2 Abhakorinto 1:1 - Eriiraghano Eriihë

¹ Anyaarubha ino neyandëkiri eni Bhawuro, omotomu o Kirisito Yesu kwo mënda gha Ryobha. Eni haghirohamu na Timotewo, mohiiri wiito mo‑bhokumi, ntokobhaandëkëra inyu bhano moonyi mo‑riikanisa re Ryobha re mo‑moghya o Korinto. Ntokobhaandëkëra inyu haghirohamu na abhaato bhoose bha Ryobha bhano bhaanyi mo‑mukööwa o Akaaya.

2 Abhakorinto 1:1 ပူးပေါင်းရင်းမြစ်များ

Amaköri gha Bhatomu 16:1

Bhawuro aghaye mo‑meghya ghe Teeribhe na Risitura. Iyo Risitura naare‑ho omoonamwegha umu o Yesu, eriina reeche Timotewo. Nyina Muyahuuti are, woose naare amokumiri Yesu, amare ishe m‑Moyunaani are.

Abharuumi 15:26

Abhakumi bhano bhaanyi Maketoniya na Akaaya, mbarooche n‑ghuchömu koruusi omusörörö, bhabhatoori abhahabhe mo‑bhakumi bhano bhaanyi iyo Yerusareemu.

Abharuumi 16:21

Timotewo, omutamishi omughëndi waane, nakobhakëëri. Wiiki, Abhayahuuti abhaghëndi bhaane, Rukiyo, na Yasooni na Sosibhaatiro, mbakobhakëëri.

Abharuumi 16:5

Wiiki, mobhakëëri abhakumi bhano bhahaatëmëëranera mo‑nyumba yaabho, haghirohamu no omosiighani waane Ebhayineeto. Iwe niwe o mumbërë komokumi Kirisito mo‑mukööwa o Asiya.

1 Abhakorinto 10:32

Motanaaha omooto wowoose, bhabhe Abhayahuuti, hande abhaato bha matöngö, hamu eriikanisa re Ryobha.

1 Abhakorinto 16:10

Timotewo araacha bhowaanyu, momughënëhi bhoheene, kubha ikare ataanyi na ahaho, gho kubha iwe naghuköra emeremo ghe Mutëmi kinya eni.

1 Abhakorinto 16:15

Abhahiiri bhaane, mweche kubha Siteebhana haghirohamu na abhaato bha mo‑ka yaache, nibho ꞉bhaare a bhambërë komokumi Yesu Kirisito mo‑mukööwa o Akaaya, nabho mbiiruusiri kobhatoori abhakumi. Mbe, nekobhasasaama,

1 Abhakorinto 16:24

Nebhasiighiri inyu bhoose, gho ghughöötana na Kirisito Yesu.

1 Abhakorinto 6:11

Abhande ghate yaanyu hangʼu moore. Amare ibheere, gho kohetera kwo Mutëmi wiito Yesu Kirisito, na gho changuru che Körö e Ryobha, obhobhe bhoonyu mbweghuru, mbomusuru, na kubhareru obhuhëënë ambërë e Ryobha.

2 Abhakorinto 1:19

Neghosiikëra hangʼu, gho kubha Kirisito Yesu, Omoona o Ryobha, uno eni, na Sirwano, na Timotewo ꞉toomuraghiini ghokoonyu, taare omooto o kobhugha, “Hee,” eriibhagha erimu, ne erende abhughe, “Tiyaanyi.” Amare ghokooche eriibhagha ryose n‑kobhugha, “Hee.”

2 Abhakorinto 1:23

Ghano neghosiikëra n‑gha mahëënë, koru Eryobha ndyeche! Ntigharokiri bhowaanyu iyo Korinto, gho kubha ntyëndiri kunyahaara emetema gheenyu.

2 Abhakorinto 11:10

Kinya bhuno obhuhëënë bho Kirisito bhoonyi moose yaane, taanyi‑ho omooto koru umu hayo mo‑mukööwa woose o Akaaya, uno akuuhööchërëra kwihacha ighoro e ngʼana ino.

2 Abhakorinto 9:2

gho kubha nyeeche omukörö waanyu o kobhatoori abhande. Wiiki, eni nekwihacha ighoro yaanyu kwo bhaato bha Maketoniya, neghosiikëra kubha, inyu abhaato bha riikanisa re mo‑mukööwa o Akaaya ꞉mwisëëmiri koruusi korwera omooka uno ohetiri. Ghwiköngʼi koonyu kuyo, ngughëriri abhaato bhaaru ghate yaabho kubha no omukörö o koruusi.

Abhagharatiya 1:1

Anyaarubha ino neyandëkiri eni Bhawuro. Eni ntetomuru na abhaato hamu kuhatëku no omooto nyarebhe, amare ꞉neetomuru na Yesu Kirisito na Taata Waryobha uno amoryokiri Yesu koru mo‑bhaku.

Abhagharatiya 3:26

Ibheere inyu bhoose n‑abhaana bha Ryobha moonyi gho nchëra e ghokumi koonyu, gho kubha mughöötiine na Kirisito Yesu.

Abhaebheeso 1:1

Anyaarubha ino neyandëkiri eni Bhawuro, uno nebherekiiru kubha omotomu o Yesu Kirisito, kwo mënda gha Ryobha. ˆNekabhaandëkëra inyu abhatööbhiyu bha Ryobha bhano mumanyiri Ebheeso, bhano momokumiri Kirisito Yesu.

Abhabhiribhi 1:1

Anyaarubha ino neyandëkiri eni Bhawuro haghirohamu na Timotewo omutamishi mughëndi waane o Kirisito Yesu. Ntokobhaandëkëra inyu amasikoofu na amashemaasi, haghirohamu na abhatööbhiyu bha iyo Bhiribhi bhano mughöötaniibhu na Kirisito Yesu.

1 Abhatesaronike 1:1

Anyaarubha ino neyandëkiri eni Bhawuro, haghirohamu na Sirwano na Timotewo. Ntokobhaandëkëra inyu bhano moonyi mo‑riikanisa re moghya o Tesaronike, bha rikinda re bhaato bhano momokumiri Taata Waryobha no Omutëmi wiito Yesu Kirisito. Ntököbhëëndëra aghareeya no omurëmbë ghibhe haghirohamu na niinyu.

1 Abhatesaronike 3:2

tomotome Timotewo mohiiri wiito, kubha ache abhaköngʼi na kobhatoora omukörö mo‑bhokumi bhoonyu. Iwe n‑omutamishi mughëndi wiito o Ryobha gho kuraghani Angʼana Anchömu ighoro e Kirisito.

2 Abhatesaronike 1:1

Anyaarubha ino neyandëkiri eni Bhawuro, haghirohamu na Sirwano na Timotewo. Ntokobhaandëkëra inyu bhano moonyi mo‑riikanisa re moghya o Tesaronike, bha rikinda re bhaato bhano momokumiri Taata wiito Waryobha no Omutëmi Yesu Kirisito.

1 Timotewo 1:1

Anyaarubha ino neyandëkiri eni Bhawuro. Eni netomuru kubha omotomu o Kirisito Yesu gho kuhatëku ne Eryobha Omotoori wiito na Kirisito Yesu uno anyi eriitëngʼërö riito.

2 Timotewo 1:1

Anyaarubha ino neyandëkiri eni Bhawuro. Eni netomuru kwo mënda gha Ryobha kubha omotomu o Kirisito Yesu, kubha niraghani angʼana e bhuhöru. Eryobha ꞉ndiiraghiri kubha, obhuhöru bhuyo mbokubhönëka gho komokumi Kirisito Yesu.

Tiito 1:1

Anyaarubha ino neyandëkiri eni Bhawuro, omutamishi o Ryobha, no omotomu o Yesu Kirisito. Eni netomuru gho ghiri e kwërëkërëri abhaato bhano bhaahwiru ne Eryobha, kubha bhatore komokumi na kumënya obhuhëënë ighoro e Yesu Kirisito. Obhuhëënë bhuyo mbokobhakangata ghuköra ghano ghakwëndëru ambërë e Ryobha,

Bhiremooni 1:1

Eni Bhawuro, omubhöhu gho ghiri e kuraghani Angʼana Anchömu ighoro e Kirisito Yesu, ˆneghakwandëkëra iye Bhiremooni. Eni haghirohamu no omohiiri wiito Timotewo, ntoghoghukëëri iye omosiighani wiito, uno onyi omutamishi mughëndi wiito.

Abheebhuraaniya 13:23

Nekwënda mumënyë kubha omokumi mughëndi wiito Timotewo mbamotighoorikiri koru mo‑kibhöhö. Aribha araacha bhwango hano neenyi, nekuucha nawe bhowaanyu kobhataarera.