2 Abhakorinto 1:10 - Eriiraghano Eriihë

¹⁰ Eryobha niryo ꞉reetotooriri eriibhagha toore mo‑tabhaaribhaari e roko, wiiki ndekwëndërëra ghototoori. Itu ntokoriitëngʼëra iryo kubha ndeekubha reraköra hangʼu eriibhagha ryose,

2 Abhakorinto 1:10 ပူးပေါင်းရင်းမြစ်များ

Amaköri gha Bhatomu 26:21

Ghayo nigho ꞉ghaaghëriri Abhayahuuti bhaghangööta hano bhambwine Mwisëngërö, bhaghakiibhi koonyita.

Abharuumi 15:31

Munsabhere kubha, abhaato bha mukööwa o Yuteya bhano bhakwanga komokumi Yesu Kirisito, bhataacha ghunkörëra amabhe. Wiiki munsabhere kubha abhakumi bha iyo Yerusareemu, bhiishereri ghosongʼaana obhotoorereri bhuno nekobhahirera koru kwo bhaato bha matöngö.

2 Abhakorinto 1:9

Kwo bhuhëënë ꞉ntwiyoghwire kinya ntoore toteniiru ekiina ghe ghwitu. Ghayo ꞉ngaarweriire, kubha totighe ghwitëngʼëra changuru chiito, amare toriitëngʼërë Eryobha, rino rekoryoki abhaku.

2 Abhakorinto 6:9

Ntokorighibhu ke bhano totamënyëkiine, amare mbatweche bhoheene. Ntokorighibhu ke bhano tokuure, amare m‑bhahöru toonyi! Nturöönuru chwee, amare totakuure.

1 Timotewo 4:10

Riyo niryo reghughëri toriiköngʼi ghuköra emeremo gho ghwiköngʼi, gho kubha ntokoriitëngʼëra Eryobha rino reenyi ihöru. Iryo niryo Omotoori o bhaato bhoose, ahanene kwo bhano bhaghokumi.

2 Timotewo 4:17

Amare Omutëmi Yesu naare haghirohamu na neeni. ꞉Naaheere changuru che kuraghani Angʼana Anchömu kwo bhohikeeranu, kubha abhaato bhoose bha matöngö bhayooghu. ꞉Naantooriri mo‑tabhaaribhaari e roko, gho kubha neere kinya uno anyi mo‑monu o ka.

2 Bheetero 2:9

Gho ghayo, Omutëmi Waryobha neeche kinya akobhatoori mo‑masaki abhaato bhano bhakomosooka. Wiiki neeche kebhuno akobharööna abhaköri bha masari mo‑rosiko ruure ro kobhatenera ekiina,