1 Yohana 5:11 - Eriiraghano Eriihë

¹¹ Obhuhëënë bhuyo nibho bhuno, Eryobha ndetoheere obhuhöru bho miishe ghyose. Obhuhöru bhuyo ntokobhubhöna gho nchëra e ghokumi Omoona waache.

1 Yohana 5:11 ပူးပေါင်းရင်းမြစ်များ

Mataayo 25:46

“Niho abhaköri bha masari bhaare bhaghutanura na ghuye ghoteneru ekiina ke miishe ghyose. Amare bhaare abhahëënë, mbaghusöha mo‑bhuhöru bho miishe ghyose.”

Yohana 1:19

Orosiko rumu, abhakangati bha Bhayahuuti ꞉mbaabhatomiri abhachaama na Abharaawi koru Yerusareemu, bhamobhoori Yohana kubha n‑niwe. Bhuno nibho obhwibhateri bhooche,

Yohana 1:4

Niwe simoka e bhuhöru, no obhuhöru bhuyo mbokurëëta obhwero kwo bhaato bhoose.

Yohana 10:28

Eni neghochiha obhuhöru bho miishe ghyose, koru chetaakobhora naabha. Wiiki taanyi‑ho omooto uno aghotora ghochisara koru mo‑mabhökö ghaane.

Yohana 12:50

Wiiki, nyeeche kubha amaraghereri ghaache ngakobhaha abhaato obhuhöru bho miishe ghyose. Mbe, eni neghosiikëra ghaare agheene Taata ꞉andagheriiri nesiikërë.”

Yohana 14:6

Yesu akamugharokeri akabhugha, “Eni n‑anchëra, no obhuhëënë, no obhuhöru. Taanyi‑ho uno aghotora kuucha o‑Taata aribha atahetiire ghokoone.

Yohana 19:35

Bhuno n‑obhwibhateri bho mooto uno agharooche gharaköru. Bhuyo n‑obhwibhateri bho hëënë, gho kubha iwe neeche ghano aghosiikëra n‑gha hëënë, kubha na niinyu motore ghokumi.

Yohana 3:36

Omooto wowoose uno akomokumi Omoona o Ryobha naanyi no obhuhöru bho miishe ghyose. Amare omooto wowoose uno akomwanga taanyi no obhuhöru, gho kubha ghukarara kwo Waryobha ngokwëndërëra kubha ighoro yaache.

Yohana 4:36

Omughësi nakubhöna amareho ghaache, na ghokoma omunöghö gho ghiri e bhuhöru bho miishe ghyose. Mbe, omobhusuri no omughësi bhoose mbaghuchömëru haghirohamu.

Yohana 4:4

Hano are araghe Ghariraaya, ꞉nëëndiri kohetera mo‑se e Bhasamaariya.

Yohana 5:21

Kebhuno Taata akobharyoki abhaku na kobhaha obhuhöru bho miishe ghyose, hangʼu hangʼu Omoona nahaabhaha obhuhöru abhaato bhano asiighiri kobhaha.

Yohana 5:26

Kinya bhuno Taata anyi no obhuhöru moose yaache, hangʼu hangʼu nibhu amoheere Omoona kubha no obhuhöru moose yaache.

Yohana 6:40

Amiigha gha Taata n‑ghano, omooto woose uno akumënya kubha eni n‑Omoona waache na ghonkumi, abhe no obhuhöru bho miishe ghyose. Eni nekuucha komoryoki mo‑rosiko ro ntenero.”

Yohana 6:47

“Mahëënë ˆnekabhabhoorera, omooto wowoose uno aghonkumi eni, naanyi no obhuhöru bho miishe ghyose.

Yohana 6:68

Simiyooni Bheetero akamugharokeri akabhugha, “Oo Omutëmi, toghi waawe? Iye omwene noonyi na amangʼana ghano ghaghotuha obhuhöru bho miishe ghyose.

Abharuumi 5:21

Mbe, eriisari ndeere na changuru che ghukangata abhaato na kobharëëtëra oroko. Hangʼu hangʼu, aghareeya e Ryobha nehaakangata abhaato, gho kobhabharera kubha mbaanyi no obhuhëënë, na kobhaha obhuhöru bho miishe ghyose, kohetera kwo Mutëmi wiito Yesu Kirisito.

Abharuumi 6:23

Omooto wowoose uno anyi omusësë o masari, amareho ghaache n‑oroko ro miishe ghyose. Amare itu, Eryobha ndeghotuha obhuhöru bho miishe ghyose. Obhuhöru bhuyo taanyi amareho, amare n‑atuho ino toghosongʼaana kohetera Kirisito Yesu, Omutëmi wiito.

1 Timotewo 1:16

Koru hangʼu, Yesu Kirisito ꞉naandoochiire changori eni! ꞉Naanyëërëkiri obhoghumereri bhooche bhokoro chwee ghokoone eni uno neenyi na amasari ghokera bhoose, kubha kinya angumeriire eni ibhe ekyërëkërëri kwo bhaare bhakuucha komokumi na ghosongʼaana obhuhöru bho miishe ghyose.

Tiito 1:2

na mbokobhaha amiitëngʼërö gha bhuhöru bho miishe ghyose. Eryobha ꞉ndiiraghiri obhuhöru bhuyo, koru rekeere ghutëëma ase, na retaaghosiikëra obhuröngö.

1 Yohana 2:25

Rino aturaghiri Omoona o Ryobha niryo rino, kubha no obhuhöru bho miishe ghyose.

1 Yohana 4:10

Bhuno nibho obhosiighi, taanyi kubha niitu ꞉tooresiighiri Eryobha, amare iryo niryo ꞉reetosiighiri itu. Nikyo ꞉reemotomiri Omoona waache, abhe amaruusi gha ghosinchu kubha aruusi amasari ghiito na ghotutëmëërani ne Eryobha.

1 Yohana 4:9

Eryobha eryene ndetwërëkiri obhosiighi bhooche ghokwito gho nchëra e komotoma Omoona waache omwene chiri kuucha mo‑se ino, kubha gho kohetera ghokooche tubhönë obhuhöru bho miishe ghyose.

1 Yohana 5:10

Wowoose uno akomokumi Omoona o Ryobha, nakumiri kubha obhuhëënë bhuyo m‑bho mahëënë. Amare uno ataakorekumi Eryobha, nakobhugha kubha Eryobha n‑iröngö, gho kubha tabhwisheriiri obhuhëënë bhuno Eryobha ꞉reeruusiri ighoro e Moona waache.

1 Yohana 5:20

Wiiki ntweche kubha Omoona o Ryobha namariri kuucha, natoheere obhongʼiini, kubha torimënyë Eryobha re hëënë. Ntoonyi no obhumu ne Eryobha re hëënë, gho nchëra e kubha no obhumu no Omoona waache Yesu Kirisito. Rino niryo Eryobha re hëënë, no obhuhöru bho emiishe ghyose.

1 Yohana 5:7

Wiiki Akörö Ahörëëru neghoghaghambera ghayo kubha n‑nga hëënë, gho kubha Akörö Ahörëëru niyo obhuhëënë.

3 Yohana 1:12

Abhaato bhoose mbaghotobhoorera kubha Temetiiriyo m‑mooto muchömu. Eriimanya reeche ndeghotegheri Eryobha, na nekwërëki kubha iwe m‑muhëënë. Koru na niitu, ntokobhugha kubha m‑mooto muchömu, na nweche kubha amangʼana ghiito n‑nga hëënë.

Yuuta 1:21

Mwichonge mo‑bhosiighi bho Ryobha, ino mörëëndërëra ghughanya ebheghongi bhe Mutëmi wiito Yesu Kirisito uno akobhaha obhuhöru bho miishe ghyose.

Obhohunyurëru 1:2

Yohana aghasiikëra amangʼana ghoose ghano ꞉arooche. Ghayo nigho Eryobha ꞉reesiikiire na Yesu Kirisito aghaghasiikërëra.

Obhohunyurëru 22:1

Akamara marayika uyo akanyëërëki orooche ro manche gha bhuhöru, ndoore rorabhari kinya ekiröri na ndorweriire irungu re ghetumbe ghe ghitëmi ke Ryobha no Omoona o Ngʼöndu.