1 Yohana 5:7 - Eriiraghano Eriihë

⁷ Wiiki Akörö Ahörëëru neghoghaghambera ghayo kubha n‑nga hëënë, gho kubha Akörö Ahörëëru niyo obhuhëënë.

1 Yohana 5:7 ပူးပေါင်းရင်းမြစ်များ

Mataayo 17:5

Hano Bheetero are akeere arasiikëra, mööhi, rekaacha erishaaro rerarëngaari na kobhakundekeri. Bhakamara bhakooghu eriiraka koru Mwishaaro riyo rerabhugha, “Uno n‑Omoona waane omosiighani, neghuchömëru nawe, momutëghëërërë!”

Mataayo 18:16

Amare aribha angiri ghokoghwera, nooghi wimoki omooto owonde umu hamu bhabhere, kinya Amandëkö Amatööbhiyu ꞉ghaabhughiri kubha, ‘Kira eriisari reteneru ekiina kwo bhwibhateri bho bhaato bhabhere hamu bhatato.’

Mataayo 28:19

Mbe, mughëndë kwo bhaato bha matöngö ghoose na kobhaköra kubha abhaanabheegha bhaane. Mobhakörë bhabhe abhaanabheegha bhaane gho kobhabhatiisa, kwo riina re Taata, na re Moona na re Akörö Ahörëëru.

Yohana 1:1

Simoka hayo, Angʼana neere‑ho. Angʼana iyo neere haghirohamu ne Eryobha. Wiiki Angʼana iyo neere Eryobha.

Yohana 10:30

Eni na Taata m‑bhamu toonyi.”

Yohana 12:28

Oo Taata Waryobha, wërëki obhotoro bhoocho kebhuno bhoonyi.” Niho hakarwera eriiraka koru Mwishaaro rerabhugha, “Oo Omoona waane, eni ꞉nyëërëkiri obhotoro bhoone na neghuköra hangʼu wiiki.”

Yohana 14:17

Akörö iyo nekobhahunyurera abhaato obhuhëënë. Abhaato bhano bhakwanga Eryobha bhataaghotora ghosongʼaana Akörö iyo, gho kubha bhataakoyerighi, wiiki bhatayeeche. Amare inyu moyeeche Akörö iyo gho kubha neghwikara haghirohamu na niinyu, wiiki neekubha moose yaanyu.

Yohana 15:26

“Hano akuucha ghokoonyu Omotoorereri, uno nekomotoma ghokoonyu koru o‑Taata, niyo Akörö Ahörëëru e hëënë ino ekoru o‑Taata, neghungambëra obhuhëënë ighoro yaane.

Yohana 5:26

Kinya bhuno Taata anyi no obhuhöru moose yaache, hangʼu hangʼu nibhu amoheere Omoona kubha no obhuhöru moose yaache.

Yohana 8:18

Gho nchëra ino eni neghwighambera eni omwene, na Taata uno antomiri naghungambëra.”

Yohana 8:54

Yesu akabhagharokeri akabhugha, “Erabha nekwihacha eni mwene, kwihacha koone ghotaghöötë ekebhune ghyokyose. Amare Taata, uno inyu mokobhugha n‑Eryobha reenyu, niwe uno aghuntöghösi eni.

Amaköri gha Bhatomu 2:33

Eryobha riyo rekamoghongi na komuha omweya, niikeere eribhaara reeche re kwiro. Akamara Taata Waryobha akamuha Yesu Akörö Ahörëëru kinya bhuure are amuraghiri, Yesu woose aghatwikeri Akörö iyo. Ibheere ghano gharweriire, nigho ghano moghogharighi na ghoghooghu.

Amaköri gha Bhatomu 5:32

Itu n‑abhiibhatereri bha mangʼana ghayo ghoose, na Akörö Ahörëëru ino Eryobha rebhaheere bhano bhakoresooka, neghoghaghambera haghirohamu na niitu.”

1 Yohana 1:1

Ntokobhaandëkëra angʼana ighoro e uno anyi Angʼana e bhuhöru, uno are‑ho korwera simoka. Itu ꞉ntoomooghwire na komorighi kwo miisho ghiito abheene, ꞉ntoomorooche na komoturi na amabhökö ghiito.

1 Yohana 5:6

Mbe, Yesu Kirisito niwe ichiri kwo manche gha bhubhatiiso na kwo masaahë gha roko rooche. Taanyi kwo manche agheene, amare na kwo masaahë ghaache ghano ꞉ghiitëkiri mo‑musarabha.

1 Yohana 5:8

Ngaanyi‑ho amangʼana atato ghano ghakuhëënëhi amangʼana gha Yesu [Mwishaaro, Taata, na Angʼana, na Akörö Ahörëëru, bhayo bhatato m‑bhamu.

Obhohunyurëru 19:13

Naare abheekiri andachana ino etibhuru mo‑masaahë. Eriina reeche nabherekiiru, “Angʼana e Ryobha.”