2 Abhakorinto 10:4 - Eriiraghano Eriihë

⁴ Ebhiröönërö bhino tokuröönëra eriihë riyo bhetaanyi bhe mo‑se, amare mbeenyi na changuru chino cheekoru kwo Waryobha, na ncheghusari charwakyo choose che mobhisa.

2 Abhakorinto 10:4 ပူးပေါင်းရင်းမြစ်များ

Amaköri gha Bhatomu 7:22

Musa uyo bhakamweghi amangʼiini ghoose gha Bhamiisiri, akabha mosubhesubhe gho ghosiikëra, na mo‑maköri ghaache.

Abharuumi 13:12

Ibheere, obhotiko ˆbhokiihereekerera na amake ˆghaghatingʼi. Gho ghayo, totighe amaköri amabhe ghano ghahaaköru mo‑kengʼuuri, na tughöötë ebhiröönërö bhe bhwero.

Abharuumi 6:13

Motiishereri ebhyemo bhyobhyose bhe mebhere gheenyu bhihökëru gho ghiri e masari kinya ebheghiro ebhebhe, amare mwiruusi kwo Waryobha. Mwirighi kubha moonyi abhaato bhano bharyokiibhu koru mo‑bhaku, na ghusöhibhu mo‑bhuhöru obhuhë. Mwiruusi kwo Waryobha, ne ebhyemo bhyose bhe emebhere gheenyu bhibhe bherarikörëra emeremo kinya ebheghiro ebhihëënë.

1 Abhakorinto 2:5

꞉Niiköriri hangʼu, kubha obhokumi bhoonyu bhotiitëngʼëra amangʼiini gha bhaato, amare bhwitëngʼërë changuru che Ryobha.

1 Abhakorinto 9:7

N‑omoshirikare ke uno aghuye mwihë gho kwirehera omwene? N‑omoremi ke uno akwemi emisabhiibhu mo‑moghondo waache, uno ataakurë amakorobhese ghaache? Wiiki n‑omoriishi ke uno ataakunyo amabhëërë gha chaatugho cheeche?

2 Abhakorinto 10:8

Hamwabhe mokorighi kubha, nekwihacha ghokera ekirëngërë ighoro e bhotoro bhuno Omutëmi atoheere. Amare koru hangʼu, nteekorighi chaasoni, gho kubha obhotoro bhuyo bhotaakobhasari, amare mbokobhaköngʼi mo‑bhokumi.

2 Abhakorinto 13:10

ˆNekabhaandëkëra amangʼana ghano eriibhagha nekeere kuucha, kubha hano nekuucha bhowaanyu, netagharighi ghano ghaghotora ghunköra nibhe muhaari ighoro e bhotoro bhuno aheere Omutëmi. Neghosiikëra hangʼu, gho kubha obhotoro bhuno, m‑bho kobhaköngʼi inyu mo‑bhokumi, taanyi bho kobharumeeri.

2 Abhakorinto 3:5

Taanyi kubha ntokwihëëbha ntoghotora ghuköra ghyokyose kwo bhotoro bhwito itu bheene, amare obhotoro bhwito mbookoru kwo Waryobha.

2 Abhakorinto 4:7

Itu ntuhaabhuru obhwero bhuyo, nangabha toonyi kinya ebheghiro bhino bhebhomburu koru mwiröbhë. Ibheere imënyu kubha, changuru chaaru che koroghoori chino cheghuköra emeremo ghiyo chetaanyi chechiito, nchekoru kwo Waryobha.

2 Abhakorinto 6:7

wiiki gho nchëra e kuraghani amangʼana gha mahëënë. Ntohaaköra ghayo ghoose gho changuru che Ryobha. Obhuhëënë nibho ebhiröönërö bhiito, eribhaara re kwiro na re kumosi.

1 Abhatesaronike 5:8

Amare itu, gho kubha ntoonyi abhaato bha mwishe, tubhe ne ekirëngërë. Tubhe no obhokumi no obhosiighi, bhiyo mbeekubha kinya angubha mo‑ghekubha. Wiiki toriitëngʼërë Eryobha ghototoori, niho tookubha kinya tobheekiri eriihima re kyoma a‑mutu.

1 Timotewo 1:18

Omoona waane Timotewo, ˆneghakuha amëërëkërëri ghayo, kurëngʼaana na amangʼana gha bharööti ghano ꞉ghaasiikiiru ighoro yaacho. Amangʼana ghayo ngaghoghotoori kurööna eriihë ichömu re meremo ghe Ryobha.

2 Timotewo 2:3

Oghumereri mo‑nyaako haghirohamu na neeni, kinya omoshirikare omuhöriicho o Kirisito Yesu.

Abheebhuraaniya 11:30

Obhokumi ꞉mbuuköriri Abhiisiraeri bhakiinaara eribhendo ikoro re moghya o Yeriko gho chaasiko mohungate, reeghagho.