1 Yohana 5:6 - Eriiraghano Eriihë

⁶ Mbe, Yesu Kirisito niwe ichiri kwo manche gha bhubhatiiso na kwo masaahë gha roko rooche. Taanyi kwo manche agheene, amare na kwo masaahë ghaache ghano ꞉ghiitëkiri mo‑musarabha.

1 Yohana 5:6 ပူးပေါင်းရင်းမြစ်များ

Mataayo 26:28

Adivaayi iyo, nigho amasaahë ghaane gha riiraghano. Amasaahë ghaane ngaghwitëka gho ghiri e bhaato bhaaru, kubha Eryobha rebhaabhërë amasari ghaabho.

Mataayo 3:16

Hano Yesu abhatiisuru na kohoroka mo‑rooche, mööhi, hayo hayo erishaaro reghiighoka, akarighi Akörö e Ryobha eriika kinya egheghuuti na ghwikara ighoro yaache!

Maariko 14:24

Akabhabhoorera akabhugha, “Ghano n‑amasaahë ghaane gha riiraghano, ghano ghaghwitëka gho ghiri e bhaato bhaaru.

Ruuka 22:20

Hano bhamariri kurë ekiinyakurë ke mughörööbha, Yesu akiimoki wiiki eghisënchö kiyo, akabhugha, “Adivaayi ino enyi mo‑ghisënchö kino, n‑amasaahë ghaane gha Eriiraghano Eriihë ghano ghaghwitëka gho ghiri yaanyu.]

Yohana 14:17

Akörö iyo nekobhahunyurera abhaato obhuhëënë. Abhaato bhano bhakwanga Eryobha bhataaghotora ghosongʼaana Akörö iyo, gho kubha bhataakoyerighi, wiiki bhatayeeche. Amare inyu moyeeche Akörö iyo gho kubha neghwikara haghirohamu na niinyu, wiiki neekubha moose yaanyu.

Yohana 14:6

Yesu akamugharokeri akabhugha, “Eni n‑anchëra, no obhuhëënë, no obhuhöru. Taanyi‑ho uno aghotora kuucha o‑Taata aribha atahetiire ghokoone.

Yohana 15:26

“Hano akuucha ghokoonyu Omotoorereri, uno nekomotoma ghokoonyu koru o‑Taata, niyo Akörö Ahörëëru e hëënë ino ekoru o‑Taata, neghungambëra obhuhëënë ighoro yaane.

Yohana 16:13

Amare Akörö e bhuhëënë, hano ekuucha ghokoonyu, nekobhakangata kobhumënya obhuhëënë bhoose. Teekobhugha kwo bhotoro bhooche ayeene, amare nekobhugha ghano yoghwire na kobhabhoorera ghano ghakuucha.

Yohana 3:5

Yesu akamugharokeri akabhugha, “Mahëënë ˆneghakobhoorera, taanyi‑ho omooto uno aghotora ghusöha mo‑bhutëmi bho Ryobha aribha atibhwiru kwo manche na gho Akörö e Ryobha.

Yohana 4:10

Yesu akamugharokeri akabhugha, “Aribha ongamënyiri atuho e Ryobha na kubha n‑niwe aghoghusabha amanche gha kunyo, nongamusabhiri iwe, nawe nangakoheere amanche ghano ghakobhaha abhaato obhuhöru bho miishe ghyose.”

Yohana 4:14

Amare omooto aranyo amanche ghano nekomuha eni, taakooghu anyööta emiishe ghyose. Amanche ghano nekomuha eni ngaakubha kinya ekerika ke manche moose yaache, ghataakooma naabha, ngaakubha gharamuha obhuhöru bho miishe ghyose.”

Yohana 6:55

Omobhere waane niwe ekiinyakurë ke mahëënë, na amasaahë ghaane nikyo ekinywebhu ke mahëënë.

Amaköri gha Bhatomu 8:36

Hano bhaare mo‑rughëndö, bhakahika ahaghiro hano ꞉haare na amanche. Omokoro uyo akamobhoorera Bhiiribho akabhugha, “Mööhi! Hano, ngaanyi‑ho amanche. N‑ghento ke ghekundeki netabhatiisu?” [

Abharuumi 3:25

Eryobha ndemuköriri Yesu abhe amaruusi gha ghutëmëërani abhaato ne Eryobha, kubha bhaabhëru amasari ghaabho, gho ghokumi kubha Yesu ꞉naakuure gho ghiri yaabho. Eryobha ꞉ndiiköriri hangʼu, kubha ryërëki kubha iryo n‑ihëënë, ndekurööna bhano bhaanyi na amasari. Mööhi, iryo retabharööniri kwo masari ghaabho ghano ꞉bhaaköriri eriibhagha re hayo ekeenyuma.

Abhaebheeso 1:7

Eryobha ndetotingwiri gho nchëra e masaahë gha Yesu Kirisito, niko kobhugha ndetwabhiire amasari ghiito ghoose, kurëngʼaana no obhwaru bho ghareeya yaache.

Abhakorosaayi 1:4

Ntoghuköra hangʼu gho kubha ntooghwire kebhuno momokumiri Kirisito Yesu, na kinya obhosiighi bhoonyu bhoonyi kwo bhaato bhaache.

1 Timotewo 3:16

Amangʼana gha bhuhëënë ghano Eryobha rehunywire n‑gha koroghoori, nagho nigho ghano: Kirisito niyëërëkiini mo‑mobhere, na Akörö Ahörëëru ekamuhëënëhi kubha, mughöröröku, akarighibhu na bhamarayika, akaraghanibhu mo‑matöngö ghoose, aghakumibhu na abhaato bha mo‑se, aghaghëghu ghuye ighoro mo‑bhokumi bhooche obhokoro.

Tiito 3:5

Retaaköriri hangʼu gho kubha amaköri ghiito ango n‑gha hëënë ꞉ghaare, amare n‑gho changori cheeche okwene. Ndetomusiri obhobhe bhwito, kuyo niko okwibhoru okuhë. Wiiki ndetoheere eriimanya eriihë gho nchëra e Körö Ahörëëru.

Abheebhuraaniya 10:29

Ibheere mwihëëbhë! Kana, n‑anchagho e ngʼana hayi ino akubhöna omooto uno akomutaraaha Omoona o Ryobha na korighi kubha amasaahë gha riiraghano rino ꞉reemomusiri amasari ghaache kubha taanyi egheghiro ghe ghotereera, na kwo mooto uno aghotoka Akörö Ahörëëru ino enyi e ghareeya?

Abheebhuraaniya 12:24

Inyu mohikiri o Yesu, omughöötani o Riiraghano Eriihë, na kwo masaahë ghaache ghano ꞉ghiitëkiri mo‑musarabha gho ghiri e masari ghiito. Amasaahë ghayo, taanyi kinya amasaahë gha Abheeri, ghano ꞉ghëëndiri korehani asiire.

Abheebhuraaniya 13:20

Mbe, Eryobha re murëmbë ꞉ndeemoryokiri Omutëmi wiito Yesu, Omoriishi Omokoro o changʼöndu, gho ghiri ekubha ꞉niitiri amasaahë ghaache ghano ghahëënëhiri eriiraghano re miishe ghyose.

Abheebhuraaniya 9:14

Amare ibheere amasaahë gha Kirisito ngaanyi na changuru chwee ghokera amasaahë gha chatyenyi chiyo! Gho nchëra e Körö ino enyi e miishe ghyose, iwe ꞉niiruusiri kwo Waryobha kubha amaruusi ghano ghahikeriine. Amasaahë ghaache nigho ghaghotomusa emetema ghiito ighoro e masari ghano ghaghughëri oroko kubha torisëngërë Eryobha rino reenyi ihöru.

Abheebhuraaniya 9:7

Amare Omuchaama Omokoro omwene chiri, niwe are ariisherereru ghusöha mo‑kenyumba kiire ghe kabhere, woose naare arasöha mara rimu hangʼu kwo mooka. Wiiki nëëndiiru ghusöha na amasaahë gha tyenyi ino esinchuru na koruusi kwo Waryobha. Naare araköra hangʼu gho ghiri e kwabhëru amasari ghaache na amasari gha bhaato abhande bhano ꞉bhaare bharaköra amasari ino bhateeche.

1 Bheetero 1:2

Korwera kare, Taata Waryobha nabhamënyiri na kobhaahura gho ghiri yaache. Akörö yaache nebhaköriri mubhe abhatööbhiyu, kubha momosooke Yesu Kirisito na komusu kwo masaahë ghaache. Nëköbhëëndëra aghareeya no omurëmbë kwo bhwaru, ghibhe na niinyu.

1 Bheetero 3:21

Amanche ghayo n‑eghetuubhaani ke bhubhatiiso, bhuno bhoghototoori, taanyi gho koruusi eriiku mo‑mobhere, amare n‑eriiraghano re mënda meero kwo Waryobha. Amangʼana ghayo, ngaakubha gho kohetera koryoka kwo Yesu Kirisito.

1 Yohana 1:7

Aribha toghwikara mo‑bhwero, kinya bhuure Eryobha reghwikara, niho tookubha no obhumu itu bheene kwo bheene. Wiiki masaahë gha Moona waache Yesu ngaghotweri amasari ghiito ghoose.

1 Yohana 4:10

Bhuno nibho obhosiighi, taanyi kubha niitu ꞉tooresiighiri Eryobha, amare iryo niryo ꞉reetosiighiri itu. Nikyo ꞉reemotomiri Omoona waache, abhe amaruusi gha ghosinchu kubha aruusi amasari ghiito na ghotutëmëërani ne Eryobha.

Obhohunyurëru 1:5

na koru kwo Yesu Kirisito, ghibhe haghirohamu na niinyu. Uyo niwe omwibhateri omuhëënë. Niwe o mumbërë koryoka koru mo‑bhaku, kubha abhe omukangati o bhatëmi bhoose mo‑se. Yesu niwe atosiighiri aghatusaasura koru mo‑masari ghiito gho nchëra e masaahë ghaache.

Obhohunyurëru 5:9

Bhakamwembera Omoona o Ngʼöndu omwembo omuhë uno ore orabhugha, “Iye nokurëngʼaanera kwimoki eghitabhu kiyo, na kunaanura emehuuri gheeche ghe nyaghame, gho kubha iye ꞉noosinchuru. Amasaahë ghaacho, ghakareghorera Eryobha abhaato bha matöngö ghoose, na bha bhighambo bhyose, na abhahiiri bhoose na chaase choose.

Obhohunyurëru 7:14

Nekamugharokeri nekabhugha, “Oo omutëmi waane, iye niiye weeche.” Akamboorera akabhugha, “Abhaato bhayo mbakindiri anyaako yiire ankoro. ꞉Mbaahuriri chandachana cheebho kwo masaahë gha Moona o Ngʼöndu, cheekabha cheero chayi.