2 Abhakorinto 10:14 - Eriiraghano Eriihë

¹⁴ Totaakwihacha koheta ekirëngërë ke meremo ghiito kinya bhuno tongaköriri aribha totangahikiri bhowaanyu. Amare n‑itu toore a bhambërë kobharëëtëra Angʼana Anchömu ighoro e Kirisito.

2 Abhakorinto 10:14 ပူးပေါင်းရင်းမြစ်များ

Maariko 1:1

Ino niyo simoka e Ngʼana Anchömu e Yesu Kirisito, Omoona o Ryobha.

Amaköri gha Bhatomu 20:24

Koru neraku, taanyi gheghiro ghokoone. Kino nekwënda nehikeerani omoremo uno Omutëmi Yesu aheere nikörë. Omoremo uyo, n‑kuraghaneri abhaato Angʼana Anchömu e ghareeya e Ryobha.

Abharuumi 1:16

Eni nteekorighi chaasoni kuraghani Angʼana Anchömu iyo, gho kubha nibho obhotoro bho Ryobha bhuno bhoghotoori abhaato bhoose bhano bhakomokumi Yesu, korwera mo‑Bhayahuuti mbagha mo‑bhaato bha matöngö.

Abharuumi 16:25

Ibheere, ntokoreghongi Eryobha! Iryo ndeghotora kobhaköra mubhe moriiköngʼi mo‑bhokumi bhoonyu, kohetera mo‑Ngʼana Anchömu ighoro e Yesu Kirisito ino neere neraraghani ghokoonyu. Angʼana iyo neere ebhisuru korwera kare, amare ibheere, nehunyuuru,

Abharuumi 2:16

Hangʼu nibhu ekubha orosiko ro ghoteneru ekiina. Eryobha ndekobhatenera ekiina abhaato kohetera Kirisito Yesu, koru kwo mangʼana ghaabho gha kebhisere, kinya ekobhugha Angʼana Anchömu ino nebharaghaniiri.

1 Abhakorinto 2:10

Amare itu, Eryobha ndetwërëkiri ghayo gho kohetera Akörö Ahörëëru, gho kubha Akörö Ahörëëru nehiisuncha ghoose, koru obhorwachi bho Ryobha bhuno bhobhisuru.

1 Abhakorinto 3:10

Gho ghareeya ino Eryobha reheere, eni nyabhëkiri obhoroso kinya omwabhëki omukaari na uno anyi na amangʼiini, no omooto owonde nakwabhëka ighoro e bhoroso bhuyo. Amare ibheere, omooto woose amööhërëri bhoheene, kebhuno akwabhëka ighoro e bhoroso bhuyo,

1 Abhakorinto 4:15

Koru nangabha moonyi na abhaato bhaaru bhano bhakobharëra mo‑riimanya reenyu re Ghekirisito, iso n‑umu. Eni neeni iso gho Kirisito Yesu, gho kubha n‑eni ꞉neebharaghaniiri Angʼana Anchömu.

2 Abhakorinto 2:12

Ibheere, hano nehikiri mo‑moghya o Torowa kuraghani Angʼana Anchömu ighoro e Kirisito, nekabhöna Omutëmi amariri ghunkörëra anchëra e ghuköra emeremo gheeche hayo.

2 Abhakorinto 4:4

Angʼana Anchömu timënyuru mo‑bhaato bhano gho kubha, Erishambu rino reenyi omutëmi o se ino, ndehunyiri obhongo bho bhano bhataakomokumi Yesu. ꞉Ndiiköriri hangʼu kubha bhakindu korighi obhwero bho Angʼana Anchömu e bhokumi obhokoro bho Kirisito, uno anyi eghetuubhaani ke Ryobha.

Abhakorosaayi 1:5

Obhokumi no obhosiighi bhoonyu, mbookoru mo‑riitëngʼërö reenyu kubha moghosongʼaana orubhango runo Eryobha retotooriire Mwishaaro. ꞉Mooghwire amangʼana gha riitëngʼërö riyo ekimbërë eriibhagha ꞉muuraghaniiru angʼana e hëënë e Ngʼana Anchömu.

1 Timotewo 1:11

Ameeghi ghayo gha hëënë ngahaabhönëka mo‑Ngʼana Anchömu, ino ekwërëki obhokumi obhokoro bho Ryobha rino reghoghongibhu. Angʼana iyo niyo ꞉niihaabhuru ne Eryobha neyiraghani.