ibho. Eni ꞉niiköngʼiri ghuköra emeremo miköngʼu chwee, mara kaaru nibhöhuru mwighërëcha, mara kaaru niröönuru chwee, wiiki neere mo‑bhobhe bho ghoku.

2 Abhakorinto 11:4

Neghosiikëra hangʼu gho kubha inyu m‑bhango moonyi ghosongʼaana omooto uno akuucha kuraghani amangʼana ighoro e Yesu ghano ghaanyi mahaghare na ghaare itu tobharaghaniiri. Wiiki, moghosongʼaana akörö na angʼana ayende kwo bhwango, ino motaasongʼaaniri koru ghokwito.

2 Abhakorinto 12:11

Mbe, nesiikiire kinya omuraghaanu, amare niinyu mughëriri nesiikërë hangʼu. Inyu moore mörëëndëru ghuntöghösi, gho kubha nangabha nekorighibhu kubha nteekurëngʼaanera, eni taanyi omotomu omosuuhu ghokera bhano bhakwirighi kubha, nibho abhatomu abhakoro.

2 Abhakorinto 13:3

Neghuköra hangʼu, gho kubha mokwënda ekyërëkërëri ghe kumënya kubha Kirisito naghosiikëra kohetera ghokoone. Kirisito uyo taanyi mutöbhu, amare naghuköra emeremo ghateghate yaanyu gho changuru.

2 Abhakorinto 5:12

Totaakwënda ghwikangateereri wiiki ghokoonyu, amare ntokwënda kobhaha omweya o kwihacha gho ghiri yiito. Gho nchëra iyo, mookubha na amangʼana gha kobhagharokeri bhano bhakwihachera amangʼana ghano ghakorighibhu na abhaato, ghokera ghotereera amangʼana ghano ghaanyi mo‑metema gheebho.

Abhagharatiya 3:29

Erabha inyu na abhaato bha Kirisito moonyi, mbe, m‑bha rwibhoro ro Abhurahamu moonyi, na mokubhöna aghabho ino Eryobha ꞉riiraghiri.

1 Yohana 4:6

Amare itu n‑abhaato bha Ryobha toonyi. Wowoose uno aryeche Eryobha, naghotutëghëërëra, amare uno ataanyi o Ryobha, taaghotutëghëërëra. Hangʼu niho tokumënya obhwahukani bho bhaato bhano bhaghukangatu na Akörö e hëënë, na bhano bhaghukangatu na akörö e bhuröngö.